481.77
-0.24
540.26
-0.7
8.5
-0.06
+21
Եղանակը Երևանում
Հայ
Նախապայմանների բացակայության դեպքում Հայաստանը պատրաստ է Թուրքիայի հետ մերձեցման. ԱԳՆ
12:35
21 Հունիսի 2010

Հայաստանը պատրաստ է առաջ շարժվել Թուրքիայի հետ հարաբերությունների հաստատման ուղով, երբ Անկարան նորից պատրաստ կլինի հարաբերությունները նորմալացնել առանց որևէ նախապայմանի, «Նեզավիսիմայա գազետային» տված հարցազրույցում ասաց ՀՀ արտգործնախարար Էդվարդ Նալբանդյանը:

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը:

«Ոչ միայն Երևանից, այլև Մոսկվայից, Բրյուսելից, Վաշինգտոնից, Փարիզից և այլ մայրաքաղաքներից բազմիցս ասել են, որ ղարաբաղյան հակամարտության կարգավորումն և հայ-թուրքական հարաբերությունների կարգավորումը չեն կարող շաղկապվել, նման շաղկապման փորձերը կարող են վնասել երկու գործընթացներին էլ», - ասել է Նալբանդյանը:

Նրա խոսքերով` երբ 2008 թ.-ի սեպտեմբերին ՀՀ նախագահ Սերժ Սարգսյանը նախաձեռնեց հայ-թուրքական հարաբերությունների կարգավորման գործընթացը, դրանք փակուղու մեջ էին: Դրա պատճառներից մեկը, ինչպես նշել է նախարարը, Թուրքիայի կողմից առաջադրվող նախապայմաններն էին, որոնք էլ գործնականում անհնար էին դարձնում լուրջ բանակցությունների անցկացումը: 2008 թ.-ի սեպտեմբերին կողմերը պայմանավորվեցին սկսել գործընթացն առանց նախապայմանների:

«Հենց նման ընդհանուր ըմբռնմամբ մենք սկսեցինք, վարեցինք բանակցությունները և հասանք պայմանավորվածությունների: Եվ, բնականաբար, 2009 թ.-ին Ցյուրիխում ստորագրված արձանագրություններում որևէ նախապայման չկա», - ասել է Նալբանդյանը:

Նախարարի խոսքերով` եթե թուրքական կողմն այսօր հետ քայլ է անում և վերադառնում է նախապայմանների լեզվին, որով նա խոսել է նախքան գործընթացը, եթե պայմանավորում է արձանագրությունների վավերացումն ու իրագործումը ղարաբաղյան հակամարտությամբ, ապա այս ամենը ձեռք բերված պայմանավորվածությունների ակնհայտ և կոպիտ խախտում է:

«Միաժամանակ չափազանց տարօրինակ են հնչում թուրքական կողմի պնդումներն այն մասին, որ Թուրքիան հարգում է Pacta Sund Servanda (պայմանավորվածությունները պետք է կատարվեն) սկզբունքը: Այստեղ ակնհայտ է խոսքի և գործի տարբերությունը», - ասել է Նալբանդյանը:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: