477.88
-0.42
573.6
-0.5
8.31
+0.05
+21
Եղանակը Երևանում
Հայ
ՀՀ նախագահը նոր էջ բացեց հայ-թուրքական հարաբերություններում. վարչապետ
13:11
12 Փետրվարի 2010

ՀՀ նախագահ Սերժ Սարգսյանը նոր էջ բացեց հայ-թուրքական հարաբերություններում, ասաց ՀՀ վարչապետ Տիգրան Սարգսյանը:

«Եվ այսուհետ մենք գործ ունենք նոր իրականության հետ: Դուր է գալիս դա մեր ընդդիմախոսներին, թե ոչ, սակայն մենք բոլորս ստիպված ենք այսուհետ հաշվի նստել այն իրականության հետ, որ բարձր քաղաքական մակարդակի վրա հարաբերություններ հաստատելու համար նոր էջ է բացվել», - ուրբաթ ասաց նա՝ ելույթ ունենալով «Հայ-թուրքական հարաբերություններ և միջսահմանային ռեգիոնալիզմ» թեմայով հասարակական քննարկումների ժամանակ:

Սարգսյանը մեջբերել է Թուրքիայի նախագահ Աբդուլա Գյուլին ուղղված ՀՀ նախագահի ուղերձը և ասել, որ այն «հերթական անգամ հաստատում է այդ հարցում ՀՀ նախագահի վճռականությունը»:

ՀՀ նախագահ Սերժ Սարգսյանը երեքշաբթի ուղերձ է հղել Թուրքիայի նախագահին, որում նշել է, որ « հայ և թուրք ժողովուրդների`միմյանց հանդեպ ունեցած կարծրատիպը կոտրելու, փոխվստահության մթնոլորտ ձևավորելու խնդրում հիմնական դերը վերապահված է իշխանություններին»:

«Միայն մեր գործի նկատմամբ հավատի, վճռականության և սկզբունքայնության շնորհիվ մենք կարող ենք արդյունքի հասնել: Եթե մինչ օրս մեզ հաջողվել է երկկողմ շփումները հասցնել այն մակարդակի, որտեղից մեր երկու երկրների միջև նորմալ հարաբերությունների ապագա կառուցումը ավելի տեսանելի և զգալի է դառնում, ապա այսօր հասել է վճռականություն դրսևորելու, դեպի առաջ մեծ քայլ անելու պահը՝ ապագա սերունդներին փոխանցելով կայուն և անվտանգ տարածաշրջան», - նշվում է Սարգսյանի ուղերձում:

Այս կապակցությամբ վարչապետն ընդգծեց, որ այս պայմաններում Հայաստանի քաղաքական դիրքորոշումը պաշտպանում են ինչպես ԱՄՆ վարչակազմը, այնպես էլ Ռուսաստանն ու Եվրամիությունը:

«Բոլորը մեզ աջակցում են այդ ճանապարհով գնալու համար: Ցանկանում եմ ձեզ հավաստիացնել, որ դա խորը գիտակցված քայլ է», -ասաց նա:

Սարգսյանի խոսքերով՝ ՀՀ նախագահի ուղերձը վերացնում է բոլոր կասկածներն այն մասին, «որ դա քաղաքական խաղ չէ, այլ հարևան երկրների հետ բարեկամական հարաբերություններ հաստատելու անկեղծ ձգտում»:

Վարչապետն ընդգծեց, որ եկել է պահը, որպեսզի երկու երկրների նախագահները քաղաքական կամք դրսևորեն և առաջ շարժվեն՝ վավերացնելով արձանագրություններն ու բացելով սահմանները:

Միաժամանակ հարկ է համաձայնել այն բանի հետ, որ այս փուլում քաղաքական իշխանությունների հստակ դիրքորոշումից շատ բան է կախված: «Դա ինչպես հասարակությանը և քաղաքացիներին, այնպես էլ միջազգային հանրությանն ուղղված ազդանշան է այն մասին, թե ինչպես ենք մենք տեսնում ապագան», - եզրափակեց Սարգսյանը:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: