480.74
+0.03
511.65
+0.46
7.48
-0.03
+1
Եղանակը Երևանում
Հայ
Հայոց Ցեղասպանության թանգարան-ինստիտուտը մշակութային ցեղասպանության թեմայով միջազգային հետազոտողների միություն կձևավորի
14:24
20 Ապրիլի 2010

Հայոց Ցեղասպանության թանգարան-ինստիտուտը մշակութային ցեղասպանության թեմայով միջազգային հետազոտողների միություն կձևավորի, երեքշաբթի ասաց Հայոց ցեղասպանության թանգարան-ինստիտուտի տնօրեն Հայկ Դեմոյանը «Մշակութային ցեղասպանություն» միջազգային գիտաժողովի ընթացքում։

«Հետագա տարիների մեր ռազմավարությունը համագործակցություն է ենթադրում ցեղասպանության հարցերով զբաղվող փորձագետների հետ՝ տվյալ թեմատիկայի քննարկման համար, քանի որ մենք ժամանակին ենք համարում ոչ միայն Թուրքիայի կողմից մշակութային ցեղասպանության փաստերի գնահատումը, այլ նաև կոնկրետ գործողությունների փուլին անցնելը»,- ասաց Դեմոյանը։

Ինչպես կարծում է փորձագետը, Հայաստանը՝ որպես պետություն, պետք է մշակի սեփական ռազմավարությունը մշակութային ցեղասպանության պես լուրջ մարտահրավերների դեմ պայքարում։

Նա նշեց, որ այս կապակցությամբ Թանգարան-ինստիտուտը Հայոց ցեղասպանությանը նվիրված միջազգային գիտաժողովների շարք է սկսում, որոնցից առաջինը՝ «Մշակութային ցեղասպանություն» միջազգային գիտաժողովը, երեքշաբթի մեկնարկել է Երևանում։

Ըստ նրա, այս գիտաժողովով սկսվում է 1915 թվականի Հայոց ցեղասպանության 100-ամյակին նվիրված միջազգային գիտաժողովների հնգամյա շարքը։

«Մենք Հայոց ցեղասպանության 100-ամյակի կապակցությամբ առաջարկություններ ենք մշակել, Հայաստանում ամենամյա գիտաժողովներ կանցկացվեն կոնկրետ թեմաներով»,- ասաց Դեմոյանը։

Նա նշեց, որ յուրաքանչյուր գիտաժողով կուղեկցվի Ցեղասպանության վերաբերյալ նյութերի շարժական ցուցադրությամբ, որը կներկայացվի տարբեր լեզուներով և կցուցադրվի ողջ աշխարհով։

Գիտաժողովը մեկնարկել է մեկ րոպե լռությամբ՝ որպես հարգանք ցեղասպանության զոհերի հիշատակին։ Միջազգային փորձագետներից ոմանք, ովքեր պետք է ներկա լինեին գիտաժողովին, չեն կարողացել ժամանել Հայաստան՝ Եվրոպայի օդային տարածքի փակման պատճառով (Իսլանդիայում հրաբխի ժայթքում է տեղի ունեցել)։

Ինչպես նշեց Դեմոյանը, թեև որոշ փորձագետներ չեն կարողացել ժամանել Հայաստան, ինչպես որ ծրագրված էր, սակայն նրանք պատրաստ են մասնակցել Ցեղասպանության թանգարան-ինստիտուտի կողմից անցկացվող հրապարակային դասախոսություններին։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։