481.77
-0.24
540.26
-0.7
8.5
-0.06
+13
Եղանակը Երևանում
Հայ
Հայոց ցեղասպանության ճանաչման բանաձևը կարող է ԱՄՆ Կոնգրեսի կողմից քննարկվել աշնանը. Դաշնակցություն
14:38
19 Ապրիլի 2010

Հայոց ցեղասպանության ճանաչման բանաձևը կարող է արդեն աշնանը քննարկվել ԱՄՆ Կոնգրեսի լիագումար նիստի ժամանակ, երկուշաբթի լրագրողներին ասաց «Դաշնակցություն» կուսակցության խորհրդարանական խմբակցության ղեկավար, ՀՅԴ Բյուրոյի անդամ Վահան Հովհաննիսյանը:

ԱՄՆ Կոնգրեսի Ներկայացուցիչների պալատի արտաքին գործերի հանձնաժողովը մարտի 4-ին ընդունել է Հայոց ցեղասպանության ճանաչման բանաձևը, ինչն առաջացրել է Թուրքիայի խիստ դժգոհությունը՝ ընդհուպ մինչև պաշտոնական Անկարայի կողմից սեփական դեսպանին ԱՄՆ-ից ետ կանչելը: Բանաձևի ընդունման ընթացակարգի համաձայն՝ այն պետք է քննարկվի ԱՄՆ Կոնգրեսի լիագումար նիստի ժամանակ:

Ինչպես նշեց Հովհաննիսյանը, բանաձևի քննարկման կոնկրետ ժամկետները կախված են բազմաթիվ տեխնիկական հարցերից, որոնցով ԱՄՆ-ում զբաղվում է միայն «Հայ Դատի» գրասենյակը: Այդ հարցերի թվում են կոնգրեսականների տրամադրվածությունն ու շահագրգռվածությունը,  որոշ նահանգներից (օրինակ՝ Ինդիանան և Մինեսոտան) կախված լինելը, որոնք ունեն հիմնական ռազմաարդյունաբերական համալիրները, Թուրքիայի հետ ռազմական պայմանագրերը, ինչպես նաև այն, թե ինչպես կազդի Թուրքիայի կողմից Իրանին աջակցելու հարցը ԱՄՆ նախագահի աշխատակազմի դիրքորոշման վրա:

«Կան գործոններ, որոնք անհնար է ամբողջովին գնահատել: Հուսով եմ, որ դա կհաջողվի անել մինչև աշուն, սակայն չեմ կարող ամբողջովին համոզված լինել», - ասաց Հովհաննիսյանը:

Նրա խոսքերով՝ մինչև ՀՀ նախագահի վաշինգտոնյան այցը հույս կար, որ այդ հանդիպումը կտա բազմաթիվ հարցերի վերջնական պատասխանները, «սակայն դա տեղի չունեցավ»: «Մնացին բազմաթիվ բաց հարցեր, չնայած կարծում եմ, որ այցն ինքնին կարելի է դրական գնահատել, այդ թվում նաև՝ ԱՄՆ-ի կողմից ցեղասպանության բանաձևի հնարավոր քննարկման համատեքստում», - ասաց Հովհաննիսյանը:

ՀՀ նախագահ Սերժ Սարգսյանը ԱՄՆ նախագահ Բարաք Օբամայի հրավերով ապրիլի 11-13-ը աշխատանքային այցով գտնվում էր Վաշինգտոնում՝ Գլոբալ միջուկային անվտանգության գագաթնաժողովին մասնակցելու նպատակով: Վաշինգտոնում ՀՀ նախագահը հանդիպել է իր ամերիկացի գործընկեր Բարաք Օբամայի, ԱՄՆ պետքարտուղար Հիլարի Քլինթոնի և Թուրքիայի վարչապետ Ռեջեփ Թայիպ էրդողանի հետ: Վաշինգտոնյան հանդիպումների գլխավոր հարցը հայ-թուրքական հարաբերություններն էր:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։ Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ  նահանգների մեծամասնությունը:-0-  

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։