478.42
-0.15
561.67
-0.12
8.1
+0.05
+22
Եղանակը Երևանում
Հայ
Հայոց ցեղասպանությունը դատապարտելը կկանխի գալիք կրկնությունները. Մոսկվայի հայկական կազմակերպությունների համաժողով
17:01
19 Ապրիլի 2010

Հայոց ցեղասպանությունը դատապարտելը կկանխի գալիք կրկնությունները, ասվում է Մոսկվայի հայկական կազմակերպությունների համաժողովի հայտարարության մեջ, որը «Նովոստի-Արմենիա» գործակալությանն է տրամադրել Ռուսաստանի հայերի «Երկրամաս» թերթի տեղեկատվական կենտրոնը:

«Անցել է արդեն 95 տարի: Հայոց ցեղասպանության հարցը դարձել է միջազգային հարաբերությունների հանդեպ մոտեցման ազնվության ու բարոյականության չափանիշ: Այդ հարցը չափազանց արդիական է և ամենաուղիղ կապն ունի ոչ միայն այդ հանցագործության զոհերի ճակատագրի, այլև ողջ մարդկության, ողջ մարդկային քաղաքակրթության ճակատագրի հետ»,- ասվում է հաղորդագրության մեջ:

Փաստաթղթում նշվում է, որ ժամանակակից պայմաններում Հայոց ցեղասպանության դատապարտման արդիականացումը բացատրվում է մարդկության դեմ այդ ծանրագույն հանցագործության էսկալացիայով: «Հայոց ցեղասպանության դատապարտումը կօգնի կանխել նման սարսափներն ապագայում»,- ընդգծվում է հայտարարության մեջ:

«Մենք առաջնորդվում ենք այն սկզբունքով, որ ռասայական, կրոնական ու էթնիկ խմբերի իրավունքների զանգվածային խախտման վաղ կանխումը մարդկության դեմ իրագործվող հանցագործությունների, այդ թվում և ցեղասպանության կանխման գլխավոր միջոցն է: 20-րդ դարի առաջին ցեղասպանությանը միջազգային հանրության համապատասխան գնահատականի բացակայությունը հանգեցրել է նման ծանր հանցագործությունների հետագա կրկնության»,- ասվում է հայտարարության մեջ:

«Երկիրը բոլորիս տունն է, և յուրաքանչյուր ժողովուրդ, յուրաքանչյուր մշակույթ ընդհանուր հարստություն է, դրա գիտակցումը պետք է ստիպի մարդկությանն այսուհետ թույլ չտալ նման անմարդկային գործողություններ: Բայց, չդատապարտելով գործած ցեղասպանությունն, անհնար է կասեցնել գալիք ցեղասպանությունները: Շատ կարևոր է, որպեսզի Օսմանյան Կայսրության իրականացրած ցեղասպանությունը ճանաչվի հենց Թուրքիայի կողմից: Չի կարող իրեն քաղաքակիրթ համարող երկիրը թաքցնել իր պատմության թեկուզ խայտառակ էջերը»,- նշեցին Մոսկվայի հայկական կազմակերպությունների ֆորումի ներկայացուցիչները:

Փաստաթղթում ասվում է, որ Թուրքիայի նման վարքը բավական բարդացնում է հայ և թուրք ժողովուրդների միջև հարաբերությունները, չի նպաստում երկրների միջև լարվածության մեղմմանը, խոչընդոտում է վստահության և որակապես նոր հարաբերությունների մթնոլորտի հաստատմանը:

«Մենք ևս մեկ անգամ հայտարարում ենք մարդկության դեմ հանցագործությունների անընդունելի լինելու մասին և համաձայնություն ենք արտահայտում Հայոց ցեղասպանության ճանաչման և դատապարտման, Ցեղասպանության հետևանքների վերացման և պատմական արդարության վերականգնմանն ուղղված բոլոր ջանքերին»,- ասվում է հայտարարությունում: -0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։