481.77
-0.24
540.26
-0.7
8.5
-0.06
+22
Եղանակը Երևանում
Հայ
Իսլանդիայի հրաբուխը փոփոխություններ է մտցրել Հայաստանի միջազգային երաժշտական փառատոնի ծրագրում
14:37
20 Ապրիլի 2010

Իսլանդիայի հրաբուխը փոփոխություններ է մտցրել «Ազգային պատկերասրահ» միջազգային երաժշտական վեցերորդ  փառատոնի ծրագրում, որը Երևանում մեկնարկելու է ապրիլի 21-ին:

«Հայաստանի պետական երիտասարդական նվագախմբի համերգի ժամանակ, որով բացվում է փառատոնը, պետք է ելույթ ունենար բազմաթիվ երաժշտական մրցույթների դափնեկիր, դաշնակահարուհի Սվետլանա Նավասարդյանը: Սակայն իսլանդական հրախբի ժայթքման պատճառով Նավասարդյանն արդեն մի քանի օր է չի կարողանում Փարիզից մեկնել Երևան», - երեքշաբթի տեղեկացրեց փառատոնի կազմակերպիչ, «Արվեստների թանգարան» մշակութային հիմնադրամի նախագահ Մարիամ Շահինյանը:

Իսլանդիայի մայրաքաղաք Ռեյկյավիկից մոտ 200 կիլոմետր դեպի արևելք գտնվող Էյաֆյալայոքուլ (Eyjafjallajokull) հրաբխի ժայթքման հետևանքով մթնոլորտ է արտանետվել մոխրի հսկայական ամպ, որի մասնիկները վտանգ են ներկայացնում ավիացիոն շարժիչների տուրբինների համար և կարող են խնդիրներ առաջացնել՝ նստելով ինքնաթիռների թևերին: Դա հանգեցրեց Հյուսիսային Եվրոպայի զգալի տարածքի օդային տարածության փակմանը: 

Շահինյանի խոսքերով, այս կապակցությամբ որոշակի փոփոխություններ են մտցվելու վաղվա համերգի ծրագրում, իսկ Նավասարդյանն իր համերգով ելույթ կունենա փառատոնի մեկ այլ օր: Փառատոնը կտևի մինչև հունիսի 2-ը:

Ինչպես տեղեկացրեց հիմնադրամի նախագահը, «Ազգային պատկերասրահ» վեցերորդ փառատոնի ծրագիրը բավականին հագեցած և բազմակողմ կլինի, փառատոնի շրջանակներում կանցկացվի յոթ համերգ: Շահինյանը տեղեկացրեց, որ փառատոնին առաջին անգամ կմասնակցեն Սլովենիան, Շվեդիան և Ռուսաստանը ներկայացնող երաժիշտներ:

Ինչպես նշեց Շահինյանը, Սլովենիան ներկայացնող «Կլարիպիանո» դուետը ելույթ կունենա Երևանում ապրիլի 29-ին, շվեդ ջութակահար Հյուգո Տիչիատին մայիսի 5-ին կայանալիք համերգում հանդիսատեսին կներկայացնի ժամանակակից կոմպոզիտորների և հայ կոմպոզիտոր Տիգրան Մանսուրյանի ստեղծագործությունները:

Շահինյանն ասաց, որ մայիսի 14-ին Երևանում ելույթ կունենա պետական կամերային երգչախումբը՝ Ռոբերտ Մլքեյանի ղեկավարությամբ, իսկ մայիսի 20-ին՝ Dominatus Vox նվագախումբը՝ Նատալյա Գալստյանի ղեկավարությամբ: Ինչպես նշեց հիմնադրամի նախագահը, այս նվագախմբի առանձնահատկությունը գործիքային ստեղծագործությունների վոկալային կատարումն է:

Նրա խոսքերով, մայիսի 26-ին Երևանում առաջին անգամ ելույթ կունենա ռուս դաշնակահար Եվգենի Միխայլովը:

Շահինյանն ավելացրեց, որ «Ազգային պատկերասրահ» փառատոնը կանցկացվի ոչ միայն Երևանում, այլև՝ Գորիսում, Չարենցավանում, Աբովյանում, Գավառում: Հիմնադրամի նախագահի տվյալների համաձայն՝ փառատոնի համերգների տոմսերի որոշակի քանակություն առաջին անգամ կհայտնվի ազատ վաճառքում, և դրանց գինը չի գերազանցի 2-3 հազար դրամը: Սակայն ինչպես պարզաբանեց նա, հանդիսատեսի հիմնական մասը հրավիրատոմսեր ունի:

«Փառատոնի շրջանակներում կներկայացվի նաև Հայոց ցեղասպանության զոհերի հիշատակին նվիրված հատուկ ծրագիր», - նշեց Շահինյանը:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: