484.96
+0.3
573.47
-1.05
8.22
-0.04
+3
Եղանակը Երևանում
Հայ
Թուրքիան ցանկանում է շարունակել հարաբերությունների բարելավման գործընթացը Հայաստանի հետ. Նալբանդյան
19:36
07 Ապրիլի 2010

Թուրքիան ցանկանում է շարունակել հայ-թուրքական հարաբերությունների բարելավման գործընթացը Հայաստանի հետ, ասաց Հայաստանի արտաքին գործերի նախարար Էդվարդ Նալբանդյանը։

«Թուրքիայի վարչապետի հատուկ բանագնաց, թուրքական ԱԳՆ ղեկավարի առաջին տեղակալ Ֆերիդուն Սինիլիօղլուն Երևանում կայացած հանդիպումների ժամանակ հավաստիացրեց, որ թուրքական կողմը ցանկանում է շարունակել հայ-թուրքական հարաբերությունների բարելավման գործընթացը... Նա հայկական կողմին փոխանցեց նաև Թուրքիայի վարչապետ Ռեջեփ Թայիփ Էրդողանի առաջարկությունը՝ Հայաստանի նախագահի հետ Վաշինգտոնում հանդիպում անցկացնելու վերաբերյալ»,- չորեքշաբթի ասաց Նալբանդյանը խորհրդարանական ժամի ընթացքում։

Ինչպես տեղեկացրեց Հայաստանի արտաքին գործերի նախարարը, հայկական կողմը Ֆերիդուն Սինիլիօղլուի հետ վերահաստատել է հարաբերությունների բարելավման գործընթացը շարունակելու պատրաստակամությունն առանց նախապայմանների, ինչը կհամապատասխանի միջազգային հանրության ակնկալիքներին։ Նալբանդյանը նշեց, որ միջազգային հանրությունը թուրքական կողմից կառուցողական քայլեր է ակնկալում։

Հայաստանի արտաքին քաղաքական գերատեսչության ղեկավարը տեղեկացրեց, որ Սինիլիօղլուն Երևանում է որպես Թուրքիայի վարչապետի հատուկ բանագնաց և արդեն հանդիպումներ է անցկացրել Հայաստանի նախագահի և արտգործնախարարի հետ։ Հատուկ բանագնացն, ինչպես հավելեց նախարարը, Հայաստանի նախագահ Սերժ Սարգսյանին փոխանցեց վարչապետ Էրդողանի գրավոր ուղերձը։

Միաժամանակ նախարար Նալբանդյանը կոչ արեց անվերապահորեն չհավատալ թուրքական թերթերի բոլոր հրապարակումներին հայ-թուրքական հարաբերությունների բարելավման գործընթացի վերաբերյալ և հիշեցրեց, որ հաճախ թերթերի տեղեկատվությունը չի համապատասխանում իրականությանը։

Հայաստանի և Թուրքիայի՝ մինչև վերջին ժամանակները բավականին լարված հարաբերությունները սկսեցին կարգավորվել, երբ երկու երկրի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:-0-

Loading...
Թեմատիկ նյութեր
Բաժնի այլ նյութեր
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար:
19:15
24 Նոյեմբերի 2017
ՀՐԱՏԱՊ. Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը։
18:04
24 Նոյեմբերի 2017
ՀՀ-ԵՄ գործընկերության համաձայնագիրը բոլորիս համատեղ հաջողությունն է. ՀՀ նախագահ
Նրա խոսքով, այս համաձայնագրի կարևորությունը չի սահմանափակվում Հայաստան-ԵՄ հարաբերություններով։
15:12
24 Նոյեմբերի 2017
Ղեկավարելու է արդյո՞ք Սերժ Սարգսյանը 2018 թվականից հետո
Հայաստանի նախագահ Սերժ Սարգսյանը մեկնաբանել է, թե տեսնում է, արդյո՞ք, ինքն իրեն ՀՀ նախագահի պաշտոնում 2018 թվականից հետո, թե` ոչ։