483.87
+0.05
519.53
-2.51
8.59
+0.1
+6
Եղանակը Երևանում
Հայ
Հայ-թուրքական գործընթացի արդյունքների բացակայությունը կարող է ԱՄՆ արտաքին քաղաքականության նախաձեռնության ձախողում նշանակել. փորձագետ
16:14
05 Մարտի 2010

Հայ-թուրքական գործընթացում արդյունքների բացակայությունը կարող է նշանակել ԱՄՆ արտաքին քաղաքականության նախաձեռնության ձախողում, ուրբաթ «Նովոստի» միջազգային մամուլի կենտրոնում տեղի ունեցած մամուլի ասուլիսի ընթացքում հայտարարեց թուրքագետ Արտակ Շաքարյանը։

«Ապրիլի 24-ին (Հայոց ցեղասպանության զոհերի հիշատակի օր՝ «Նովոստի-Արմենիա») ԱՄՆ նախագահ Բարաք Օբաման պետք է ինչ-որ բան ասի։ Եթե գործընթացում որևէ առաջխաղացում չլինի, դա կարող է ԱՄՆ միջազգային նախաձեռնության ձախողում նշանակել»,- ասաց Շաքարյանն՝ ընդգծելով, որ Թուրքիայի «քմահաճույքները» տվյալ հարցում վտանգավոր են Օբամայի արտաքին քաղաքական կուրսի համար։

ԱՄՆ նախագահներն ավանդաբար ապրիլի 24-ին հանդես են գալիս հայտարարությամբ՝ եղեռնի զոհերի հիշատակին։ Իր ելույթում 2009 թվականին ԱՄՆ նախագահ Բարաք Օբաման, խոսելով 1915 թվականի իրադարձությունների մասին, օգտագործել է «Մեծ Եղեռն» արտահայտությունը՝ հայերենից թարգմանաբար՝ «մեծ ցեղասպանություն»։

Փորձագետը հիշեցրեց, որ Թուրքիան առաջին երկիրն էր, որ Օբաման պաշտոնապես այցելեց ԱՄՆ նախագահի պաշտոնում։ Հենց այդ այցի ընթացքում մշակվեց Հայաստանի հետ հարաբերությունների բարելավման ծրագիր, ինչն, ըստ էության, դարձավ Օմաբայի առաջին միջազգային նախաձեռնությունը։

Շաքարյանի խոսքերով, արտաքին հարաբերությունների հանձնաժողովի կողմից Օսմանյան կայսրությունում հայոց ցեղասպանության բանաձևի հաստատումը վկայում է այն մասին, որ ԱՄՆ-ն վճռականորեն է տրամադրված հայ-թուրքական հարաբերությունների բարելավման հարցում։

ԱՄՆ Կոնգրեսի արտաքին գործերի հանձնաժողովը մարտի 4-ին ընդունել է Հայոց ցեղասպանության ճանաչման բանաձևը: Բանաձևի ընդունմանը «կողմ» է քվեարկել 23 կոնգրեսական, դեմ՝ 22 կոնգրեսական: Քվեարկությունը չի նշանակում, որ բանաձևը վերջնականապես ընդունվել է, այժմ փաստաթուղթը հաստատված տեսքով պետք է ներկայացվի ներկայացուցիչների պալատի ամբողջական կազմի քննարկմանը:

Թուրքագետը նշեց իրադարձությունների հետագա զարգացման մի քանի հնարավոր սցենարներ։ Դրանց թվում նա նշեց այն տարբերակը, որ Թուրքիան կարող է ուղղել արձանագրությունները Մեջլիսի համապատասխան հանձնաժողովի քննարկմանը, որպեսզի ևս մեկ անգամ հետաձգի գործընթացը։

Հայաստանն ու Թուրքիան հոկտեմբերի 10-ին Ցյուրիխում ստորագրեցին հարաբերությունների կարգավորման վերաբերյալ արձանագրություններ, որոնք այնուհետև պետք է վավերացվեին երկու երկրի խորհրդարանների կողմից:

«Ծայրահեղ դեպքում, եթե ԱՄՆ-ն լրացուցիչ ճնշում գործադրի, հնարավոր է, որ Թուրքիան վավերացնի արձանագրություններից մեկը՝ սահմանների բացման մասին»,- ասաց Շաքարյանը, հավելելով, որ իրավանորմատիվային բազայի և ենթակառուցվածքի ստեղծում պահանջող այդ գործընթացը «կարող է ևս մեկ տարով հետաձգվել, մինչև հաջորդ ապրիլ»։

Թուրքագետն ասաց, որ նկատի առնելով արտաքին քաղաքական իրավիճակը, նա ճիշտ է համարում Հայաստանի կողմից տարվող արտաքին քաղաքական կուրսը, մասնավորապես, ընդգծելով միջազգային պայմանագրերի մասին օրենքում փոփոխությունների կատարումը, որոնք թույլ են տալիս հետ կանչել ստորագրությունը մինչև դրանց՝ ուժի մեջ մտնելը։ 

Հայոց ցեղասպանության փաստը ճանաչել են բազմաթիվ երկրներ: Առաջինը դա 1965 թ.-ին արել է Ուրուգվայը, որի օրինակին հետևել են Ռուսաստանի Դաշնությունը, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները: Հայոց ցեղասպանությունը ճանաչել է նաև Վատիկանը, Եվրոպական խորհրդարանը, Եկեղեցիների համաշխարհային խորհուրդը:

Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։-0-

Loading...
Թեմատիկ նյութեր

Բաժնի այլ նյութեր
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։