482.74
-0.81
570.65
+2.43
8.24
+0.06
+2
Եղանակը Երևանում
Հայ
Ամենայն Հայոց Կաթողիկոսը և Կիրիլ Պատրիարքը կոչ արեցին եկեղեցու սպասավորներին զորացնել ջանքերը քրիստոնեական հավատքի տարածման գործում
19:06
18 Մարտի 2010

Ամենայն Հայոց Գարեգին Բ Կաթողիկոսը և Մոսկվայի ու Համայն Ռուսիո Պատրիարք Կիրիլ Առաջինը ստորագրեցին համատեղ հայտարարություն, որտեղ կոչ են արել եկեղեցիների սպասավորներին համաշխարհայնացման պայմաններում զորացնել ջանքերը քրիստոնեական հավատքի և արժեքների տարածման գործում:

«Ի պատասխան ներկա աշխարհում տարածվող կրոնական նոր հոսանքների` անհրաժեշտ ենք համարում իրականացնել համատեղ միջոցառումներ և ծրագրեր` կանխարգելու քայքայիչ աղանդների և կեղծ կրոնական կազմակերպությունների վնասակար գործունեությունը»,- ասվում է հայտարարության մեջ:

Հայտարարության մեջ նշվում է, որ Հայ Առաքելական Եկեղեցու և Ռուս Ուղղափառ Եկեղեցու համար կարևոր են միջքրիստոնեական և միջկրոնական հարաբերությունները: «Միայն աշխարհի ավանդական բոլոր կրոնների ներկայացուցիչների համատեղ ջանքերով մենք կարող կլինենք պաշտպանել հավատքի կարևորությունը մարդու հասարակական և անհատական կյանքում»,- ընդգծվում է փաստաթղթում:

Երկու եկեղեցիների ղեկավարները հաստատել են իրենց պատրաստակամությունը զարգացնելու ԱՊՀ և Մերձբալթյան երկրների միջկրոնական խորհրդի աշխատանքները, ինչպես նաև շարունակելու տարածաշրջանի հոգևոր պետերի եռակողմ և քառակողմ հանդիպումները` հանուն խաղաղության և Կովկասի երկրների բարօր կյանքի:

Փաստաթղթում նշվում է, որ Պատրիարք Կիրիլ Ա-ն իր և Կովկասի մուսուլմանների առաջնորդ Շեյխ Ուլ Իսլամ Ալլահ Շյուքուր Փաշազադեի անունից հրավիրել է Գարեգին Բ Կաթողիկոսին` մասնակցելու Բաքվում 2010 թ. ապրիլի 26-27-ը կայանալիք կրոնական առաջնորդների գագաթաժողովին:

«Մենք մեծ նշանակություն ենք տալիս երկու Եկեղեցիների Պատրիարքական Աթոռներին կից գործող եկեղեցական ներկայացուցչությունների գործունեությանը, որոնք կոչված են օժանդակելու Եկեղեցիների միջեւ հաղորդակցության զարգացմանը:  Ի դեմս Ռուսաստանի և Նոր Նախիջեւանի հայոց թեմի առաջնորդի` Ամենայն Հայոց Կաթողիկոսն ունի իր ներկայացուցիչը Մոսկվայի և Համայն Ռուսիո Պատրիարքի մոտ: Երևանում նոր ռուսական ուղղափառ եկեղեցու կառուցումը պայմաններ է ստեղծում, որ Մոսկվայի և Համայն Ռուսիո Պատրիարքն իր ներկայացուցիչն ունենա Ամենայն Հայոց Կաթողիկոսի մոտ»,- ասվում է հայտարարության մեջ:

«Մեր Եկեղեցիները շարունակելու են երկկողմ աստվածաբանական քննարկումներն ու երկխոսությունները հովվական և աստվածաբանական հարցերի շուրջ, համագործակցելու են երիտասարդների կրթության և քրիստոնեական դաստիարակության բնագավառում, միմյանց օգնելու են երիտասարդ հոգեւորականների պատրաստության գործում, ովքեր կարող կլինեն պատասխաններ տալու ժամանակակից կյանքի գերխնդիրներին»,- ասվում է փաստաթղթում:

Հայտարարության մեջ նշվում է, որ երկու եկեղեցիների համար համագործակցության կարևոր ոլորտ է սոցիալական գործունեությունը. բանակի և քրեակատարողական հիմնարկներում հոգևոր սպասավորությունը, գործունեությունը բարեսիրական և հիվանդախնամ հաստատություններում ու վերականգնողական կենտրոններում:--0--

 

 

Loading...
Թեմատիկ նյութեր
Բաժնի այլ նյութեր
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։