478.3
+0.07
574.1
-0.3
8.31
+0.05
+22
Եղանակը Երևանում
Հայ
Կրթական համակարգը պետք է վերափոխվի ուսանողակենտրոն համակարգի. ԿԳ նախարար
20:06
09 Փետրվարի 2010

ԵՐԵՎԱՆ, 9 փետրվարի. /Նովոստի-Արմենիա/. Նախորդ տարի Ուսանողության միջազգային օրվան նվիրված միջոցառման ընթացքում ՀՀ կրթության և գիտության նախարար Ա. Աշոտյանը խոստացել էր պարբերական դարձնել ուսանողական խորհուրդների հետ հանդիպումները, «Նովոստի-Արմենիա» գործակալությանը հայտնեցին Կրթության և գիտության նախարարության մամուլի ծառայությունից:

Երեքշաբթի նախարարը հանդիպեց ՀՀ պետական և ոչ պետական մի շարք բուհերի ուսանողական խորհուրդների նախագահների հետ: Հանդիպման ընթացքում նախարարը հանգամանալից անդրադարձավ ուսանողությանը հուզող բազմաթիվ խնդիրների:

Հաղորդագրության համաձայն, առաջին խնդիրը, որը կարևորեց նախարարը, բարձրագույն կրթության ոլորտում տեղի ունեցող բարեփոխումներն են, մասնավորապես, Բոլոնիայի գործընթացի տրամաբանության, որակի վերահսկողության ներքին մեխանիզմների հստակեցման և հակակոռուպցիոն դրսևորումների համատեքստում:

«Բոլոնիայի բարեփոխումների տրամաբանությունից բխում է, որ նախկինում գործող կրթական համակարգը պետք է վերափոխվի ուսանողակենտրոն համակարգի, և ուսանողը հանդիսանա ոչ թե կրթական գործընթացի օբյեկտ, որի վրա անդրադառնա բուհի, նախարարության, պետության գործունեությունը, այլ այդ գործընթացի լիարժեք և իրավահավասար սուբյեկտը, կրթական ծառայությունների վերջնական սպառողը»,-դիմելով ուսանողներին` նշեց նախարարը:

Նա հավելեց, որ այս ոլորտում առկա իրավական դաշտն այսօր շատ հարցերում գործում է ի նպաստ ուսանողի, և ՀՀ բուհերն այսօր Եվրոպայում առաջատար դիրքերում են` բուհական ինքնավարության և ուսանողության իրավունքների տեսակետից, իսկ որոշ ուղղություններով նաև` ավելի ինքնավար և ինքնաբավ, քան եվրոպական մի շարք բուհեր, ասվում է հաղորդագրության մեջ:

Մասնավորապես, համաձայն «Կրթության մասին» և «Բարձրագույն  և հետբուհական մասնագիտական կրթության մասին» ՀՀ օրենքների, ուսանողներին է պատկանում բուհերի կառավարման մարմիններում ձայների առնվազն 25 տոկոսը, որը նպատակ ունի ուսանողությանը դիտարկել որպես գործընկեր` բուհական ոլորտում բեկումնային բարեփոխումներ իրականացնելու տեսանկյունից:

«Ցավոք, օրենքով ամրագրված իրենց ոչ բոլոր հնարավորություններն են այսօր ուսանողներն օգտագործում: Ուսանողները պետք է լիարժեք, բովանդակալից ներկայանան և բուհի ու նախարարության առջև դնեն լուրջ խնդիրներ, երբեմն նաև` չհամաձայնվեն: Լավ ռեկտորը շահագրգռված է ունենալ ուժեղ ուսանողություն, որովհետև վերջինս հանդիսանում է հիանալի ապավեն և հնարավորություն` բուհի առաջընթացի համար: Առանց ուսանողության` որևէ լուրջ բարեփոխում հնարավոր չէ իրականացնել, և որակի ապահովման առաջին վերահսկողը և կրթական բարեփոխումների շոգեքարշերից մեկը պետք է լինի ուսանողը»,-ընդգծեց Ա. Աշոտյանը:

Նա տեղեկացրեց, որ այս տարի առաջին անգամ Բոլոնիայի անդամ երկրների նախարարների խորհրդաժողովին հայկական պատվիրակության կազմում կընդգրկվի նաև  ուսանողության ներկայացուցիչ  և կոչ արեց այս հարցում լինել առավել նախաձեռնողական:

Հաղորդագրության համաձայն, նախարարը տեղեկացրեց, որ ուսանողներն իրենց ներկայացուցիչն ունեն նաև ՀՀ ԿԳ նախարարին կից կոլեգիայի կազմում: Ա.Աշոտյանն անդրադարձավ նաև այլ հարցերի, մասնավորապես, ուսանողների սոցիալական խնդրին, որն այսօր առաջնային է հանդիսանում և շատ կարևոր է, թե պետությունն ինչ երաշխիքներ է ստեղծում լավ սովորող կամ անապահով խավերի ուսանողներ համար` վարձավճարների զեղչի հետ կապված, ինչպես նաև քննությունների ընթացքում արձանագրված կոռուպցիոն դրսևորումներին և  սուբյեկտիվության գործոնին:

«Բուհերը ոչ միայն կրթություն են մատուցում, դրանք նախևառաջ տվյալ պետության, ազգի ապագա վերնախավը /ինտելեկտուալ խավը/ ձևավորող գործիք են: Ուսանողն իր մեջ պետք է կրի որոշակի արժեքներ, որ 10-15 տարի հետո իր ուսերի վրա կրի պետության, տնտեսության և քաղաքականության զարգացումները»,-նշեց Ա. Աշոտյանը և կոչ արեց համատեղ ջանքերով վերականգնել ուսխորհուրդների նկատմամբ ունեցած վստահությունը` ընդգծելով այն հանգամանքը, որ ուսխորհուրդը նախևառաջ պետք է դիտարկվի որպես ուսանողության ներկայացուցիչը բուհերի կառավարման մարմիններում, և ուսանողությունն է, որ պետք է հանդիսանա ուսխորհուրդների հիմքը, ապավենը և հիմնական պահանջատերը:

Նախարարը ուսխորհուրդներին առաջարկեց առավել ակտիվ և նախաձեռնողական մոտեցում ցուցաբերել հիմնականում երեք ռազմավարական ուղղություններով` Հայ առաքելական եկեղեցու հետ իրականացվող միջոցառումներում` եկեղեցին  ընկալելով որպես մի ինստիտուտ, որի հետ երիտասարդը պարտավոր է աշխատել և կոչ անելով ուսանողությանը` վերադառնալ դեպի եկեղեցի, Լեռնային Ղարաբաղի հետ իրականացվող միջոցառումներում /այս տարի Արցախում նախատեսվում է շուրջ 70 միջոցառում/ և   հայկական բանակի հետ կապված գործընթացներում` բանակը դիտարկելով որպես «ամենամեծ երիտասարդական կազմակերպություն», որն ունի ուսանողական միջոցառումների կարիք, ասվում է հաղորդագրության մեջ:

Շնորհակալություն հայտնելով նախարարին` ուսանողական հիմնախնդիրներին հանգամանալից անդրադառնալու համար, ուսանողները նախարարին ուղղեցին  մի շարք հարցեր, որոնք, մասնավորապես, վերաբերում էին ուսանողական խորհուրդների իրավական կարգավիճակի, գիտական խորհուրդներում ուսանողների ներգրավվածության, ուսանողական միջոցառումների ֆինանսավորման, ոչ պետական բուհերի շրջանավարտների աշխատանքի տեղավորման, Բոլոնիայի գործընթացի շուրջ հանրային իրազեկվածության բարձրացման և այլ խնդիրների:

Հանդիպման ավարտին, ըստ հաղորդագրության, Աշոտյանը մեկ անգամ ևս հավաստիացրեց, որ նախարարությունը պատրաստակամ է աջակցել ուսանողական խորհուրդների նախաձեռնություններին և կոչ արեց լինել առավել ակտիվ:-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: