484.75
-0.5
571.76
+2.32
8.19
+0.01
-2
Եղանակը Երևանում
Հայ
Հայաստանն ու Չեխիան ռազմական ոլորտում համագործակցության համաձայնագիր ստորագրեցին
16:33
26 Մարտի 2010

Հայաստանի և Չեխիայի միջև ռազմական ոլորտում համագործակցության համաձայնագիր ստորագրվեց ուրբաթ Երևանում։ Հայկական կողմից համաձայնագիրը ստորագրեց Հայաստանի պաշտպանության նախարար Սեյրան Օհանյանը, չեխական կողմից՝ Չեխիայի փոխվարչապետ, պաշտպանության նախարար Մարտին Բարտակը։

«Այսօր մեզ համար պատմական օր է, քանի որ ռազմական ոլորտում համագործակցությունը Հայաստանի և Չեխիայի միջև դրվում է իրավական հիմքերի վրա»,- լրագրողներին համաձայնագրի ստորագրումից հետո հայտնեց Հայաստանի պաշտպանության նախարարը։

Նա ավելացրեց, որ այդ համաձայնագրի ստորագրման փաստը ցույց է տալիս, որ երկու երկրների քաղաքական ղեկավարությունը կարևորում է ռազմական ոլորտի համագործակցությանը։

Նշելով, որ Չեխիայի պաշտպանության նախարարն առաջին անգամ է Հայաստանում, Օհանյանը հույս հայտնեց, որ դա խթան կհանդիսանա երկու երկրների միջև համագործակցությունը որակապես նոր մակարդակի բարձրացնելու համար։ «Ես վստահ եմ, որ մեր նախարարությունների միջև համագործակցությունը մեծ ներուժ ունի, և փոխադարձ այցերն ու պարտավորություններն առաջընթաց կգրանցեն»,- ընդգծեց նա։ 

Օհանյանը նշեց նաև, որ Հայաստանի համար կարևոր է Չեխիայի հետ համագործակցությունը, քանի որ այդ երկիրը Եվրամիության ու Եվրատլանտյան կառույցների լիիրավ և ակտիվ անդամ է, և, նկատի առնելով, որ Հայաստանը որդեգրել է եվրակառույցներին մերձենալու և եվրոպական երկրների հետ տնտեսական ինտեգրման քաղաքականություն, կրկնակի կարևոր է դառնում ռազմական ոլորտի համագործակցությունը։

Նա ավելացրեց, որ երկկողմ փոխգործակցության սկիզբը կօգնի նաև ՆԱՏՕ-ի, ԵԱՀԿ և Եվրամիության շրջանակներում բազմակողմանի համագործակցությանը։

Նախարարի խոսքերով, երկու երկրների միջև համագործակցության ուղղությունները բազմազան են, ընդգրկում են խաղաղարար օպերացիաների, ռազմական կրթության, ռազմական բժշկության ոլորտներ, ինչպես նաև փոխգործակցություն փորձագետների, խորհրդատուների, պատմաբանների և թանգարանների միջև։

Օհանյանը հատուկ նշեց համաձայնագրով նախատեսված համագործակցությունը ռազմարդյունաբերության ոլորտում: Այս կապակցությամբ նաև Չեխիայի պաշտպանության նախարարին շնորհակալություն հայտնեց, որ իր հետ բերել է Ռազմարդյունաբերության համալիրի ներկայացուցիչներին, որոնց հետո կքննարկվեն նախատեսվող փոխգործակցությանը վերաբերող հարցերը:

Չեխիայի պաշտպանության նախարար Մարտին Բարտակն իր հերթին նշեց, որ իրենք հսկայական փորձ ունեն, որը կուտակվել է ՆԱՏՕ-ին անդամակցելու 11 տարիների, ինչպես նաև Ալյանսի անդամակցությանը պատրաստվելու գործընթացի ընթացքում:

 «Մեր ռազմական համագործակցությունը զարգանում է ինչպես երկկողմ, այնպես էլ բազմակողմ ձևաչափով, և մենք, որպես ՆԱՏՕ-ի անդամ-երկիր, փորձ ունենք մեր երկրում ուսուցանելու ինչպես ՆԱՏՕ-ի նոր անդամների, այնպես էլ գործընկեր-երկրների  ներկայացուցիչներին»,- ասաց նա:

Նա նաև ավելացրեց, որ Հայաստանի համար հետաքրքիր կլինի խորհրդային սպառազինության արդիականացման Չեխիայի կուտակած փորձը:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։