485.25
-0.08
569.44
-2.72
8.18
-0.02
+2
Եղանակը Երևանում
Հայ
ԵՄ-ն պատրաստ է աջակցել ղարաբաղյան հակամարտության կարգավորման բանակցություններին ԵԱՀԿ ՄԽ շրջանակներում
11:02
27 Մայիսի 2010

ԵՐԵՎԱՆ, 27 մայիսի. /Նովոստի-Արմենիա/. Եվրամիությունը պատրաստ է շարունակել իր աջակցությունը ղարաբաղյան խնդրի խաղաղ կարգավորմանն ուղղված բանակցություններին, որոնք ընթանում են ԵԱՀԿ Մինսկի խմբի շրջանակներում, ասել է Եվրահանձնաժողովի նախագահ Ժոզե Մանուել Բառոզուն:

«Ես չեմ մանրամասնի սահմանադրական-իրավական հիմքերը: Մենք շարունակում ենք աջակցել խաղաղ բանակցային գործընթացին Մինսկի խմբի շրջանակներում և կարծում եմ, որ կարգավորումը պետք է անդրադառնա բոլոր հիմնական բաղկացուցիչներին, որոնք են տեղահանված անձանց վերադարձի իրավունքը, ունեցվածքային իրավունքները, ինքնորոշման իրավունքը, անվտանգությունն ու ուժերի դուրսբերումը», - ասել է Բառոզուն՝ պատասխանելով Ղարաբաղում կայացած ընտրությունների մասին հարցին:

Կիրակի ԼՂՀ խորհրդարանի հինգերորդ գումարման խորհրդարանական ընտրությունների ժամանակ, ԿԸՀ-ի նախնական տվյալներով, քվեարկել է ընտրողների 67,8 տոկոսը:

ՀՀ նախագահ Սերժ Սարգսյանն իր կողմից հայտարարել է, որ արդեն տասնամյակներ շարունակ Լեռնային Ղարաբաղի ժողովուրդը ընտրություններ է անցկացնում:

«Բնականաբար այս տարիների ընթացքում բազմաթիվ կառույցներ, այդ թվում նաև Եվրամիությունը հայտարարում են, որ չեն ճանաչում ընտրությունները, ինչը, իհարկե, զարմանալի է մեզ համար, սակայն մենք փորձում ենք հասկանալ դրդապատճառները», - ասել է նա:

ՀՀ նախագահը նշել է, որ այստեղ նաև պետք է հաշվի առնել հայկական կողմի կարծիքը: «Մենք համոզված ենք, որ ընտրություններն այլընտրանք չունեն: Այլընտրանք է այն, որ Լեռնային Ղարաբաղում իշխեն դաշտային հրամանատարները կամ այլ ուժեր: Մենք դեմ ենք դրան: Այնպես որ նորմալ ենք համարում այն, որ Լեռնային Ղարաբաղի ժողովուրդը կարող է թափանցիկ, ժողովրդավարական ընտրություններ անցկացնել», - ասել է Սարգսյանը:

Ռուսաստանից և Հայաստանից ժամանած դիտորդները Ղարաբաղում կայացած ընտրությունները համարել են լեգիտիմ, ազատ, ժողովրդավարական, թափանցիկ, որոնք ամբողջովին համապատասխանում են ԼՂՀ ընտրական օրենսգրքին և միջազգային բոլոր չափորոշիչներին:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։