481.79
+0.02
538.93
-1.33
8.53
+0.03
+27
Եղանակը Երևանում
Հայ
ՀՀ-ում ՌԴ դեսպանը դիպլոմ է հանձնել «Ռուսսկայա պրեմիա» մրցանակի դափնեկրին
11:04
29 Ապրիլի 2010

ՀՀ-ում ՌԴ դեսպան Վյաչեսլավ Կովալենկոն չորեքշաբթի դիպլոմ է հանձնել «Ռուսսկայա պրեմիա» միջազգային գրական մրցույթի հաղթող գրող Մարիամ Պետրոսյանին, ով ռուսերեն է գրում: Դիպլոմի հանձնման հանդիսավոր արարողությունը տեղի է ունեցել Երևանում ՌԴ դեսպանատանը:

«Երկար դարերի ընթացքում Ռուսաստանը և Հայաստանը շատ մոտ էին հոգևոր և մշակութային տեսակետից... Եվ այժմ՝ XXI դարում, մենք կրկին մեր ժողովուրդների հոգևոր մտերմության վկան ենք, երբ հայ գրողի զգացմունքներն ու ամենանվիրական մտքերը ձև ստացան ռուսաց լեզվի շնորհիվ», - ասել է Կովալենկոն՝ նշելով, որ Հայաստանում և Ռուսաստանում մշակույթն ու արվեստը բարգավաճում են՝ անկախ  դժվարությունից:

Դեսպանն ընդգծել է, որ Պետրոսյանի ստեղծագործությունը, որտեղ շատ նրբանկատորեն փոխանցված են հաշմանդամ երեխաների զգացմունքներն ու հարաբերությունները, «մեծատառով» գիրք է: Նա համոզմունք հայտնեց, որ գիրքը կթարգմանվի հայերեն և նշեց, որ անհրաժեշտության դեպքում դեսպանատունը աջակցություն կցուցաբերի՝ մաղթելով գրողին նորանոր ստեղծագործական հաջողություններ:

«Խորհրդանշական է, որ ես մրցանակի եմ արժանանում Ռուսաստանի դեսպանատանը: Ես խորհրդային դարաշրջանի զավակ եմ, երբ ռուսերենն ու հայերենը ներդաշնակորեն միախառնվում էին՝ վերածվելով մեկ ընդհանուրի», - ասել է Պետրոսյանը:

Մրցանակի հանձնման արարողությանը ներկա էին ՀՀ փոխարտգործնախարար Շավարշ Քոչարյանը և Գրողների միության նախագահ Լևոն Անանյանը, ով խոստացավ, որ շուտով Մարիամ Պետրոսյանը Միության անդամ կդառնա:

Մարիամ Պետրոսյանն արժանացավ «Ռուսսկայա պրեմիա» միջազգային գրական մրցանակին «Խոշոր արձակ» անվակարգում: Հեղինակը մրցանակի է արժանացել «Տունը, որտեղ...» վեպի համար: Վեպը Պետրոսյանի առաջին և միակ ստեղծագործությունն է:

Ամեն անվանակարգի մրցանակակիր արժանացել է 5 հազար ԱՄՆ դոլարի չափով դրամական պարգևատրման: Երկրորդ և երրորդ տեղը զբաղեցրած մրցանակակիրներն արժանացել են համապատասխանաբար 2 և 1,5 հազար ԱՄՆ դոլարի:

Մրցանակի թեկնածուների երկար ցուցակում հայտնվել են աշխարհի 17 երկրները ներկայացնող 39 ռուսալեզու գրողների ստեղծագործություններ, այդ երկրների թվում են Հայաստանը, Բելգիան, Բուլղարիան, Մեծ Բրիտանիան, Գերմանիան, Իսրայելը, Ղազախստանը, Կանադան, Ղրղզստանը, Լատվիան, Մոլդովան, Լեհաստանը, ԱՄՆ-ն, Ուկրաինան, Ֆինլանդիան, Ֆրանսիան և Էստոնիան: Կարճ ցուցակում հայտնվել է 8 հեղինակ:

Մրցանակի ժյուրիի կազմում ընդգրկված էին հայտնի մշակութագետներ, գրողներ, պոետներ և գրական քննադատներ՝ Ալեքսանդր Արխանգելսկին և Տիմուր Կիբիրովը, Բորիս Կուզմինսկին և Անդրեյ Կուրկովը (Ուկրաինա), Գերման Սադուլաևը և Ելենա Սկուլսկայան (Էստոնիա), ինչպես նաև «Ռուսսկայա պրեմիա 2008»-ի դափնեկիր Սերգեյ Մորեյնոն (Լատվիա): Ժյուրին նախագահում էր «Զնամյա» ամսագրի գլխավոր խմբագիր Սերգեյ Չուպրինինը:

«Ռուսսկայա պրեմիան» միակ ռուսական մրցանակն է՝ նախատեսված արտասահմանյան երկրների ռուսալեզու գրողների համար: Մրցանակը հիմնադրվել է 2005թ.-ին «Եվրասիական ուսումնասիրությունների ինստիտուտի» զարգացման հիմնադրամի կողմից և անցկացվում է ՌԴ առաջին նախագահ Բորիս Ելցինի հիմնադրամի աջակցությամբ:-0-
Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: