477.88
-0.42
573.6
-0.5
8.31
+0.05
+21
Եղանակը Երևանում
Հայ
Աշխարհը մոռացել է Լեռնային Ղարաբաղի գոյության մասին. ընդդիմություն
16:59
01 Հունիսի 2010

Այսօր աշխարհը մոռացել է Լեռնային Ղարաբաղի գոյության մասին, ասել է ընդդիմադիր Հայ ազգային կոնգրեսի (ՀԱԿ) համակարգող Լևոն Զուրաբյանը։

«Դրանով է պայմանավորված այն իսկապես ագրեսիվ արձագանքը, որը հետևեց Ղարաբաղում կայացած ընտրություններին, ինչպես նաև՝ այն ժխտումը, որը ցուցադրեցին համաշխարհային խոշոր խաղացողները այդ ընտրությունների նկատմամբ։ Նրանց համար Լեռնային Ղարաբաղն այլևս գոյություն չունի», - երեքշաբթի ասել է Զուրաբյանը լրագրողներին։

Մի շարք եվրոպական կազմակերպություններ հայտարարել են, որ չեն ճանաչում մայիսի 23-ին Լեռնային Ղարաբաղի Հանրապետությունում կայացած խորհրդարանական ընտրությունների արդյունքները։

Զուրաբյանն ակնհայտ է համարում, որ Ղարաբաղի շուրջ օղակը սեղմվում է։ «Մենք զգուշացնում էինք, որ հայ-թուրքական արձանագրությունների վավերացման գործընթացը կձախողվի, ինչից հետո միջազգային ճնշումը կկենտրոնանա Ղարաբաղի և Հայաստանի վրա։ Այժմ մենք այդ գործընթացի վկաներն ենք, և Եվրախորհրդարանի աննախադեպ բանաձևը այդ ամենի դրսևորումն է», - ասել է նա։

Եվրախորհրդարանը մայիսի 20-ին բանաձև է ընդունել Հարավային Կովկասում հակամարտությունների կարգավորման վերաբերյալ, որը պատրաստել է բուլղարացի խորհրդարանական Եվգենի Կիրիլովը։ Փաստաթղթում ասվում է, որ Ղարաբաղը պետք է ուժերը դուրս բերի «Ադրբեջանի բոլոր բռնազավթված տարածքներից»։

ՀԱԿ-ի համակարգողը պարզաբանել է, որ մինչև 1998 թ.-ը Հայաստանի վարած քաղաքականության համաձայն՝ ղարաբաղյան հակամարտությունն իրենից Ադրբեջանի և Ղարաբաղի միջև հակամարտություն էր ներկայացնում, և դրա էությունը սեփական ինքնորոշման համար ղարաբաղցի ժողովրդի մղած պայքարն էր։

«Իսկ Հայաստանը, չունենալով ոչ մի տարածքային պահանջ Ադրբեջանի նկատմամբ, պատրաստ էր ցանկացած որոշման, որը ձեռնտու կլիներ և Ղարաբաղին, և Ադրբեջանին։ Նման դիրքորոշումը պաշտպանում էր Հայաստանին ցանկացած տեսակի ճնշումից և ադրբեջանական տարածքներն օկուպացման ենթարկելու մեղադրանքներից», - ասել է նա՝ ավելացնելով, որ միջազգային հանրությունը բավականին բարդ իրավիճակում էր, քանի որ ստիպված էր հաշվի նստել ղարաբաղյան գործոնի հետ։

Իսկ այժմ, Զուրաբյանի խոսքերով, այս հակամարտությունը ընկալվում է որպես հայ-ադրբեջանական միջպետական հակամարտություն։

«Նման իրավիճակը հանգեցրեց նրան, որ միջազգային հանրության մոտ  ղարաբաղյան հարցը կընկալվի ոչ թե որպես ինքնորոշման պայքար, այլ Հայաստանի և Ադրբեջանի միջև տարածքային վեճ», - ասել է նա՝ ընդգծելով, որ նման դասավորության դեպքում Ղարաբաղի ստատուս-քվոն կընկալվի որպես Հայաստանի կողմից Ադրբեջանի տարածքների օկուպացում։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: