482.01
-0.12
540.96
+2.13
8.56
+0.01
+22
Եղանակը Երևանում
Հայ
Հայաստանը և Սփյուռքն այսօր ասում են աշխարհին՝ անհրաժեշտ է ճանաչել Ցեղասպանությունը. սփյուռքի նախարար
12:03
22 Ապրիլի 2010

Հայաստանը և Սփյուռքն այսօր միացել են և ասում են աշխարհին՝ անհրաժեշտ է ճանաչել Ցեղասպանությունը, որպեսզի նմանը չկրկնվի, հայտարարել է ՀՀ սփյուռքի նախարար Հրանուշ Հակոբյանը:

Ապրիլի 21-ին Երեւանի թիվ 62 դպրոցում կազմակերպվել էր հատուկ դաս` նվիրված Հայոց Մեծ Եղեռնի 95-ամյակին:         «Եկեք հիշենք և հասկանանք, որ ցեղասպանություն տեսած սերունդը ապրեց եւ դրանով իր վրեժը լուծեց»,- 10-րդ դասարանցիների հետ իր զրույց-հատուկ դասին ասաց սփյուռքի նախարար Հրանուշ Հակոբյանը:

Ըստ նախարարի, «հայի կամքն այնքան ուժեղ է, որ ոչ միայն վերապրեց, այլեւ ունեցավ իր ազատ, անկախ Հայաստանը, որով ամբողջ ազգն է հպարտ»: Հրանուշ Հակոբյանը ընդգծեց նաև, որ անցել է 95 տարի, սակայն կան երկրներ, այդ թվում և Թուրքիան, որ դեռևս չեն դատապարտել այդ հրեշագործությունը:

Նախարարի բնորոշմամբ, այսօր հայ-թուրքական հարաբերությունների կնճիռն այդքան դժվար է, որովհետեւ հայ ժողովուրդը չի կարող մոռանալ եւ լռել կատարվածի մասին: «76 տարի շարունակ Սփյուռքն է պայքարել իր իրավունքների համար: Խորհրդային Միության մաս կազմող Հայաստանը չէր կարող պայքարել, և միայն անկախացումից հետո մենք տեր կանգնեցինք Հայ դատին: Եվ ինչպես նշում է հանրապետության նախագահը, կա միասնական հայ ժողովուրդ և նա տեր է իր արդար դատին: Իրոք, Հայաստանը և Սփյուռքը այսօր միասնաբար աշխարհին ասում են. անհրաժեշտ է ճանաչել Ցեղասպանությունը, դատապարտել այն, որպեսզի նմանը երբեք ու երբեք չկրկնվի աշխարհում:

Դպրոցականների հետ զրույցում նախարարը նշեց, որ 2200 եկեղեցի է քանդվել, հազարավոր դպրոցներ, հարյուրավոր գյուղեր անվանափոխվել և թրքացվել են, անթիվ-անհամար գրքեր, ձեռագրեր են ոչնչացվել: «Եվ այսօր մենք պետք է խոսենք ոչ միայն մարդկային զոհերի մասին, այլ նաև այն ամենի, ինչ թողել ենք Արևմտյան Հայաստանում»,- ասաց նախարարը:

«Մենք չունենք նավթ, մենք չունենք գազ, մենք ունենք խելք և առաջին բանը, որ պետք է անի հայ երիտասարդը, պետք սովորի և խորը գիտելիք ձեռք բերի: Դուք այնքան խելացի պետք է դառնաք, որ ձեր գաղափարների կարիքը ունենա աշխարհը, հզորացնենք մեր սիրելի Հայրենիքը»,- ասաց նախարարը և ավելացրեց. «Մենք պետք է ողջ հայ ժողովրդի ուժերով կերտենք մեր Հայրենիքը, և յուրաքանչյուրս մեր տեղում պետք է ներդրում անենք մեր երկրում, հզորացնենք այն, որպեսզի մեր 1.5 միլիոն նահատակների ոգիները խաղաղվեն»:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։