486.95
+0.14
513.34
-3.7
8.4
-0.03
-2
Եղանակը Երևանում
Հայ
Վաշինգտոնում կայացած Սարգսյան-Էրդողան հանդիպման արդյունքները կերևան մոտ ժամանակներս. ԼՂՀ ԱԳՆ նախկին ղեկավար
16:10
13 Ապրիլի 2010

ԵՐԵՎԱՆ, 13 ապրիլի. /Նովոստի-Արմենիա/. Վաշինգտոնում նախօրեն կայացած ՀՀ նախագահ Սերժ Սարգսյանի և Թուրքիայի վարչապետ Ռեջեփ Թայիպ Էրդողանի հանդիպման արդյունքները, հնարավոր է, կերևան արդեն ընթացիկ տարվա մայիսին, ասաց ԼՂՀ ԱԳՆ նախկին նախարար Արման Մելիքյանը։

«Մոտ ժամանակներս հնարավոր կլինի հետևել նոր իրադարության, որն ի հայտ կգա այս հանդիպմումից հետո։ Առավել հավանական է, որ հայ-թուրքական հարաբերությունների գործընթացի կարգավորումը էապես կդանդաղի, և բանակցությունների գործընթացում նոր էլեմենտեր ներդնելու անհրաժեշտություն առաջանա»,-երեքշաբթի մամուլի ասուլիսի ժամանակ ասաց Մելիքյանը։

Սարգսյան-Էրդողան հանդիպումը տեղի է ունեցել Վաշինգտոնում միջուկային անվտանգության գագաթնաժողովի շրջանակներում։

Ըստ Մելիքյանի՝ դա ընդամենը հերթական միջանկյալ հանդիպում էր, որը կողմերի համար տարբեր ռազմավարական նշանակություն ուներ։ «Եթե Հայաստանի համար դա հնարավորություն է հայ-թուրքական հարաբերություններում ինչ-որ արդյունքի հասնել, ապա Թուրքիա-ԱՄՆ հարաբերությունների համատեքստում նպատակներն ավելի խորն ու բարձր են»,- նշեց նա։

Մելիքյանը կարծում է, որ եթե ԱՄՆ կողմից ճնշման շնորհիվ չհաջողվի գրանցել արդյունքներ, ապա բանակցկան գործընթացում չի բացառվում նոր գործոնների և նոր օրակարգի ձևավորումը։

«Այդ իմաստով կարող է աճել Ռուսաստանի դերը, այդ թվում չի բացառվում նաև, որ Իրանը կարող է իրեն ներկայացնել նոր դիրքերից»,- ընդգծեց նա՝ ավելացնելով, որ տվյալ գործընթացը հարկ է վերանայել գլոբալ աշխարհաքաղաքական զարգացումների  համատեքստում։

Երեքշաբթի թուրքական ԶԼՄ-ները հաղորդագրություն են տարածել, ըստ որի՝ Թուրքիայի վարչապետը հայտարարել է, որ Հայաստանի հետ հարաբերությունների կարգավորման արձանագրություններն այժմ չեն կարող վավերացվել Թուրքիայի խորհրդարանի կողմից անբարենպաստ «քաղաքական մթնոլորտի» պատճառով:

Միաժամանակ հայ համայնքի հետ հանդիպման ժամանակ ՀՀ նախագահ Սերժ Սարգսյանը հայտարարել է, որ Թուրքիան չի կարող Հայաստանի և հայ ժողովրդի հետ նախապայմանների լեզվով խոսել։

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։