484.53
+0.08
528.09
+0.81
8.57
-0.08
+16
Եղանակը Երևանում
Հայ
ԱՄՆ-ի հայկական սփյուռքը ողջունել է Կոնգրեսում Հայոց ցեղասպանության բանաձևի ընդունումը
11:45
05 Մարտի 2010

ԱՄՆ-ի հայկական սփյուռքի ամենահեղինակավոր հասարակական կազմակերպությունները՝ Ամերիկայի հայկական համագումարը (ААА) և Ամերիկայի Հայ ազգային կոմիտեն (ANCA), ողջունել են ԱՄՆ Կոնգրեսի արտաքին հարաբերությունների հանձնաժողովում Առաջին համաշխարհային պատերազմի տարիներին Օսմանյան կայսրությունում Հայոց ցեղասպանությունը ճանաչող բանաձևի ընդունումը, հաղորդում է «ՌԻԱ Նովոստին»: Բանաձևն ընդունվել է հինգշաբթի:

«Չնայած Թուրքիայի կառավարության լուրջ լոբբիին, որին աջակցում էին ռազմական կորպորացիաները, ԱՄՆ Ներկայացուցիչների պալատի արտաքին հարաբերությունների հանձնաժողովն ընդունել է Հայոց ցեղասպանության մասին թիվ 252 բանաձևը», - ասվում է ուրբաթ «ՌԻԱ Նովոստի» ստացված Ամերիկայի հայկական համագումարի հայտարարության մեջ:

«Այսօր ճշմարտությունը հաղթանակեց, իսկ հնարավոր ցեղասպանությունների կանխումը ստացավ իր շարունակությունը: Մենք երախտապարտ ենք հանձնաժողովի նախագահ Հովարդ Բերմանին և բոլոր այն կոնգրեսականներին, ովքեր կողմ հանդես եկան բանաձևի ընդունմանը, որի հեղինակները կոնգրեսականներ Ադամ Շիֆը, Մարկ Կիրկը և Ֆրենկ Փալոունեն են», - հայտարարել է ԱՀՀ-ի գործադիր տնօրեն Բրայան Արդունին (Bryan Ardouny):

Հայտարարության մեջ նաև նշվում է, որ ԱՄՆ-ի համայնքը ԱՄՆ Կոնգրեսին նամակ է հղել առ այն, որ Ամերիկայի հայերը միաձայն են Հայոց ցեղասպանության բանաձևը հավանության արժանացնելու իրենց կոչում:

Ամերիկայի հայ ազգային կոմիտեն (ANCA) ևս գոհունակություն է հայտնել բանաձևի ընդունման կապակցությամբ:

Ինչպես նշել է ANCA-ի մամուլի քարտուղար Էլիզաբեթ Չուլջյանը (Elizabeth Chouldjian), ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում Հայոց ցեղասպանության բանաձևի ընդունումը արդարության հաղթանակն է:

«Վերջին պահին Օբամայի վարչակազմը կոչ է արել հանձնաժողովի նախագահ Հովարդ Բերմանին դադարեցնել բանաձևի քվեարկությունը, սակայն Բերմանը մերժել է վարչակազմին և ներկայացրել է բանաձևը քվեարկության: Տիրում էր լարված մթնոլորտ, սակայն արդարությունը հաղթանակեց», - ասել է Չուլջյանը:

«Մենք հպարտ ենք, որ հանձնաժողովը դեմ է հանդես եկել Թուրքիայի կառավարության կողմից Հայոց ցեղասպանության ժխտման քաղաքականությանը: Մենք կշարունակենք մեր աշխատանքը կոնգրեսականների և ԱՄՆ-ի հայկական համայնքի հետ՝ ԱՄՆ Ներկայացուցիչների պալատում բանաձևի ամբողջական ընդունման համար», - ավելացրել է ANCA-ի մամուլի քարտուղարը:

ԱՄՆ-ի հայկական սփյուռքը մի քանի տասնամյակներ շարունակ փորձում էր հասնել Կոնգրեսի կողմից ցեղասպանության ընդունմանը: Սակայն այս քվեարկությունը չի նշանակում, որ բանաձևը վերջնականապես ընդունվել է, այժմ փաստաթուղթը հաստատված տեսքով կներկայացվի Ներկայացուցիչների պալատի ամբողջական կազմով քննարկմանը: Բանաձևի ընդհանուր քվեարկության ամսաթիվը դեռ չի նշանակվել:

Հայոց Ցեղասպանությունը ХХ դարի առաջին ցեղասպանությունն է, որին զոհ գնաց 1,5 միլիոն հայ:

Հայոց ցեղասպանության փաստը ճանաչել են բազմաթիվ երկրներ: Առաջինը դա 1965 թ.-ին արել է Ուրուգվայը, որի օրինակին հետևել են Ռուսաստանի Դաշնությունը, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները: Հայոց ցեղասպանությունը ճանաչել է նաև Վատիկանը, Եվրոպական խորհրդարանը, Եկեղեցիների համաշխարհային խորհուրդը:

Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Սա Հայոց ցեղասպանության հարցի շուրջ Ներկայացուցիչների պալատի արտաքին հարաբերությունների հանձնաժողովում տեղի ունեցած առաջին քվեարկությունը չէ:

Հայոց ցեղասպանության մասին 106-րդ բանաձևը ԱՄՆ Ներկայացուցիչների պալատ էր ներկայացվել 2007թ. հունվարի 30-ին՝  Կալիֆոռնիան ներկայացնող դեմոկրատ-կոնգրեսական Ադամ Շիֆի կողմից: 2007 թ. հոկտեմբերի 10-ին ԱՄՆ  Կոնգրեսի  Ներկայացուցիչների պալատի արտաքին հարաբերությունների  հանձնաժողովը 27 կողմ և 21 դեմ ձայներով ընդունեց 106-րդ բանաձևը, սակայն Ջորջ Բուշի վարչակազմը վետո դրեց ԱՄՆ Պալատում և Սենատում ամբողջական քվեարկության վրա:-0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։