484.51
-0.37
518.72
-3.16
8.61
-0.05
+4
Եղանակը Երևանում
Հայ
Հայաստանի բնակչությունն իրազեկված չէ ռացիոնալ սննդակարգի մասին. փորձագետ
13:25
09 Հունիսի 2010

Հայաստանի բնակչությունը գրեթե իրազեկված չէ ռացիոնալ սննդակարգի մասին, կարծում է ՀՀ Առողջապահության ազգային ինստիտուտի Հիգիենայի ամբիոնի ասիստենտ Նարինե Խաչատրյանը:

«Մեր բնակչության շրջանում ռացիոնալ սննդակարգի մասին իրազեկվածությունը շատ ցածր մակարդակի վրա է», - ասաց նա՝ չորեքշաբթի մամուլի ասուլիսի ժամանակ պատասխանելով «Նովոստի-Արմենիա» գործակալության հարցին:

Խաչատրյանը նշեց, որ առողջությունն ու ռացիոնալ սնունդն ունեն իրենց օրինաչափություններն ու սկզբունքները, մասնավորապես, գոյություն ունի երեք հիմնական սկզբունք, որոնցից առաջինը էներգետիկ հաշվեկշռի սկզբունքն է:

«Որքան էներգիա մարդը ծախսում է, այդքան էլ պետք է ստանա, հակառակ դեպքում մենք գործ կունենանք ավելորդ քաշի և ճարպակալման հետ կամ ընդհակառակաը՝ սննդի պակասի հետ», - պարզաբանեց նա:

Մասնագետի խոսքերով՝ երկրորդ սկզբունքը սննդամթերքի կազմում ընդգրկված բոլոր նուտրիենտների (քիմիական տարրեր, որոնք անհրաժեշտ են մարդու կամ կենդանու օրգանիզմին նորմալ կենսագործունեություն ապահովելու համար) հաշվեկշիռն է:

«Երրորդ սկզբունքը սննդի լիարժեք և ռացիոնալ ռեժիմի պահպանումն է: Գիտականորեն հիմնավորված է, որ առավել ռացիոնալ է սնվել օրական 3-6 անգամ, ընդ որում երեխաները պետք է սնվեն օրական 5-6 անգամ, մեծահասակները՝ 3-4 անգամ», - ասաց նա:

Խաչատրյանը մեծ ուշադրություն դարձրեց առավոտյան պարտադիր նախաճաշերին, քանի որ օրվա ընթացում սոված մնալը նախապայմաններ է ստեղծում երեկոյան կուշտ ընթրիքի համար:

«Իսկ այս դեպքում մենք հետագայում կառնչվենք ստամոքս-աղիքային տրակտի հիվանդությունների, մասնավորապես, գաստրիտի, հաստ աղիի բորբոքման, խոցերի, պանկրեատիտների և այլ բարդությունների հետ», - պարզաբանեց նա:

Միաժամանակ Առողջապահության ազգային ինստիտուտի ներկայացուցիչն ավելացրեց, որ անհրաժեշտ է ընթրել քնելուց 2-3 ժամ առաջ, քանի որ հակառակ դեպքում ողջ ստամոքս-աղիքային համակարգը կգերբեռնվի:

«Այս դեպքում նյութափոխանակությունը նորմալ չի ընթանում, և մարդը սկսում է գիրանալ ճարպերի կուտակման պատճառով», - ասաց նա:

Մասնագետը խորհուրդ տվեց նաև չհաղթահարել սթրեսը սննդի անընդհատ ընդունման միջոցով, չուտել չափազանց տաք կամ սառը կերակուր, ինչպես նաև չուտել պարզապես «ընկերանալու» համար, եթե քաղցի զգացումը առկա չէ:

Խոսելով սև կամ լուծվող սուրճի և նրա թույլատրելի չափաքանակի մասին՝ Խաչատրյանը նշեց, որ ըստ գիտական լուրջ ուսումնասիրությունների՝ օրական նույնիսկ հինգ բաժակ սուրճը չի կարող վնասել առողջությանը:

«Հակառակը՝ սուրճն անհրաժեշտ է մարդուն նյարդային համակարգի գործունեությունն ակտիվացնելու համար», - ասաց նա՝ ավելացնելով, որ սուրճը չի կարող գրգռիչ ազդեցություն ունենալ ստամոքսի վրա:

Միաժամանակ Խաչատրյանը ընդգծեց Հայաստանում առողջ սննդի ոլորտում պետական քաղաքականության մշակման և հաստատման անհրաժեշտությունը, ինչպես դա արվել է Ռուսաստանում, որտեղ նման քաղաքականությունը, նրա խոսքերով, գործում է 1988 թ.-ից:

«Սպառողների ասոցիացիա» հասարակական կազմակերպության նախագահ Արմեն Պողոսյանն իր հերթին մի քանի խորհուրդներ տվեց առողջ սննդակարգի համատեքստում:

«Անհրաժեշտ է հրաժարվել վնասակար սովորություններից, և դա այնքան հեշտ է, որ որևէ մեկնաբանության կարիք չկա», -ասաց նա: Երկրորդը, ըստ Պողոսյանի, պակաս կարևոր չեն աշխատանքի և քնի ճիշտ ռեժիմները:

«Սակայն ամենագլխավորը չափազանց ճարպոտ և աղի սննդի ընդունումը սահմանափակելու անհրաժեշտությունն է», - ասաց նա՝ ավելացնելով, որ ամեն օր աղ պետք է ընդունել 3 գրամից ոչ ավելի:-0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: