487.29
-0.01
568.08
+2.76
8.23
+0.01
+8
Եղանակը Երևանում
Հայ
Հայաստանը շնորհակալ է Ռուսաստանին ղարաբաղյան կարգավորման մեջ ունեցած ներդրման համար. ԱԳՆ
12:16
21 Հունիսի 2010

ԵՐԵՎԱՆ, 21 հունիսի. /Նովոստի-Արմենիա/. Հայաստանը շնորհակալ է Ռուսաստանին այն ծանրակշիռ ներդրման և դրական դերի համար, որը նա խաղում է տարածաշրջանային գործընթացներում և հատկապես Հայաստանի համար կարևորագույն ղարաբաղյան խնդրի լուծման հարցում` որպես ԵԱՀԿ ՄԽ համանախագահ, ասել է ՀՀ ԱԳ նախարար Էդվարդ Նալբանդյանը «Նեզավիսիմայա գազետա» թերթին տված հարցազրույցում:

ՌԴ նախագահ Դմիտրի Մեդվեդևի նախաձեռնությամբ և մասնակցությամբ հունիսի 17-ին Սանկտ Պետերբուրգում կայացել է Հայաստանի և Ադրբեջանի նախագահների հանդիպումը: Նախորդ հանդիպումներն ու բանակցություններն անցկացվել են Սանկտ Պետերբուրգում, Մոսկվայում, Քիշնևում և Սոչիում:

«ՌԴ նախագահ Դմիտրի Մեդվեդևը մեծ ջանքեր է գործադրում, որպեսզի օգնի կողմերին լուծել այս խնդիրը», - ասել է Նալբանդյանը:

Նախարարը նշել է, որ հենց ՌԴ նախագահի անձնական ջանքերի շնորհիվ են տեղի ունեցել Հայաստանի և Ադրբեջանի նախագահների մի քանի կարևոր հանդիպումները: Մեդվեդևի միջնորդությամբ 2008 թ.-ի նոյեմբերին ստորագրվեց Մայնդորֆյան հռչակագիրը, այն Հայաստանի և Ադրբեջանի միջև ստորագրված առաջին փաստաթուղթն է 1994 թ.-ին ՌԴ միջնորդությամբ հրադադարի մասին եռակողմ համաձայնագրի (Ադրբեջան, Լեռնային Ղարաբաղ, Հայաստան) ստորագրումից հետո:

«Ռուսաստանը բազմիցս հայտարարել է, որ անհնար է ճնշել կողմերին, նրանք պետք է ինքնուրույն լուծեն հակամարտությունը», - ասել է Նալբանդյանը:

Խոսելով Ռուսաստանի և Թուրքիայի մերձեցման ու ղարաբաղյան հակամարտության կարգավորման վրա հնարավոր ազդեցության մասին` նախարարը նշել է, որ դարեր ի վեր Հայաստանին և Ռուսաստանին կապում են բարեկամության այնպիսի ամուր կապեր, դաշնակցային, ռազմավարական հարաբերությունների վերածված եղբայրական այնպիսի թելեր, որ ներկայացվող տեսական սցենարները պարզապես անիմաստ են:

«Սրանք այդպիսի հարաբերություններ չեն: Մեր երկու ժողովուրդները պատմության ընթացքում երբեք չեն եղել բարիկադի տարբեր կողմերում, նրանք միշտ պատերազմել են ընդհանուր թշնամիների դեմ: Մեր բարեկամությունը կոփվել է համատեղ պայքարում ծանր փորձությունների ընթացքում: Այն ստուգված է ժամանակով», - ասել է Նալբանդյանը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։