486.74
+0.05
517.99
+0.2
8.43
-0.08
-11
Եղանակը Երևանում
Հայ
Ադրբեջանցիների կողմից ներկայացված Խոջալուի ողբերգության լուսանկարները կեղծիք են. չեխ լրագրող
17:28
10 Մարտի 2010

Ադրբեջանցիների կողմից ներկայացված լուսանկարները, որոնք ներկայացվում են որպես Խոջալուի ողբերգության կադրեր, չեն համապատասխանում ադրբեջանցի լուսանկարիչ Չինգիզ Մուստաֆաևի կողմից արված իրական լուսանկարներին, չորեքշաբթի Երևանում լրագրողներին ասաց Ղարաբաղում, Չեչնիայում, Բոսնիայում մարտական գործողությունները լուսաբանող հայտնի չեխ լրագրող Դանա Մազալովան:

Չինգիզ Մուստաֆաևը միակ լուսանկարիչն է, ում հաջողվել է լուսանկարել Խոջալուի ողբերգության հետևանքները:

1992թ. փետրվարի 25-26-ը ղարաբաղյան կողմը ռազմական գործողութուն է սկսել Խոջալու բնակավայրի կրակակետերի վերացման և նույն ավանի մոտ գտնվող միակ օդանավակայանի ապաշրջափակման նպատակով: 1991թ-ից սկսած հենց այդտեղից են Լեռնային Ղարաբաղի բնակավայրերը ենթարկվել ադրբեջանական ՕՄՕՆ-ականների հարձակումներին, գնդակոծվել «Ալազան» «Կրիստալ» և համազարկային կրակի «Գրադ» ռեակտիվ կայանքներից:

Ինչպես «Նովոստի» միջազգային մամուլի կենտրոնում տեղի ունեցած մամուլի ասուլիսի ժամանակ տեղեկացրեց Մազալովան, ինքն անձամբ ծանոթ է եղել Մուստաֆաևի հետ, ով ցույց է տվել ադրբեջանական ուղղաթիռից արված կադրերը:

«Չինգիզը պատմում էր, որ եղել է իրադարձությունների վայրում երկու անգամ՝ փետրվարի 28-ին և մարտի 2-ին՝ ամեն ինչ նկարելով իր տեսախցիկով: Միաժամանակ նա նշում էր, որ սկզբում կրակել էին մարդկանց ծնկներին, որպեսզի նրանք չկարողանան փախչել, ինչից հետո նրանց վերջնականապես սպանում էին՝ ավելի շուտ կացնով», - ասաց Մազալովան:

Նա նշեց, որ դիակները հայտնաբերվել են Ադրբեջանի վերահսկողության տակ գտնվող տարածքում՝ Աղդամից մոտավորապես 200 մետր հեռավորության վրա, միաժամանակ նկարահանումների պահին դիակների միջով համազգեստով մարդ էր քայլում, որը չէր էլ փորձում թաքնվել ադրբեջանական ուղղաթիռը տեսնելիս:

Նրա խոսքերով՝ վերադառնալով դեպքի վայր երկու օր անց՝ Մուստաֆաևը հայտնաբերել է, որ դիակների գլխամաշկը հանված է:

Լրագրողը նշեց, որ անձամբ դիտել է դեռ «հում» նյութը Մուստաֆաևի տանը: Նրա խոսքերով՝ այդ նկարահանումների պատճառով Չինգիզը շատ էր վախենում իր կյանքի համար, փորձում էր տանից դուրս չգալ, զրահաբաճկոն էր կրում:

«Ես կարող եմ ասել, որ այսօրվա դրությամբ ադրբեջանական կողմի ներկայացված Խոջալուի ողբերգության կադրերն իրականում կեղծիք են», - ասաց չեխ լրագրողը:

Նրա խոսքերով՝ Մուստաֆաևի արած լուսանկարներում չկային մերկ դիակներ, կենդանի մարդիկ՝ բացառությամբ համազգետով մարդու, և Չինգիզն անձամբ չի լուսանկարվել այդ ողբերգության ֆոնին:

«Դա այն չէ, ինչ լուսանկարել է Չինգիզը, դա Խոջալուն չէ», - ասաց Մազալովան:

Միաժամանակ, ինչպես նշեց չեխ լրագրողը, Խոջալուն գրոհող ԼՂՀ ինքնապաշտպանության ուժերի ստորաբաժանումները խաղաղ բնակիչներին միջանցք էին թողել մարտական գործողությունների գոտին անվտանգ լքելու համար:

Նրա խոսքերով՝ այդ միջանցքով մսխեթցի թուրքերի հետ միասին անցել է նաև ռուս լուսանկարիչ Վիկա Իվլյովան, ով ոչ միայն կենդանի է մնացել, այլև հրապարակել է այդ իրադարձությունների կադրերը «Մոսկովսկիե նովոստի» թերթում:

Կովկասի ինստիտուտի տնօրեն Ալեքսանդր Իսկանդարյանն իր հերթին նշեց, որ Մազալովան անգին վկա է, քանի որ այդ ժամանակահատվածում աշխատել է ինչպես Հայաստանում և ԼՂՀ-ում, այնպես էլ Ադրբեջանում:

«Այսօրվա դրությամբ այդ իրադարձությունների շատ քիչ վկաներ են մնացել, ովքեր ամեն ինչ իրենց աչքերով են տեսել: Ադրբեջանի քարոզչամեքենան կշարունակի իր աշխատանքը, սակայն պրոֆեսիոնալ լրագրողների վկայություններն ու հայտարարությունները, ովքեր խոսում են այն մասին, ինչ իրականում եղել է, կօգնի հերքել սուտը», - ասաց Իսկանդարյանը:-0-

Loading...
Թեմատիկ նյութեր
Բաժնի այլ նյութեր
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ:
17:20
10 Փետրվարի 2017
Հովիկ Աբրահամյանի որդին չի բացառել, որ կմասնակցի ընտրություններին` ներկայացնելով «Ծառուկյան դաշինքը»
Հովիկ Աբրահամյանի որդին` Արտաշատի քաղաքապետ Արգամ Աբրահամյանը, չի բացառել, որ ապրիլի 2–ին նախատեսված խորհրդարանական ընտրություններին կառաջադրի իր թեկնածությունը` ներկայացնելով «Ծառուկյան դաշինքը»։
15:42
10 Փետրվարի 2017
Լապշինը չի հետախուզվել Ինտերպոլի կողմից. կազմակերպության քարտուղարություն
Բելառուսում ձերբակալված և Բաքվին արտահանձնված ռուս-իսրայելցի բլոգեր Ալեքսանդր Լապշինը չի հետախուզվել Ինտերպոլի կողմից: