485.25
-0.08
569.44
-2.72
8.18
-0.02
+1
Եղանակը Երևանում
Հայ
Մոսկվայում Հայկական կազմակերպությունների համաժողով է ստեղծվում
11:21
26 Փետրվարի 2010

Ռուսաստանի մի շարք հայկական կազմակերպություններ հանդես են եկել Մոսկվայի հայկական կազմակերպությունների համաժողով (ՄՀԿՀ) ստեղծելու նախաձեռնությամբ, հաղորդում է Ռուսաստանի հայերի «Երկրամաս» թերթի տեղեկատվական կենտրոնը՝ հղում անելով համաժողովի կազմկոմիտեին: Համաժողովի առաջին նիստը տեղի կունենա փետրվարի 27-ին:

«Մոսկվայում հայկական սփյուռքի կազմակերպությունների և միությունների միջև կայուն փոխհարաբերությունների հաստատման և ամրապնդման, ինչպես նաև հեռանկարային համատեղ նախագծերի քննարկման համար մենք նախաձեռնել ենք ստեղծել Մոսկվայի հայկական կազմակերպությունների համաժողով: Համաժողովի նպատակը հայկական սփյուռքի համար միասնական հարթակ ստեղծելն է, որը միաժամանակ ոչ մի դեպքում ոտնձգության չի ենթարկի առանձին վերցրած կազմակերպության իրավունքները: Մենք ելնում ենք այն թեզից, որ միասնությունը, համախմբումը՝ բազմազանության պահպանմամբ, լիարժեք սփյուռքի ստեղծմանը տանող ուղին է», - ասվում է կազմկոմիտեի հայտարարության մեջ:

Համաժողովն առաջին հերթին տեղեկատվական տարածություն է լինելու հայկական սփյուռքի շփման համար:

«Համոզված ենք, որ կազմակերպությունների միջև համագործակցության նմանատիպ ձևը կաջակցի հայկական սփյուռքի համախմբմանը, նրա շահերի պաշտպանությանն ու փոխադարձ աջակցության ամրապնդմանը: Համաժողովի շրջանակներում իրականացված գործընկերությունը կհանգեցնի միությունների ամրապնդմանը, նրանց ներուժի հզորացմանն ու համազգային հարցերի լուծման գործում մոսկովյան սփյուռքի մասնակցության ընդլայնմանը: Համաժողովի գործունեությունը կուժեղացնի հայկական կազմակերպությունների ազդեցությունը ռուսական հասարակության կյանքի վրա, կամրապնդի Հայաստանի, Արցախի և այլ երկրների հայկական համայնքների միջև փոխհարաբերությունները», - ասվում է հայտարարության մեջ:

Կազմկոմիտեի ներկայացուցիչները նշել են, որ Մոսկվայի հայկական համայնքն այսօր որակական վերափոխման մեջ է, որն ավելի նշանակալի է դարձնում նրա դերը ողջ հայկական սփյուռքի համակարգում:

«Սակայն սեփական նպատակների համալիր իրագործման լիարժեք մեխանիզմ դառնալու համար գործող կազմակերպություններին շատ հաճախ շատ բան չի բավականացնում: Առաջին հերթին խոսքը կազմակերպությունների անբավարար միախմբման, նրանց գործունեության փորձագիտական ապահովման բացակայության մասին է: Հաճախ կազմակերպությունների միջև նաև առճակատում է նկատվում: Հատուկ ուշադրություն են պահանջում տեղեկատվական ապահովման բարելավմանը վերաբերող հարցերը: Կարծում ենք, որ հասունացել է համախմբող հարթակի ստեղծման անհրաժեշտությունը, որը կներկայացներ բոլոր կազմակերպությունների շահերը, կհամաձայնեցներ նրանց գործունեությունը՝ նախագծեր և ծրագրեր իրագործելիս կրկնօրինակումը բացառելու նպատակով», - ընդգծվում է հայտարարության մեջ:

Կազմկոմիտեի անունից հայտարարության տակ ստորագրել են «Ռուս-հայկական միություն» կազմակերպության նախագահ Յուրի Նավոյանը, «Նոյեվ Կովչեգ» («Նոյյան տապան») թերթի գլխավոր խմբագիր Գրիգորի Անիսոնյանը, «Արցախի ընկերների ակումբի» նախագահ Էդուարդ Ղուլյանը, Մոսկվայի միջազգային հարաբերությունների պետական ինստիտուտի հայկական միության նախագահ Հենրի Սարդարյանը, «Արևմտահայերի հայրենակցություն» կազմակերպության ներկայացուցիչ Իգոր Զարգարյանը:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։