478.04
+0.15
564.85
-3.12
8.3
-0.03
+19
Եղանակը Երևանում
Հայ
Հայաստանը մեծապես կարևորում է ֆրանկոֆոն երկրների խորհրդարանների համագործակցության զարգացումը. խոսնակ
14:05
04 Մայիսի 2010

Հայաստանը մեծապես կարևորում է ֆրանկոֆոնիայի կազմակերպության անդամ-երկրների խորհրդարանների միջև համագործակցության զարգացումը, երեքշաբթի Ֆրանկոֆոնիայի խորհրդարանական վեհաժողովի Եվրոպական տարածաշրջանի 23-րդ համաժողովի բացման ժամանակ ասաց ՀՀ ԱԺ խոսնակ Հովիկ Աբրահամյանը:

Ֆրանկոֆոնիայի խորհրդարանական վեհաժողովի Եվրոպական տարածաշրջանի 23-րդ համաժողովը, որին մասնակցում է Եվրոպայի տարբեր երկրների ավելի քան 80 ներկայացուցիչ, անցկացվում է ՀՀ խորհրդարանում մայիսի 4-6-ը:

«Մեր խորհրդարանում ֆրանսախոս պատգամավորների խումբը դեռևս մեծաթիվ չէ, սակայն խորհրդարանական դիվանագիտությունը, ֆրանկոֆոն երկրների խորհրդարանների միջև արդեն իսկ հաստատված համագործակցությունը մեծ դեր և ներուժ ունեն ֆրանկոֆոնիայի որդեգրած համամարդկային արժեքների` լեզվամշակութային բազմազանության պահպանման, խաղաղության հաստատման, ժողովրդավարության զարգացման, մարդու իրավունքների պաշտպանության գործում», - կարծում է Աբրահամյանը:

Խոսնակը նշեց, որ Հայաստանի համար համաժողովի անցկացումը կրկնակի ուրախություն է այն առումով, որ համաժողովի անցկացումը Հայաստանի մայրաքաղաքում համընկնում է բոլորիս համար կարևոր մի իրադարձությանը.  այս տարի Հայաստանը Ֆրանկոֆոնիայի միջազգային կազմակերպության մյուս բոլոր անդամ պետությունների հետ միասին նշում է կազմակերպության 40-ամյակը:

Ինչպես նշեց խոսնակը, ընդամենը 2008թ. հոկտեմբերին էր, երբ Քվեբեկի գագաթաժողովում  Հայաստանը Ֆրանկոֆոնիայի միջազգային կազմակերպությունում ստացավ ասոցացված անդամի կարգավիճակ` շեշտելով, որ ընդունում է ֆրանկոֆոնիայի ընդհանուր արժեքները և հաստատակամ է` նպաստելու այդ արժեքների տարածմանն ու ամրապնդմանը:

ՀՀ ԱԺ խոսնակը տեղեկացրեց, որ չնայած ֆրանսերենը Հայաստանում ունի օտար լեզվի կարգավիճակ, սակայն դարեր ի վեր, ֆրանսերենը հայ ժողովրդի մի ստվար զանգվածի համար եղել է ավելին, քան հաղորդակցության լեզու: Ւնչպես հիշեցրեց Աբրահամյանը, 1915-23 թվականներին Օսմանյան Թուրքիայում հայերի նկատմամբ իրականացված ցեղասպանության հետևանքով Ֆրանսիայում, Շվեյցարիայում, Բելգիայում, Կանադայում, Մերձավոր Արևելքի երկրներում ապաստանած հայ ժողովրդի զավակների համար ֆրանսերենը դարձավ, ստեղծագործելու և արարելու լեզու:

Ինչպես ընդգծեց ՀՀ ԱԺ խոսնակը, Հայաստանում ֆրանսերենը խորհրդայնացումից հետո չմոռացվեց և նոր շունչ ստացավ հատկապես 1946-47 թվականների հայրենադարձությունից հետո:

«Հայ ժողովուրդը շատ այլ փոքրաթիվ ժողովուրդների նման դարեր շարունակ պայքարել է հանուն մայրենի լեզվի պահպանման և հարստացման: Բայց միևնույն ժամանակ աշխարհի  հետ համընթաց քայլելու համար հայ մարդուն անհրաժեշտ է եղել իմանալ նաև այլոց լեզուն ու մշակույթը: Այսօր, երբ Հայաստանը որդեգրել է եվրաինտեգրման քաղաքականություն, երբ ձգտում է ակտիվ դերակատարում ունենալ միջազգային կառույցներում, կարծում եմ, որ առավել քան արդիական են այս գիտելիքները», - ասել է նա:

Խոսնակը նաև նշել է, որ արագ զարգացող աշխարհում կատարվող փոփոխությունները պարտադրում են, որ 21-րդ դարի հայ երիտասարդ սերունդն ավելի պատրաստված լինի` դիմագրավելու նոր մարտահրավերներին, իսկ քաղաքական գործիչները պատրաստ են օգնել նրան: Աբրահամյանն ավելացրել է, որ յուրաքանչյուր հայ պարտավոր է պաշտել ու պահպանել մայրենի լեզուն, բայց, միաժամանակ, «պիտի նաև ետ չմնա  համաշխարհային քաղաքակրթության գնացքից»:

Ինչպես նշել է խոսնակը, 2009 թ.-ին Հայաստանի խորհրդարանին տրամադրված ասոցացված անդամի կարգավիճակը ՀՀ Ազգային ժողովին հնարավորություն է տալիս լիարժեք մասնակցել Ֆրանկոֆոնիայի խորհրդարանական վեհաժողովի աշխատանքներին, իսկ Երևանում համաժողովի անցկացումը այդ ուղղությամբ կատարվող կարևորագույն քայլերից է:

1970 թ.-ի մարտի 20-ին Նիգերի մայրաքաղաքում հիմնադրված Ֆրանկոֆոնիայի միջազգային կազմակերպությունն այսօրվա դրությամբ միավորում է 56 պետություն և անդամ-կառավարություններ, 14 դիտորդ-երկիր, որոնց բնակչությունը կազմում է ավելի քան 803 միլիոն մարդ:

Կազմակերպությունը ներկայացված է բոլոր հինգ մայրցամաքներում, նրա մեջ ընդգրկված են Միացյալ ազգերի կազմակերպության անդամներ հանդիսացող շուրջ մեկ երրորդ երկրները: Կազմակերպության նպատակը ֆրանսերենի տարածումն ու մշակութային բազմազանության պաշտպանությունն է:-0-

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: