486.78
+0.12
515.5
+2.27
8.41
+0.01
+4
Եղանակը Երևանում
Հայ
ՀՀ-ում մինչև 2020 թվականը հնարավոր է ջերմաստիճանի բարձրացում՝ տարեկան 1-2 աստիճանով. նախարար
13:44
05 Փետրվարի 2010

ԵՐԵՎԱՆ, 5 փետրվարի. /Նովոստի-Արմենիա/. Հայաստանում մինչև 2020 թվականը հնարավոր է ջերմաստիճանի բարձրացում՝ տարեկան 1-2 աստիճանով, ասել է ՀՀ բնապահպանության նախարար Արամ Հարությունյանը:

«Նման տվյալներ են ներկայացվում կլիմայի փոփոխության մասին ազգային երկրորդ զեկույցում», - ասաց նա՝ ուրբաթ զեկույցի ներկայացման ժամանակ պատասխանելով «Նովոստի-Արմենիա» գործակալության հարցին:

Զեկույցում նշվում է, որ ըստ հաշվարկների՝ Հայաստանում 2020 թ.-ին կանխատեսվում է մինչև 23 հազար տոննա ջերմոցային գազերի արտանետման աճ՝ առանց կոնկրետ միջոցառումների իրականացման սցենարի և 15 հազար տոննա՝ նախատեսված ծրագրերի իրագործման դեպքում: Երկու դեպքում էլ արտանետումների հիմնական աղբյուրը էներգետիկ հատվածն է:

Հայաստանը Կլիմայի փոփոխության մասին ՄԱԿ-ի շրջանակային կոնվենցիայի շրջանակներում ջերմոցային գազերի արտանետումների կրճատմանն ուղղված քանակական պարտավորություններ չունի: Սակայն լինելով կոնվենցիայի մասնակից-երկիր՝ Հայաստանն աջակցում է կոնվենցիայի վերջնական նպատակին հասնելուն՝ հետևողականորեն իրագործելով արտանետումների կրճատմանն ուղղված միջոցառումները, այդ թվում նաև՝ Մաքուր զարգացման մեխանիզմների օգտագործմամբ և Կիոտոյի արձանագրության շրջանակներում:

Կիոտոյի արձանագրությունը ընդունվել է Կիոտոյում (Ճապոնիա) 1997 թ.-ի դեկտեմբերին՝ որպես Կլիմայի փոփոխության մասին ՄԱԿ-ի շրջանակային կոնվենցիայի (ԿՓՇԿ) հավելում: Այս միջազգային համաձայնագիրը պարտավորեցնում է զարգացած երկրներին և անցումային տնտեսություն ունեցող երկրներին 2008-2012 թթ.-ին կրճատել կամ կայունացնել ջերմոցային գազերի արտանետումները՝ 1990 թ.-ի համեմատ: Կիոտոյի արձանագրությունը նախատեսում է երեք ճկուն մեխանիզմ՝ արտահանումների քվոտաների առևտուր, մաքուր զարգացման մեխանիզմ (Clean Development Mechanism (CDM) և համատեղ իրագործում (Joint Implement):

Ազգային երկրորդ զեկույցում ներկայացված են նաև Հիդրոօթերևութաբանության և մոնիթորինգի պետական ծառայության կանխատեսումները Հայաստանում 2030, 2070 և 2100 թթ-ին ջերմաստիճանի փոփոխության և տեղումների քանակի մասին: Ըստ այդ կանխատեսումների՝ ջերմոցային գազերի արտանետումների կրճատմանն ուղղված գլոբալ և համաշխարհային ջանքեր չգործադրելու դեպքում 2100 թ.-ին Հայաստանում հնարավոր է ջերմաստիճանի բարձրացում միջինը 5,7 աստիճանով, մինչև 27 տոկոս տեղումների քանակի կրճատում, ինչպես նաև վտանգավոր հիդրոօդերևութաբանական երևույթների, օրինակ՝ երաշտի, ուժեղ քամիների, ջրհեղեղների և կարկուտի հաճախակիացում և ուժեղացում:

Կլիմայի փոփոխության մասին ՄԱԿ-ի շրջանակային կոնվենցիան՝ ԿՓՇԿ (Framework Convention on Climate Change, UN FCCC) աշխարհի ավելի քան 180 երկրների, այդ թվում նաև Ռուսաստանի, նախկին ԽՍՀՄ-ի բոլոր երկրների և զարգացած արդյունաբերություն ունեցող երկրների կողմից ստորագրված համաձայնագիր է՝ կլիմայի փոփոխության խնդրի շուրջ երկրների գործողությունների ընդհանուր սկզբունքների մասին: Կոնվենցիան հանդիսավոր կերպով ընդունվել է 1992 թ.-ին Ռիո դե Ժանեյրոյում տեղի ունեցած «Երկրագնդի գագաթնաժողովի» ժամանակ և ուժի մեջ է մտել 1994 թ.-ի մարտի 21-ին:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։