487.57
+0.28
567.63
-0.45
8.2
-0.03
+14
Եղանակը Երևանում
Հայ
Թուրքական քաղաքական վերնախավը պետք է հաշտվի իր պատմության հետ. ՀՀԿ խմբակցության քարտուղար
12:52
12 Մարտի 2010

Թուրքական քաղաքական վերնախավի ներկայացուցիչները պետք է հաշտվեն իրենց պատմության հետ, ասել է Հայաստանի Հանրապետական կուսակցության խորհրդարանական խմբակցության քարտուղար Էդուարդ Շարմազանովը՝ մեկնաբանելով Թուրքիայի վարչապետ Ռեջեփ Թայիպ Էրդողանի արտահայտություններն այն մասին, որ Հայոց ցեղասպանության բանաձևն ընդունող երկրները վախենում են պատմությունից:

«Իմ կարծիքով՝ թուրքական քաղաքական վերնախավի ու վարչապետ Էրդողանի մոտ ևս մեկ անգամ ցայտուն կերպով երևաց այս հարցի հետ կապված բարդույթը: Մենք ուզում ենք, որպեսզի թուրք ժողովուրդն ու Թուրքիայի քաղաքական վերնախավը հաշտվեն իրենց պատմության հետ, ուղիղ նայեն պատմության աչքերին և չվախենան նրանից», - ասաց Շարմազանովը «Նովոստի-Արմենիա» գործակալությանը տված հարցազրույցի ժամանակ:

Նրա խոսքերով՝ հայկական կողմը ցանկանում է, որպեսզի հարևան երկիրը, որտեղ կա 301-րդ հոդված (որը նախատեսում է քրեական պատասխանատվություն Հայոց ցեղասպանության հիշատակման համար), որտեղ տաբու է դրված Հայոց ցեղասպանության հիշատակման վրա, ազատվի իր սեփական պատմության հետ կապված բարդույթից:

«Նախագահ Սարգսյանը բազմաթիվ անգամ ասել է, որ Թուրքիայի հետ հարաբերությունների հաստատումը կօգնի թուրք ժողովրդին ձերբազատվել այդ բարդույթից, ճանաչել իր սեփական պատմությունը, ճանաչել Հայոց ցեղասպանությունը և հաշտվել այդ պատմության հետ», - ասաց Շարմազանովը:

Շարմազանովը նշեց նաև, որ նախօրեին Շվեդիայի խորհրդարանի կողմից Հայոց ցեղասպանության ճանաչման մասին ընդունված որոշմամբ հօդս ցնդեցին մեր քաղաքական ընդդիմախոսների հայտարարություններն այն մասին, որ նախագահ Սարգսյանի նախաձեռնող քաղաքականության արդյունքում (հայ-թուրքական հարաբերությունների կարգավորման հարցում) կանգ է առել Հայոց ցեղասպանության միջազգային ճանաչման գործընթացը:

«Մենք տեսանք, որ դա այդպես չէ: Ավելին, այս վերջին երկու տարվա ընթացքում նախագահի շնորհիվ Ցեղասպանության ճանաչումն ավելի մեծ թափ հավաքեց: Հայաստանի վարչապետն ու ԱԳ նախարարը տարբեր միջազգային ամբիոններից, հարցազրույցներում և տարբեր համաշխարհային առաջնորդների հետ համատեղ մամուլի ասուլիսների ժամանակ ավելի շատ խոսեցին Ցեղասպանության ճանաչման գործընթացի կարևորության մասին», - նշեց ՀՀԿ խմբակցության քարտուղարը:

«Մենք գտնում ենք, որ Հայոց ցեղասպանության միջազգային ճանաչումը նոր թափ է հավաքել: Դա կապված է թե նախագահի նախաձեռնող քաղաքականության և թե մեր միջազգային գործընկերների գործունեության հետ, և բնականաբար, պետք չէ թերագնահատել նաև հայկական սփյուռքը», - ասաց Շարմազանովը:

Նրա խոսքերով՝ Հայաստանի ղեկավարությունը հայտարարել և հայտարարում է, որ Ցեղասպանության ճանաչումով մենք կկանխենք դրա կրկնությունը:

«Սա ոչ միայն հայանպաստ, այլև հումանիստական քայլ է: Ողջ համաշխարհային հանրությունը և առաջին հերթին մեր թուրք գործընկերները չպետք է վախենան պատմությունից: Առանց հաշտվելու պատմության հետ հնարավոր չէ առաջ շարժվել», - նշեց Շարմազանովը:

Շվեդիայի խորհրդարանի պատգամավորները հինգշաբթի ցեղասպանություն են ճանաչել  1915 թ.-ին Թուրքիայում հայերի զանգվածային սպանությունները:

Ինչպես հաղորդում է «ՌԻԱ Նովոստին»՝ հղում անելով շվեդական SR ռադիոկայանին, «կարմիր-կանաչ» ընդդիմության առաջարկով ընդունված որոշումն անսպասելի էր կառավարության համար:

Ինչպես պարզաբանում են լրագրողները, բուրժուական կուսակցությունները չեն աջակցել առաջարկին՝ կարծելով, որ «քաղաքական գործիչները չպետք է պատմություն գրեն»:

Այնուամենայնիվ, ընդդիմության առաջարկին «կողմ» են քվեարկել բուրժուական կուսակցությունների որոշ պատգամավորներ, ինչը հանգեցրել է բանաձևի ընդունմանը: Ընդդիմության առաջարկին կողմ է քվեարկել 131 պատգամավոր, դեմ՝ 130 պատգամավոր, 88-ը ձեռնպահ են մնացել:

Թուրքիայի դեսպանը՝ ի նշան բողոքի Շվեդիայի խորհրարանի որոշման դեմ, արդեն ետ է կանչվել Թուրքիա:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ:

ԱՄՆ Կոնգրեսի արտաքին գործերի հանձնաժողովը մարտի 4-ին ընդունել է Հայոց ցեղասպանության ճանաչման բանաձևը: Բանաձևի ընդունմանը «կողմ» է քվեարկել 23 կոնգրեսական, դեմ՝ 22 կոնգրեսական:-0- 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։