484.51
-0.37
518.72
-3.16
8.61
-0.05
+4
Եղանակը Երևանում
Հայ
Հայաստանը ՌԱՀ զարգացման մեծ ներուժ ունի. Անվտանգության խորհուրդ
19:22
29 Ապրիլի 2010

Հայաստանը ռազմարդյունաբերական համալիրի զարգացման կուտակած մեծ ներուժ ունի, հինգշաբթի հայտարարեց Հայաստանի Ազգային անվտանգության խորհրդի քարտուղար Արթուր Բաղդասարյանը ՌԱՀ ձեռնարկությունների ղեկավարների հետ հանդիպման ընթացքում, հաղորդում է Ազգային անվտանգության մամուլի ծառայությունը։

«Մեր ուսումնասիրությունները ցույց են տալիս, որ մեր երկրում կա կուտակված ներուժ, ուստի պետք է լիակատար հաշվառենք առկա ներուժը` լավ արդյունքների հասնելու համար»,- ասաց Բաղդասարյանը Հաաստանի պաշտպանության նախարարության հետ համագործակցող 39 ձեռնարկությունների ղեկեվարների հետ հանդիպման ընթացքում։

Ըստ նրա՝ հետազոտությունների նպատակն է եղել այլ երկրներում ռազմարդյունաբերական համալիրի զարգացմանը վերաբերող հարցերի ուսումնասիրությունը։ Մասնավորապես, Բաղդասարյանը նշեց, որ Արևմտյան Եվրոպայի զարգացած երկրներում ռազմաարդյունաբերական համալիրի զարգացման վրա պետությունը ծախսում է բյուջեի 10-15 տոկոսը, որովհետև ռազմարդյունաբերական համալիրի գործարկումը նշանակում է նաև այլ ճյուղերի զարգացում, արդիականացում: ԽՍՀՄ-ում մեծ տեղ էր հատկացվում ռազմարդյունաբերական համալիրի զարգացմանը, այդ ձեռնարկությունները նաև քաղաքացիական նշանակության ապրանքներ էին թողարկում:

Նա նշեց, որ միջգերատեսչական հանձնաժողովի խնդիրն է մշակել Հայաստանի ռազմարդյունաբերական համալիրի զարգացման հայեցակարգ, պետական ծրագիր, ինչպես նաև ռազմարդյունաբերական համալիրի զարգացման գործնական քայլեր ձեռնարկել:

Միջգերատեսչական հանձնաժողովը գլխավորում է Ազգային անվտանգության խորհրդի քարտուղար Արթուր Բաղդասարյանը։

Հանդիպման ընթացքում Ազգային անվտանգության խորհրդի աշխատակազմի ազգային անվտանգության ռազմավարության իրականացման վարչության պետ Արամ Թանանյանր ներկայացրել է անվտանգության խորհրդում կատարված ուսումնասիրությունների արդյունքները:

Իր հերթին Պաշտպանության նախարարության ռազմարդյունաբերական վարչության պետ Մուրադ Իսախանյանը ներկայացրել է ռազմարդյունաբերության զարգացման հայեցակարգային ուղղություններում առկա խնդիրները:

Ամփոփելով հանդիպման արդյունքները` Արթուր Բաղդասարյանը կարևորել է առկա խնդիրների վերլուծությունն ու  զարգացման ճիշտ ուղիների մշակումը։ Նա հայտնեց, որ  հանդիպումները ռուսական և բելառուսական ընկերությունների հետ արդեն տալիս են առաջին պտուղները, կան նախնական պայմանավորվածություններ, ստորագրված փաստաթղթեր, համաձայն որոնց  կխթանվեն կապերը Հայաստանի և այդ երկրների ռազմարդյունաբերական ձեռնարկությունների միջև:

Նա ասաց նաև, որ Հայաստանի և Ռուսաստանի անվտանգության խորհուրդներում ստեղծվել է հատուկ աշխատանքային խումբ, որն զբաղվելու է նաև այս ոլորտում կոնկրետ առաջընթաց ապահովելու խնդրով:

«Վստահ եմ` մեկ տարվա ընթացքում կկարողանանք մի քանի ուղղություններով լուրջ առաջընթաց ունենալ»,- ասաց Բաղդասարյանը։

Որոշվել է ձեռնարկությունների ղեկավարների ներկայացնելիք անձնագրերի հիման վրա ստեղծել տվյալների ամբողջական բազա և գործնական նախաձեռնություններ մշակել: -0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: