482.36
-0.38
568.99
-1.66
8.19
-0.05
+2
Եղանակը Երևանում
Հայ
ՀՀ նախագահը գյուղատնտեսության և ՏՏ ոլորտի զարգացման խնդիրներ է քննարկել Հանրային խորհրդի հետ
18:56
24 Փետրվարի 2010

ԵՐԵՎԱՆ, 24 փետրվարի. /Նովոստի-Արմենիա/. ՀՀ նախագահ Սերժ Սարգսյանն այսօր Հանրային խորհրդի ամբողջական ձեւավորումից հետո երկրորդ անգամ հանդիպել է  Խորհրդի անդամների հետ` քննարկելու գյուղատնտեսության և տեղեկատվական տեխնոլոգիաների զարգացման գործում Խորհրդի արձանագրած խնդիրներն ու առաջարկելիք լուծումները, տեղեկացնում են ՀՀ նախագահի մամուլի ծառայությունից:

Հանդիպմանը մասնակցել են նաև գյուղատնտեսության և էկոնոմիկայի նախարարները:

Նախագահ Սարգսյանն ասել է, որ այս ժամանակամիջոցում մամուլից եւ Խորհրդի նախագահ Վազգեն Մանուկյանի հետ հանդիպումներից տեղյակ է, որ Խորհրդի հանձնաժողովներում մեծ աշխատանք է կատարվում տարբեր թեմաների շուրջ` սկսած հայ-թուրքական հարաբերություններից մինչև հեռուստաեթերի որակի բարելավում:

«Էականն այն է, որ այս հարցերը լայն քննարկում են անցնում, մշակվում են, եւ դրանց նախապատրաստումից մինչև քննարկում ունենում ենք մի լավ շղթա: Շատ եմ կարեւորում հանգամանքը, որ Հանրային խորհուրդը ոչ միայն հարցեր է բարձրացնում, այլև`  առաջարկում լուծումներ: Սա էական է, քանի որ շատ-շատերն են տեսնում մեր հասարակության մեջ առկա խնդիրները, բայց դրանք տեսնելը մի խնդիր է, լուծում առաջարկելը` բոլորովին այլ»,- ասել է Սերժ Սարգսյանը: 

Որպես գյուղատնտեսությունում առկա առաջնահերթ խնդիր խոսվել է տարեցտարի ավելացող չմշակվող հողատարածքների մասին, ինչը, բանախոսների համոզմամբ, վտանգում է տնտեսության այս ճյուղի զարգացման հեռանկարը: Խորհրդի աշխատանքային խումբը երկրի ղեկավարին է ներկայացրել գյուղատնտեսության ոլորտում կոոպերացիայի զարգացման մասին առաջարկ և դրա հիմնավորումները` ելնելով իր ուսումնասիրության արդյունքներից: Խոսվել է այն մասին, որ կամավորության սկզբունքով կոոպերացիան զարգացնելու միջոցով կլուծվի ոչ միայն արդյունավետ գյուղատնտեսություն ունենալու, այլեւ գյուղաբնակներին իրենց հողի վրա պահելու  եւ գյուղը որպես այդպիսին չկորցնելու խնդիրները:

Երկրի ղեկավարն ասել է, որ այս խնդիրը պետք է դիտարկել բազմիցս կարեւորված տարածքների համաչափ զարգացման ռազմավարության համատեքստում, ինչը նշանակում է, որ գյուղական բնակավայրերը պետք է հնարավորություններ ստանան իրացնելու իրենց ներուժը, տվյալ դեպքում` նաեւ գյուղատնտեսության ոլորտում: Նախագահ Սարգսյանի խոսքով` պետությունը շահագրգիռ է  նաեւ այսպիսի քննարկումների միջոցով հստակեցնելու իր  անելիքները, շտկումներ մտցնելու արդեն կատարվող աշխատանքներում, որպեսզի կարողանա հնարավորինս այնպիսի պայմաններ ստեղծել գյուղացու համար, որ հող մշակելը նրան անպտուղ աշխատանք չթվա:

Անդրադարձ է կատարվել նաեւ Հայաստանում ինտերնետի սակագների եւ որակի խնդրին, ինչը, Հանրային խորհրդի անդամների համոզմամբ, չի նպաստում տեղեկատվական տեխնոլոգիաների  ոլորտի զարգացմանն ու բնակչության համար ինտերնետի մատչելության ընդլայնմանը:

Նախագահ Սարգսյանը նշել է, որ կապի որակի բարելավման եւ հասարակության համակարգչայնացման աստիճանի բարձրացման գործում դանդաղելը կարող է Հայաստանին հետ նետել աշխարհի զարգացումներից եւ նվազեցնել երկրի առաջընթացի հնարավորությունները, ուստի պետք է անել ամեն ինչ, այս խնդիրին արագ եւ հիմնավոր լուծումներ տալու համար:

Նախագահն առաջարկել է քննարկված հարցերի շուրջ  հնչած տեսակետները դասակարգված  ի մի բերել եւ, կառավարության հետ  սերտորեն համագործակցելով, անցնել հաջորդ փուլ` մշակել կոնկրետ միջոցառումներ: Սերժ Սարգսյանն ընդսմին նշել է, որ չպետք է մոռանալ, որ Հանրային խորհրդի անդամները երկրի զարգացման գործին կամավոր են մասնակցում` ելնելով իրենց սրտացավությունից, իսկ պետական պաշտոնյաների դեպքում դա նաեւ  պարտականություն է, ուստի, նրանք  պարտավոր են մեծագույն պատասխանատվությամբ վերաբերվել քննարկված խնդիրների շրջանակում նախանշված անելիքներին:

 

Հանրապետության Նախագահը շնորհակալություն է հայտնել Հանրային խորհրդի անդամներին եւ հաջողություն մաղթել նրանց հետագա աշխատանքներում:-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։