480.44
-0.1
535.45
-0.83
8.06
-0.09
+23
Եղանակը Երևանում
Հայ
Երիտասարդ հայ կինեմատոգրաֆիստները հոլանդացի ռեժիսոր Յոս Սթելինգի ղեկավարությամբ երեք ֆիլմ են նկարել
17:28
26 Մարտի 2010

ԵՐԵՎԱՆ, 26 մարտի. /Նովոստի-Արմենիա/. «Ոսկե ծիրան» բարձրագույն կինոդպրոցի ուսանողները հոլանդացի հանրահայտ ռեժիսոր Յոս Սթելինգի ղեկավարությամբ երեք կարճամետրաժ խաղարկային ֆիլմ են նկարել, ուրբաթ մամուլի ասուլիսի ժամանակ հայտնեց «Ոսկե ծիրան» կինոփառատոնի ծրագրի տնօրեն Միքայել Ստամբոլցյանը:  

«Նկարահանումներն ավարտվել են երկուշաբթի: Ֆիլմերից մեկը պատրաստ էր արդեն երեկ: Մնացած երկու ֆիլմերի մոնտաժն ու ձայնային աշխատանքները կավարտվեն կիրակի, և մենք կկարողանանք ցուցադրել դրանք»,- ասաց Ստամբոլցյանը: 

Յոս Սթելինգը մարտի 23-28-ին վարպետության դասեր է անցկացրել «Ոսկե ծիրան» բարձրագույն կինոդպրոցում: Նրա իսկ մշակած ծրագրի համաձայն պարապմունքների ընթացքում Սթելինգի անմիջական ղեկավարությամբ նկարահանվել են երեք կարճամետրաժ ֆիլմեր «Սերն ու Երևան քաղաքը» թեմայով: Շուրջ 20 դիմումից Սթելինգն ինքը ընտրել է երեք սցենար. Հասմիկ Հովհաննիսյանի «Գլխարկ»-ը, Արթուր Սուքիասյանի «Երևանի սիրուն տղա»-ն և Մարիամ Եղիազարյանի «Գաղտնիք»-ը, որոնք ամենահարմարն են եղել մի քանի օրում ֆիլմ նկարելու համար:  

Վարպետության դասերի մյուս մասնակիցները ևս շուտով իրենց սցենարներով ֆիլմեր նկարահանելու հնարավորություն կստանան: 

«Նման կերպով վարպետության դասեր կազմակերպելը ֆանտաստիկ գաղափար է: Սա ֆիլմ նկարել սովորեցնելու միակ տարբերակն է»,- ուրբաթ մամուլի ասուլիսի ժամանակ հայտարարեց հոլանդացի ռեժիսորը: Նա նշեց, որ երիտասարդ ռեժիսորները, ում հետ նա աշխատել է, լիովին տարբերվում են միմյանցից, բայց նրանք բոլորը մեծ ցանկություն ու մղում ունեն:   

Կինոռեժիսորի խոսքերով, կինոն հսկայական նշանակություն ունի երկրի համար:

«Երկրին ծանոթանում ես՝ դիտելով այնտեղ նկարահանված ֆիլմերը: Կինեմատոգրաֆը չզարգացնելը նշանակում է սեփական անձին զրկել ինքնադրսևորումից»,- ասաց Սթելինգը:  

Յոս Սթելինգը նիդեռլանդցի կինոռեժիսոր ու սցենարիստ է՝ ծնված 1945 թ.-ի հուլիսի 16-ին Ուտրեխտում: Կրթությունը ստացել է «կինոյի ու հեռուստատեսության ռեժիսոր» մասնագիտությամբ:

Սթելինգը Հայաստան է այցելում արդեն երրորդ անգամ: Նրա առաջին այցը կայացել է 2005 թ.-ին, երբ ընդգրկված էր «Ոսկե ծիրան» փառատոնի «միջազգային խաղարկային կինո» անվանակարգում ժյուրիի կազմում: Սթելինգի երկրորդ այցը կայացավ 2008 թ.-ին, երբ նրա «Հոգյակ» ֆիլմն ընդգրկվեց փառատոնի մրցութային ծրագրում:

Ինչպես հայտնեց Ստամբոլցյանը, կիրակի կկայանա նաև ֆիլմերի քննարկում, որտեղ կորոշվի՝ երեք ֆիլմերը կցուցադրվեն առանձին, թե կազմակերպիչները կսպասեն, մինչև բոլոր մասնակիցները ֆիլմերը պատրաստ կլինեն, որոնք հետո կցուցադրվեն «Ոսկե ծիրանի» ժամանակ:   

Առաջին անգամ «Ոսկե ծիրան» միջազգային կինոփառատոնն անցկացվել է 2004թ. հունիսի 30-ից հուլիսի 4-ը։ Ներկայում փառատոնը համարվում է տարածաշրջանում ամենահեղինակավորներից մեկը և արժանացել համաշխարհային կինեմատոգրաֆիայի վարպետների բարձր գնահատականներին։ՈՍկե ծիրանն այս տարի կանցկացվի 7-րդ անգամ հուլիսի 11-18-ից: Փառատոնի գլխավոր հովանավորը «Viva-Cell-МТС» է:

2009 թ.-ին «Ոսկե ծիրան բարձրագույն կինոդպրոց է ներկայացվել շուրջ 85 դիմում, որից 70 հայ ուսանողների կողմից, իսկ 15-ը Ռուսաստանից, Թուրքիայից, Վրաստանից, Մոլդովայից, Ռումինիայից և Իրանից եկած ուսանողների:

Նախնական հարցազրույցի արդյունքում ութ ուսանողներ են ընդունվել կինոդպրոց 2009-2010 ուսումնական տարվա համար: Սակայն կինոյի հրավիրված վարպետների դասախոսություններին կարող են մասնակցել նաև անցյալ տարվա լավագույն ուսանողները: -0-   

Loading...
Թեմատիկ նյութեր
Բաժնի այլ նյութեր
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։  
11:38
07 Հունիսի 2017
Հայտնի է 2018 թ.–ին ՀՀ նախագահի թեկնածուն
ՀՀ իշխանությունները թեկնածու են գտել ՀՀ նախագահի պաշտոնում 2018 թ.–ին: