483.55
-0.56
568.22
-2.21
8.18
-0.05
+6
Եղանակը Երևանում
Հայ
Եվրոնյուս հեռուստաալիքին Ալիևի տված հարցազրույցը հաստատում է, որ Ադրբեջանը սուլթանություն է. քաղաքագետ
19:15
08 Փետրվարի 2010

Եվրոնյուս հեռուստաալիքին Ադրբեջանի նախագահ Իլհամ Ալիևի տված հարցազրույցի հիմնական ուղերձներից մեկն այն է, որ Ադրբեջանը արևելյան միապետություն է՝ սուլթանություն,  լրագրողներին ասաց քաղաքագետ, Երևանի Ժողովրդավարության և խաղաղության կենտրոնի ղեկավար Արմեն Մինասյանը:

«Այդ սուլթանությունն իրեն Եվրոպայից դուրս չի հայտարարում, բայց նաև չի հրաժարվում կառավարման առկա մեթոդներից, հասարակական կյանքի կազմակերպումից, այն չի ընդունում որևէ քննադատություն՝ հայտարարելով՝ «մենք արդար ենք, մենք մեղավոր չենք, մեղավոր է մնացած աշխարհը», չի բացառում առկա խնդիրները, բայց նաև դրանք լուծելու ցանկություն չի ցուցաբերում, քանի որ «դա ժողովրդի ընտրությունն է»,- երկուշաբթի լրագրողներին ասաց փորձագետը:

Մինասյանի խոսքերով՝ հարցազրույցում հստակ խոսվում է այն մասին, որ ժողովրդավարությունը Ադրբեջանում չի համընկնում արևմտյան ավանդույթների հետ, ինչը Ադրբեջանի իշխանությունների համար խնդիր չէ, ինչպես նաև նշվում է, որ ոչ թե Ադրբեջանն ունի Եվրոպայի ու մնացած աշխարհի կարիքը, այլ ընդհակառակը:   

Քաղաքագետը նշեց, որ ի պատասխան հաղորդավարի հիշեցման այն մասին, որ Ադրբեջանը Եվրախորհրդի մի մասն է, Ալիևը պատասխանում է, որ «եթե որևէ մեկն ուզում է օգտվել այդ գործոնից սեփական նպատակներին հասնելու համար, մենք դա թույլ չենք տա»:  

«Ալիևն ընդգծում է, որ թույլ չի տա ժողովրդավարությամբ «ապակայունացնել» իր երկիրը: Նա սպառնում է: Սպառնում բոլորին, առաջին հերթին՝ Եվրոպային: Սա միտում չէ, սա արդեն հստակ ձևակերպված քաղաքական ուղղություն է: Ընդ որում տվյալ հայտարարությունն արվում է ոչ թե ադրբեջանական հեռուստատեսությամբ, այլ ողջ Եվրոպայով հեռարձակող հեռուստաալիքով»,- ընդգծեց փորձագետը:

Քաղաքագետը հատկանշական համարեց այն, որ չունենալով հիմնավորված պատասխաններ՝ Իլհամ Ալիևը «անվերջ օգտագործում է սուլթանին ու սուլաթությանը բնորոշ թեզ՝ մի խառնվեք իմ ներքին գործերին»: 

«Այդ դեպքում ուզում ես հարցնել, թե ինչու է նա փորձում լուծել Ղարաբաղի ներքին խնդիրները, խառնվել նրա ավանդույթներին, պատմության ու քաղաքական համակարգին: Եթե նա իսկապես անկեղծ է իր դիրքորոշման մեջ, ապա թող բարի լինի ԼՂՀ ժողովրդի հարցերի լուծումը թողնել Արցախի ժողովրդին»,- ընդգծեց Մինասյանը:  

Փորձագետն ասաց նաև, որ համաշխարհային փորձի համաձայն՝ մեծ նավթային ու գազային եկամուտներ ունեցող, բայց ժողովրդավարական ուղով չզարգացող ու այդ եկամուտների հավասար բաշխման մեխանիզմներ չմշակող երկիրը սպառնալիք է դառնում ողջ տարածաշրջանի ու իր հարևանների համար:

«Ալիևն իր հարցազրույցով ապացուցեց, որ տվյալ օրինաչափությունը սկսել է գործել է նաև Կասպիական ավազանում: Այդ իսկ պատճառով կարևոր է, որ աշխարհը, և հատկապես Եվրոպան նման զարգացումների կասեցման և տարածաշրջանում ժողովրդավարական գործընթացների խթանման ավելի արդյունավետ մեխանիզմներ գործածեն»,- ասաց Մինասյանը: -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: