480.39
+0.17
536.6
+0.48
8.07
+0.03
+29
Եղանակը Երևանում
Հայ
Բնապահպանական պետական տեսչության աշխատակիցներին կաշառք վերցնելու մեղադրանք է ներկայացվել
17:17
18 Փետրվարի 2010

ԵՐԵՎԱՆ, 18 փետրվարի. /Նովոստի-Արմենիա/. Հատուկ քննչական ծառայությունում ավարտվել է բնապահպանության նախարարության երկու աշխատակցի՝ Բնապահպանական պետական տեսչության պետ Տիգրան Գրիգորյանի և նրա տեղակալ Արսեն Պետրոսյանի կողմից կաշառք ստանալու  դեպքի առթիվ հարուցված քրեական գործի նախաքննությունը, հինգշաբթի «Նովոստի-Արմենիա» գործակալությանը հայտնեցին ՀՀ գլխավոր դատախազության մամուլի ծառայությունից:

Հաղորդագրության համաձայն՝ նախաքննությամբ պարզվել է, որ ՀՀ բնապահպանության նախարարության աշխատակազմի բնապահպանական  պետական տեսչության  պետի տեղակալ  Արսեն Պետրոսյանը  ՀՀ բնապահպանության նախարարի հանձնարարագրի հիման վրա 2009 թվականին ստուգել է  «Դելտա ֆրագմենտ»  ՍՊԸ-ի կողմից  շահագործվող  «Երևան քաղաքի  Աստղիկի գիպսատար  կավերի և բազալտների  հանքավայրում»-ում   բնության պահպանության և բնական պաշարների  արդյունավետ օգտագործման  բնագավառի օրենսդրության պահանջների կատարման վիճակը:  

«Նշված ընկերության կողմից շահագործվող հանքավայրում հայտնաբերված բնապահպանական բնագավառի օրինախախտումներն ստուգման ակտում  չարձանագրելու և գանձման ենթակա  տուգանքի չափը նվազեցնելու  համար Պետրոսյանը «Դելտա ֆրագմենտ»  ՍՊԸ-ի  տնօրեն Վարդան Ասլանյանից  ստացել է  400 հազար դրամ կաշառք»,- ասվում է հաղորդագրության մեջ:

Բացի այդ` նախաքննությամբ պարզվել է, որ Արսեն Պետրոսյանը, իր անմիջական ղեկավար  Տիգրան Գրիգորյանի հետ  համաձայնության գալով,  ստուգել է  «Ախթալայի լեռնահարստացման  կոմբինատ» ՓԲԸ-ում  բնական ռեսուրսների  օգտագործման և պահպանման  պահանջների կատարման վիճակը, որից հետո ընկերության  խորհրդի նախագահի օգնական  Հրանտ Ավագյանից պահանջել և ստացել 5 մլն դրամ կաշառք: 

Հաղորդագրության համաձայն՝ նշված գումարը տեսուչները պահանջել են Լոռու մարզի  Այրում-Ճոճկան  ձորում գտնվող  շրջանառու ջրամատակարարման  համակարգը շահագործման  հանձնելու ժամկետը  երկարաձգելու թույլտվություն տալու  համար: 

Ձեռք բերված ապացույցների հիման վրա`  Պետրոսյանին մեղադրանք է առաջադրվել ՀՀ քրեական օրենսգրքի 311-րդ հոդվածի  3-րդ մասի 3-րդ և 4-րդ մասի 2-րդ կետերով:   Գրիգորյանին մեղադրանք է առաջադրվել ՀՀ  քրեական օրենսգրքի 311-րդ հոդվածի 4-րդ մասի 2-րդ կետով:

Քրեական գործն ուղարկվել է Կենտրոն և Նորք-Մարաշ վարչական շրջանների ընդհանուր իրավասության  առաջին ատյանի դատարան` ըստ էության քննելու համար:-0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։