485.92
+0.24
514.49
-2.52
8.16
-0.01
-9
Եղանակը Երևանում
Հայ
Կիրիլ Պատրիարքը պատրաստ է զարգացնել համագործակցությունը Հայաստանի հետ
16:18
12 Մարտի 2010

Մոսկվայի և համայն Ռուսիո պատրիարք Կիրիլը հույս ունի, որ հաջորդ շաբաթ նախատեսված իր այցը Հայաստան կնպաստի հոգևոր արժեքների ընդհանուր համակարգի ամրապնդմանը և, որպես հետևանք, երկու երկրների ժողովուրդների միջև բարեկամությանն ու համագործակցությանը։

«Մեր հոգևոր-բարոյական արժեքների ընդհանրությունը ամենակարևոր չափանիշն է, որը կարող է օգնել և իշխանություններին, և մեր ժողովուրդներին ձգտել փոխըմբռնման, բարեկամության և համագործակցության ամրապնդմանը»,- ուրբաթ ասել է պատրիարքը Հայաստանի դեսպան Օլեգ Եսայանի հետ Մոսկվայի իր նստավայրում կայացած հանդիպման ընթացքում, տեղեկացնում է ՌԻԱ Նովոստին։ 

Ռուս Ուղղափառ եկեղեցու առաջնորդը համաձայնել է այն խոսքերին, որ երկու Եկեղեցիները «պետք է անեն ամեն ինչ՝ հոգևոր արժեքների այդ համակարգի ամրապնդման համար»։ «Մենք կանենք ամեն ինչ, որպեսզի արժեքների այդ համակարգը պահպանվի մեր ժողովուրդների կյանքերում»,- ասել է Մոսկվայի պատրիարքը։

«Հույս ունեմ, որ իմ այցը մի փոքր լումա կդառնա մեր ընդհանուր և կարևոր գործում»,- նշել է պատրիարքը։

Ըստ նրա, Ռուս Ուղղափառ և Հայ Առաքելական Եկեղեցիները, «դաստիարակելով» ժողովուրդներին հոգևոր արժեքների միասնական համակարգում, «աջակցում են, որպեսզի երկար տարիներ շարունակ համապատասխան կերպով կանխորոշվի դրանց քաղաքական զարգացումը»։ «Այդ իսկ պատճառով իմ այցն Էջմիածին շատ կարևոր առաքելություն է»,- կարծում է Կիրիլ Պատրիարքը։

Քաղաքականությունն, ըստ պատրիարքի, «անցողիկ գործ է», և լավ է, երբ այն ամբողջովին համընկնում է «ժողովուրդների խորքային շահերի հետ», սակայն լինում է նաև հակառակ իրավիճակը՝ «ինչ-որ արտաքին գործոնների ազդեցության ներքո»։ ՌՈՒԵ առաջնորդը համոզմունք հայտնեց, որ եթե քաղաքականությունը համապատասխանում է հիմնական սկզբունքին՝ ռուս և հայ ժողովուրդների՝ քրիստոնեությամբ ձևավորված հոգևոր արժեքների համակարգին, ապա այն կարելի է ճիշտ և ժողովուրդներին «խաղաղությամբ, բարեկամությամբ և համագործակցությամբ կյանք» ապահովող համարել։

Նա նշել է, որ ռուս-հայկական հարաբերությունները «դարերի պատմություն ունեն»։ «Բայց, հնարավոր է, որ հենց վերջին ժամանակներում (երկու երկրների հարաբերությունները) միանգամայն նոր մակարդակի վրա են բարձրանում»,- ասել է նա։

Հայաստանի դեսպան Օլեգ Եսայանը Ռուսաստանի հետ հարաբերություններն անվանել է «Հայաստանի արտաքին քաղաքականության ամենագլխավոր ուղղություն»։

«Վստահ եմ, որ պատմականորեն մեր փոխհարաբերությունների հիմքը, նախևառաջ, մեր ժողովուրդների պատմական ծագման ընդհանրությունն է, մեր ժողովուրդների հոգևոր միաբանությունը, որը և կանխորոշել է Հայաստանի և հայ ժողովրդի այդ քաղաքական տրամադրվածությունը Ռուսաստանի և ռուս ժողովրդի նկատմամբ։ Սա մեր ժողովրդի քաղաքական, բարոյական, մշակութային կողմնորոշման բազմադարյա որոնման արդյունք է»,- ասել է Եսայանը։

Իր գլխավորած դեսպանության խնդիրը նա տեսնում է «այդ հարաբերությունների հետագա խորացման և զարգացման մեջ»։

«Մեր երկրների միջև հարաբերությունների ողջ համալիրի հիմնական բաղկացուցիչը, ըստ իս, առանցքային մասը Հայ Առաքելական և Ռուս Ուղղափառ եկեղեցիների միջև հոգևոր համագործակցությունն է, ինչը հատկապես լավ է տեղավորվում մեր հարաբերությունների ժամանակակից աշխարհընկալման և մեկնաբանման մեջ»,- կարծում է Հայաստանի դեսպանը։

Նա համոզմունք հայտնեց նաև, որ Կիրիլ պատրիարքի այցը Երևան ռուս-հայկական հարաբերությունների նոր փուլ կբացի։ -0-

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։