480.74
+0.03
511.65
+0.46
7.48
-0.03
+6
Եղանակը Երևանում
Հայ
Ադրբեջանը պետք է դադարեցնի ռազմատենչ հայտարարությունները. Հայաստանի ԱԳՆ ղեկավարի տեղակալ
16:01
03 Մարտի 2010

ԵՐԵՎԱՆ, 3 մարտի. /Նովոստի-Արմենիա/. Ադրբեջանը պետք է դադարեցնի ռազմատենչ հայտարարությունները, ասաց Հայաստանի արտաքին գործերի փոխնախարար Կարինե Ղազինյանը՝ հանդես գալով Բուդապեշտում «Արևելյան գործընկերության» քաղաքականությանը նվիրված «Վիշեգրադի խումբ+» նախարարական հանդիպման ընթացքում։

«Տարածաշրջանում վստահության մթնոլորտի ամրապնդումը կարող է նպաստել քաղաքական խնդիրների լուծմանը, իսկ դրա համար նախևառաջ Ադրբեջանը պետք է դադարի ռազամատենչ հայտարարությունների և հայատյացության տարածումից»,- մեջբերեցին Ղազինյանի խոսքերը Հայաստանի ԱԳՆ մամուլի ծառայությունից։

Հայաստանի ԱԳՆ ղեկավարի տեղակալը կարևորեց Արևելյան գործընկերության շրջանակներում տարածաշրջանային համագործակցությունը` ընդգծելով, որ որոշ երկրների հրաժարումը ծրագրով նախատեսված փոխգործակցությունից կարող է վտանգի տակ դնել Գործընկերության հաջողությունը:

Բացի այդ, մեկնաբանելով ղարաբաղյան խնդրի վերաբերյալ ադրբեջանական կողմի հայտարարությունները՝ Ղազինյանն ընդգծեց, որ ԼՂ ժողովուրդն ինքնորոշվել է միջազգային և խորհրդային գործող իրավունքի շրջանակներում:

Հայկական արտաքին գերատեսչության ղեկավարի տեղակալը հայտնեց նաև, որ Հայաստանը ձգտում է առավել ամրապնդել համագործակցություն ԵՄ-ի և նրա անդամ երկրների հետ:

Նա նշեց ԵՄ-ի հետ նոր համաձայնագիր ստորագրելու Հայաստանի պատրաստակամությունը՝ հույս հայտնելով, որ Արևելյան Եվրոպայի երկրների փորձն այդ համատեսքստում օգտակար կլինի։

Կարևորելով Գործընկերության ներքո իրականացվող միջոցառումների ապակենտրոնացումը` Ղազինյանը նշեց, որ Հայաստանը պատրաստ է հյուրընկալել բազմակողմ ձևաչափով կազմակերպվելիք որոշ հանդիպումներ, մասնավորապես, միջմարդկային շփումներին նվիրված պլատֆորմի շրջանակներում:

Նա հատուկ շեշտադրում կատարեց մուտքի արտոնագրերի տրամադրման դյուրացման հարցի վրա, քանի որ դա էապես կխթանի հասարակությունների և մարդկանց միջև շփումները:

 

«Վիշեգրադի խումբ+» նախարարական հանդիպումն անցկացվել է նախօրեին Բուդապեշտում։ Կարինե Ղազինյանի գլխավորած պատվիրակության կազմում էին ԵՄ-ում ՀՀ ներկայացուցչության ղեկավար, դեսպան Ավետ Ադոնցը և Հունգարիայում ՀՀ դեսպան Աշոտ Հովակիմյանը:

 

Հունգարիայի ԱԳ նախարար Պետեր Բալաշի նախագահությամբ անցած նիստին ներկա էին Վիշեգրադի խմբի` Չեխիայի, Սլովակիայի, Լեհաստանի, Արևելյան գործընկերության մեջ ներառված պետությունների, բալթյան երկրների, Իսպանիայի, Շվեդիայի, Բելգիայի բարձրաստիճան ներկայացուցիչները, ինչպես նաև ԵՀ ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն:

 

Հանդիպման ընթացքում քննարկվեց Արևելյան գործընկերության իրականացման ներկա փուլը, ուրվագծվեցին բազմակողմ համագործակցության այն ոլորտները, որտեղ առավել արդյունավետ կլինի գործակցության այս ձևաչափը:

 

Համաժողովի շրջանակներում Ղազինյանը երկկողմ հանդիպում ունեցավ ԵՀ ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեի հետ, որի ընթացքում քննարկվեցին Հայաստան-ԵՄ համագործակցության երկկողմ օրակարգային հարցեր, տարածաշրջանային խնդիրներ:

«Արևելյան գործընկերությունը» պետք է ընդգրկի Եվրամիության վեց հարևան երկրներ՝ Ադրբեջանը, Հայաստանը, Վրաստանը, Մոլդովան, Ուկրաինան և Բելառուսը։ ԵՄ ծրագրի շրջանակներում ԵՄ-ն հարևան երկրներին 600 մլն եվրո կտրամադրի 2009-2013 թվականներին։ -0-

Loading...
Թեմատիկ նյութեր
Բաժնի այլ նյութեր
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։