478.83
-0.02
557.93
-0.17
7.98
-0.01
+32
Եղանակը Երևանում
Հայ
Ղարաբաղյան հիմնահարցի շուրջ վերջին օրերի տեղեկատվական ակտիվությունը վերահաս պատերազմի նախանշան չէ. փորձագետ
16:48
23 Մարտի 2010

Ղարաբաղյան հիմնահարցի շուրջ վերջին օրերի տեղեկատվական ակտիվությունը ռազմական գործողությունների հնարավոր վերսկսման նախանշան չէ, կարծում է ՀՀ նախագահի աշխատակազմի Հանրային կապերի և տեղեկատվության կենտրոնի տնօրեն Արա Սաղաթելյանը

«Ես վերջին օրերի տեղեկատվական ակտիվությունը մոտ ժամանակներս ռազմական գործողությունների վերսկսման նախանշան չեմ համարում: Իմ կարծիքով՝ այդ ակտիվացումը արհեստական է»,- Սաղաթելյանն ասաց լրագրողներին Մամուլի ազգային ակումբում:  

Նա հավելեց, որ վերջին օրերին հայկական ԶԼՄ-ներում տարածվող հնարավոր պատերազմի մասին տեղեկատվությունը ադրբեջանական մամուլում և նրանց հետ պայմանագրային հարաբերությունների մեջ գտնվող որոշ ռուսական ԶԼՄ-ներում հրապարակվող տեղեկատվության ռեֆլեքսիան է:  

Սաղաթելյանի խոսքերով՝ Ղարաբաղյան հակամարտության հնարավոր ուժային լուծման մասին խոսակցություններն ակտիվացնում է ադրբեջանական կողմը: Փորձագետն ավելացրեց, որ Ադրբեջանը մեքենայական նպատակներով ակտիվորեն օգտագործում է մի շարք ադրբեջանական, թուրքական և վերջին շրջանում շատ հաճախ վրացական տեղեկատվական հարթակները:

Ըստ նրա՝ օգտագործվում են նաև ռուսական, ոչ հեղինակավոր հարթակներ՝ հայկական կողմի արձագանքը ստուգելու համար:

Սաղաթելյանն ընդգծեց, որ հայկական ԶԼՄ-ները պետք է շատ պատասխանատու մոտենան այդ հարցի լուսաբանմանը: «Ժամանակակից պատերացմները մարտի դաշտի կողքին, և անգամ ավելի շուտ, վարվում են տեղեկատվական ու հոգեբանական դաշտերում, և մենք բոլորս պետք է գիտակցենք մեր պատասխանտվությունն ու հասկանանք, որ հասրակայնությունը որոշակի եզրակցության է գալիս՝ ընթերցելով այն, ինչ մենք գրում ենք»,- նշեց նա:  

Նա հավելեց, որ չնայած անցյալի համեմատ հայկական ԶԼՄ-ներն ավելի ուշադիր են դարձել արտասահմանյան աղբյուրների հանդեպ, ավելի բծախնդիր՝ դրանց ընտրության հարցում, բայց որքան աճում է տեղեկատվական հոսքերի արագությունը, այնքան ավելի դժվարանում է լրագրողներին ու խմբագիրների աշխատանքը, այդ իսկ պատճառով պետք է աճի նաև զգոնությունը:

Փորձագետը նշեց նաև, որ Հայաստանն այժմ տեղեկատվական պատերազմ՝ որպես այդպիսին, Ադրբեջանի հետ չի վարում, քանի որ տեղեկատվական պատերազմը ենթադրում է այլ գործողություններ՝ ի տարբերություն նրանց, որոնք այժմ ձեռնարկվում են հայերի կողմից: «Մենք այժմ գտնվում ենք տեղեկատվական հակազդեցության որոշակի գործընթացում»,- ընդգծեց նա:   

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

 

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: