484.04
+0.53
523.1
+1.64
8.44
+0.03
+12
Եղանակը Երևանում
Հայ
Հայաստանում ներկայացվել է Խոջալուում տեղի ունեցած իրադարձությունների մասին ադրբեջանական կեղծիքները բացահայտող www.xocali.net նոր ինտերնետ նախագիծը
17:08
24 Փետրվարի 2010

Չորեքշաբթի Երևանում ներկայացվել է Խոջալուում տեղի ունեցած իրադարձությունների մասին ադրբեջանական կեղծարարությունները բացահայտող www.xocali.net նոր ինտերնետ նախագիծը:

Ինչպես լրագրողներին ասաց նախագծի նախաձեռնողներից մեկը՝ «Այլատյացության կանխարգելման նախաձեռնություն» ՀԿ ղեկավար Արմինե Ադիբեկյանը, եկել է պահը, որպեսզի լուրջ հակահարված տանք Խոջալուի մասին քարոզչությամբ հայերին վատաբանելու Ադրբեջանի բոլոր փորձերին:

«Մենք փորձ արեցինք ապացուցելու, որ այսպես կոչված «Ցեղասպանության» մասին բոլոր պնդումները՝ իբր թե իրագործված Խոջալուում հայերի կողմից, ընդամենը հակահայկական քարոզչության մի մասն են»,- ասաց Ադիբեկյանը: Ըստ նրա, ադրբեջանցիների ներկայացրած նյութերի հետազոտությունը՝ որպես իրենց ճշմարտացիության ապացույց, ցույց են տալիս դրանց կեղծված լինելը:  

«Xocali.net-ը իր տեսակի մեջ առաջին նախագիծն է: Մենք ծրագրում ենք հետագայում ևս հակազդել ադրբեջանցիների հակահայկական քարոզչությանը՝ հակակշիռ ապահովելով Ադրբեջանի կողմից սկսված տեղեկատվական պատերազմում»,- նշեց նախագծի ղեկավարը: Նա հայտնեց, որ կայքի անվանումը գրվում է ադրբեջանական տառադարձմամբ, որպեսզի գտնելը հեշտ լինի որոնման համակարգերում:  

Ադիբեկյանը նշեց, որ տեղեկատվությունը կայքում ներկայացված է վեց լեզվով՝ անգլերեն, ադրբեջաներեն, ռուսերեն, գերմաներեն, պարսկերեն և ֆրանսերեն:

«Իրականում, այս նախագիծը մի ռեսուրս է, որտեղ ցանկացած մարդ կարող է իմանալ փաստերով ու ապացույցներով հիմնավորված ճշմարտությունը ադրբեջանական քարոզչամեքենայի կեղծիքների մասին»,- ընդգծեց նա:

Իր հերթին տեղեկատվական անվտանգության փորձագետ, նախագծի նախաձեռնողներից ու մասնակիցներից մեկը՝ Սամվել Մարտիրոսյանն ասաց, որ ադրբեջանական քարոզչության նպատակն այն է, որ միջազգային հանրության ուշադրությունը շեղեն Ադրբեջանում հայերի ցեղասպանությունից:

«Խոջալուի վրա ուշադրությունը հրավիրելու համար ադրբեջանցիները օգտագործում են բազմաթիվ միջոցներ, մասնավորապես, դրանցից ամենատպավորիչը լուսանկարների ցուցադրումն է: Այդ լուսանկարները այնքան սարսափելի են, որ դիտողը մանրամասների մեջ չի խորանում, թե որտեղ ու երբ են դրանք արվել: Սակայն որոշակի փորձագիտության արդյունքում պարզվում է, որ այդ լուսանկաները ոչ մի ընդհանուր բան չունեն Խոջալուում տեղի ունեցած դեպքերի հետ»,- հայտարարեց Մարտիրոսյանը:  

Մասնավորապես, փորձագետի խոսքերով, ամենատարածված լուսանկարը՝ «Խոջալուն», որը տպվել է տարբեր գրքերում ու ցուցադրված է ինտերնետում, իրականում արվել է Կոսովոյում:

Ադրբեջանցիները ինտերնետը հեղեղել են սարսափազդու լուսանկարներով, որոնք ոչ մի ընդհանուր բան չունեն Խոջալուի հետ: Մենք արդեն 20 նման լուսանկար ենք հայտնաբերել և շարունակելու ենք աշխատել: Կայքը ժամանակ առ ժամանակ նորացվելու է»,- հավելեց նա:

1992թ. փետրվարի 25-26-ը ղարաբաղյան կողմը ռազմական գործողութուն է սկսել Խոջալու բնակավայրի կրակակետերի վերացման և նույն ավանի մոտ գտնվող միակ օդանավակայանի ապաշրջափակման նպատակով: 1991թ-ից սկսած հենց այդտեղից են Լեռնային Ղարաբաղի բնակավայրերը ենթարկվել ադրբեջանական ՕՄՕՆ-ականների հարձակումներին, գնդակոծվել «Ալազան» «Կրիստալ» և համազարկային կրակի «Գրադ» ռեակտիվ կայանքներից:

Խոջալուն գրոհող ԼՂՀ ինքնապաշտպանական ուժերը խաղաղ բնակիչների համար միջանցք էին թողել անվտանգ հեռանալու համար, ինչի մասին նախօրոք տեղեկացվել է հակառակորդ կողմը: Խոջալուի կրակակետերը ճնշելու գործողության նախապատրաստման մասին ևս հակառակորդին տեղեկացվել էր երկու ամիս  առաջ, ինչը հաստատել  են նաև Ադրբեջանի պաշտոնատար անձիք, մասնավորապես, այնժամանակվա նախագահ Այազ Մութալիբովը։

Սակայն Ադրբեջանի իշխանությունները ոչինչ չեն ձեռնարկել խաղաղ բնակչությանը մարտական գործողությունների գոտուց դուրս բերելու համար: Ավելին, խաղաղ քաղաքացիների շարասյունները գնդակահարվել են Աղդամի շրջանի սահմանային մատույցներում, որն ավելի ուշ հաստատել է Ա.Մութալիբովը` այդ հանցավոր գործողությունը կապելով իրեն իշխանությունից հեռացնելու և պատասխանատվությունը իր վրա բարդելու ընդդիմության փորձերի հետ:

Տարածքը, որտեղ հետագայում բազմաթիվ սպանվածների դիակներով կադրեր են նկարահանվել, գտնվել է Աղդամից` 3, Խոջալուից 11 կմ հեռավորության վրա: Ընդհուպ մինչև 1993 թ. ամռանը Աղդամի անկումը տվյալ տարածքը ամբողջովին վերահսկվում էր Ադրբեջանի ժողովրդական ճակատի կողմից, ինչը բացառում էր ղարաբաղյան բանակի ստորաբաժանումների մուտքն այդտեղ:

Մինչ այսօր մշուշապատ են մնում այդ ռազմական գործողության որոշ մանրամասներ, ինչն ակտիվորեն շահարկվում է պաշտոնական Բաքվի կողմից իր քաղաքական նպատակներին հասնելու համար:

Հատկանշական է, որ այդ ամբողջ քարոզչությունը տարվում է վառ արտահայտված հակահայկական շեշտադրումներով ու օգտագործվում ադրբեջանցիների շրջանում հայերի դեմ ուղղված էթնիկ անհանդուրժողականության և ատելության շիկացման համար:

Ցավոք, անհրաժեշտ է փաստել, որ «խոջալուի» թեման շարունակում է մնալ Ադրբեջանի ներքին և արտաքին տեղեկատվական, ավելի ճիշտ, ապատեղեկատվական քաղաքականության անկյունաքարը ղարաբաղյան հիմնախնդրի համատեքստում: -0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։