481.77
-0.24
540.26
-0.7
8.5
-0.06
+25
Եղանակը Երևանում
Հայ
Սիրիան հանդուրժողականության խորհրդանիշ է. ՀՀ նախագահ
17:20
24 Մարտի 2010

Հայաստանի նախագահ Սերժ Սարգսյանը, հանդես գալով Սիրիայի Հալեպ քաղաքի հայկական համայնքի առջև,  Սիրիան հանդուրժողականության խորհրդանիշ է անվանել։

«Ես ուրախ եմ գտնվելու հանդուրժողականության խորհրդանիշ երկրում: Վստահ եմ, որ անցյալում քաղաքակրթությունների խաչմերուկ Սիրիան ապագայում դառնալու է քաղաքակրթությունների երկխոսության երկիր: Վստահ եմ, որ հենց նման մշակույթն է պարփակում մեր օրերում տարածաշրջաններ պառակտող հակամարտությունների հաղթահարման փիլիսոփայությունը»,- մեջբերեցին Սարգսյանի խոսքերը հայկական պետության մամուլի ծառայությունից։

Ըստ նրա, հայերի և սիրիացիների համատեղ պատմությունը հին է` հին է, ինչպես հին են Եփրատն ու Տիգրիսը, ինչպես բիբլիական Արարատը: «Սիրիական հողը քաղաքակրթության օրրան է, նաև համամարդկային մեծագույն կրոնների օրրան: Բազում անգամներ սիրիական հողը տնքացել է նվաճողների կրնկի տակ, բայց նրա ճանապարհները դեռ հիշում են առաքյալների ոտնահետքերը: Եվ  ո՞վ կարող է ըմբռնել այս հողի խորհուրդն ավելի լավ, քան բազմաթիվ նվաճողների դիմակայած ու առաքյալների լույսով օծված մեր ժողովուրդը»,- ասել է նախագահը։

Սակայն, Սարգսյանի խոսքերով, հանդուրժելը սիրիացու, արաբի ու հայի ամենամեծ արժանիքը չէ բնավ: «Հանդուրժողականությունն այս հողում դարերի ընթացքում ծիլեր է տվել, ջերմության ու մարդասիրության պտուղներ: Բազմաթիվ դժվարություններ տեսած սիրիացին միշտ գրկաբաց է ընդունել հալածյալին, պատսպարել գաղթականին ու սփոփել կարոտյալին»,- ասել է նախագահը:

Ինչպես նշել է նախագահը, Սիրիան դարեր շարունակ ապաստան է տվել բարբարոս նվաճողներից փրկված ժողովուրդներին, այդ թվում նաև հայերին:

«Օսմանյան ջարդերից մազապուրծ հայերին ու նրանց սերունդներին գրեթե երկու դար ընդունել ու պատսպարել է սիրիական հողը»,- ասել է նախագահը։  

«Սիրիան դարձավ Եղեռնից փրկված հայերի տունը: Բռնագաղթը, զրկանքներն ու անմարդկային տառապանքները վերապրած հայերը ապավինեցին սիրիացուն: Անցնելով տարհանման ու ջարդերի դժոխքի միջով` սակավաթիվ վերապրածներն անվտանգ կյանք ու բարեկամի ջերմություն գտան այս դրախտային երկրում»,- ասել է նախագահն, ավելացնելով, որ հարյուր հազարավորների համար Եփրատի հովիտը ոչ թե եդեմական այգի դարձավ, այլ դժոխքի դարպաս:

Պետության ղեկավարի խոսքերով, Դեյր Զորի անապատը (ուր արտաքսվեցին հայերը 1915 թվականի Ցեղասպանության տարիներին) դարձավ հարյուր հազարավոր հայերի վերջին հանգրվանը, աշխարհում ամենամեծ հայկական գերեզմանատուն- հանգստարանը:

«Մերօրյա Սիրիան հայի համար հարազատ դարձած տուն է, որտեղ նրան սիրում ու հարգում են: Հպարտ եմ` տեսնելով հայ ժողովրդի զավակների հանդեպ Սիրիայի տածած սերն ու հարգանքը: Սերն ու հարգանքը դուք և ձեր հայրերն ու մայրերը նվաճել եք արդար քրտինքով: Երբեմն նաև` արյամբ: Սիրիահայերը եղել և մնում են իրենց հայրենիքի նվիրյալ զավակն ու քաղաքացին: Սիրիահայը վստահելի և հուսալի գործընկեր է` ամենաթանկն ու գնահատելին աշխարհում»,- ավելացրել է Սարգսյանը։

Նա նշել է նաև, որ Սիրիան հայ մշակույթի, գիտության և արվեստի կենտրոն է: «Այստեղ են ստեղծվել հայագիր բազմաթիվ ձեռագիր մատյաններ և արվեստի գլուխգործոցներ: Սիրիան նաև հայ ազգային կյանքի տարածաշրջանային կենտրոն է: Տասնյակ ազգային և մշակութային միությունները, կրթական ու բարեսիրական հաստատությունները ծաղկում են սիրիական մշակույթի պարարտ հողում` հյուրընկալ ժողովրդի ջերմությամբ և պետության հոգածությամբ շրջապատված»,- ընդգծել է Սարգսյանը։

Ըստ նրա, պատահական չէ, որ սիրիական արևի տակ են ծնվել, ուժ ու հասակ առել բազմաթիվ հայ քաղաքական և մշակութային գործիչներ, ազգային և հոգևոր առաջնորդներ:

Նախագահը նշել է, որ 21-րդ դարի սիրիահային կցանկանար տեսնել իր երկրի ոչ միայն օրինապահ, այլև գործուն քաղաքացի:

Հանդուրժողականության «Հայ ազգային ինքնությունը այս հողում պահպանելու գրավականը սիրիական պետության լավ և ակտիվ քաղաքացի լինելն է: Ձեր զավակներին ոգեշնչեք ձեր պանծալի ծնողների գործերով: Քաջալերեք նրանց կայացումն այս երկրում: Ձեր ավանդը բերեք Սիրիայում գիտության ու բժշկության, կրթության ու մշակույթի, արվեստի ու արհեստների զարգացմանը»,- հավելել է նա։ -0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: