485.92
+0.24
514.49
-2.52
8.16
-0.01
-4
Եղանակը Երևանում
Հայ
Հայ-թուրքական արձանագրությունների վավերացման գործընթացի կասեցումը միջազգային ասպարեզում ամրապնդեց Հայաստանի դիրքերը. ՀՀԿ
16:21
23 Ապրիլի 2010

Հայ-թուրքական արձանագրությունների վավերացման գործընթացի կասեցումը ամրապնդեց Հայաստանի դիրքերն արտաքին քաղաքականությունում և բարձրացրեց Հայաստանի միջազգային վարկանիշը, ուրբաթ «Նովոստի» Միջազգային մամուլի կենտրոնում մամուլի ասուլիսի ժամանակ ասաց Հայաստանի Հանրապետական կուսակցության խմբակցության քարտուղար  Էդուարդ Շարմազարովը:

«Հայկական իշխանության այդ քայլը ստացավ համաշխարհային հանրության հստակ աջակցությունը, մասնավորապես՝ ԱՄՆ-ի և Ֆրանսիայի: Գործընթացի այդ փուլում մեր դիրքերն ամրապնդվեցին»,- ասաց խմբակցության քարտուղարը:

«Ողջ գործընթացի ժամանակ Հայաստանը միշտ կառուցողական է եղել և գործել է՝  տարածաշրջանում ցանկանալով խաղաղություն և կայունություն: Հայաստանը նաև միշտ պատրաստակամություն է հայտնել Թուրքիայի հետ հարաբերություններն առանց նախապայմանների կարգավորելու մասին: Սակայն Թուրքիայի մասին նույնն ասել չի կարելի: Նա պատրաստ չեղավ հարաբերությունների կարգավորմանը»,- ասաց Շարմազարովը:

Նա ընդգծեց, որ վերջին ամիսների ընթացքում Թուրքիան անընդհատ խոսել է նախապայմանների լեզվով և հայ-թուրքական հարաբերությունների կարգավորումը  կապել է ղարաբաղյան կարգավորման հետ:

«Գործընթացը կասեցնելով՝ հայկական կողմը պարզ հասկացրել է, որ արձանագրությունների վավերացման խելամիտ ժամկետը  լրացել է»,- ընդգծեց խմբակցության քարտուղարը:

Ըստ նրա՝ բանակցությունների սեղանին դրված են եղել արձանագրություններ, որոնք նախապայմաններ չեն ներառել, սակայն Թուրքիայի քաղաքական վերնախավը հակառակն էր պնդում, և «համբերության բաժակը լցվեց, երբ Վաշինգտոնում Թուրքիայի վարչապետ Ռեջեփ Թայիպ Էրդողանը հայտարարեց, որ հայ-թուրքական հարաբերությունները չեն կարող կարգավորվել առանց ղարաբաղյան հարցում առաջընթացի»:

«Հայաստանը համոզվեց, որ Թուրքիան պատրաստ չէ հարաբերությունների հաստատմանը: ՀՀ նախագահը հայտարարեց, որ Հայաստանը հավատարիմ է մնում հարաբերությունների կարգավորման և արձանագրությունների վավերացման պատրաստակամությանը, երբ Թուրքիան պատրաստ կլինի»,- նշեց Շարմազանովը:

Նա հայտարարեց, որ Հայաստանն արել է իր քայլը, և այժմ Թուրքիան պետք է ցույց տա, որ պատրաստ է կամ պատրաստ չէ հարևան երկրի հետ հարաբերությունների կարգավորմանը:

«Կարծում եմ, որ արձանագրությունների վավերացման հարցում Թուրքիայի վրա միջազգային հանրության և մեծ տերությունների ճնշումը կուժեղանա»,- ավելացրեց խմբակցության քարտուղարը:

Հայաստանի նախագահը Մեծ եղեռնի 95-րդ տարելիցի նախօրեին իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը:

Ժողովրդին հղած ուղերձում նախագահը նշել է, որ մեկ տարի շարունակ Թուրքիան ամեն ինչ արել է ժամա­նակ ձգելու և գործընթացը տապալելու համար: Հետևաբար Թուրքիան պատրաստ չէ սկսված գործընթացը շարունակել և առանց նախապայմանների, արձանագ­րու­թյունների տառին համապատաս­խան քայ­լերով առաջ շարժ­վե­լ: Միաժամանակ նախագահը նշել է, որ Հայաստանը կպահպանի արձանագրությունների տակ իր ստորագրու­թյունը, որովհետև ցանկանում է պահպանել հարաբերությունների կարգա­վոր­ման հնարավորությունները և որովհետև ցանկանում է խաղաղություն:

Հայաստանի և Թուրքիայի հարաբերությունները բավականին լարված էին մինչև վերջերս, երբ երկու երկրների արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից: --0--

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։