483.58
+0.74
513.85
-7.76
7.67
+0.05
-3
Եղանակը Երևանում
Հայ
Միջազգային հանրությունը Թուրքիայի վրա պատասխանատվություն կդնի հայ-թուրքական հարաբերությունների բարելավման գործընթացը ձախողելու համար. փորձագետ
16:27
04 Փետրվարի 2010

ԵՐԵՎԱՆ, 4 փետրվարի. /Նովոստի-Արմենիա/. Միջազգային հանրությունը Թուրքիայի վրա պատասխանատվություն կդնի հայ-թուրքական հարաբերությունների բարելավման գործընթացը ձախողելու համար, կարծում է Ազգային և ռազմավարական հետազոտությունների հայկական կենտրոնի տնօրեն Ռիչարդ Գիրագոսյանը։ «Ներկայումս ողջ միջազգային հանրության ուշադրությունը սևեռված է Թուրքիային, և բոլոր ակնկալիքները նրա հետ են կապված»,- նշեց նա։

Գիրագոսյանն ընդգծեց, որ տարածաշրջանի միակ հարցը, որի շուրջ համընկնում են ԱՄՆ-ի, Ռուսաստանի և Եվրոպայի դիրքորոշումները, հայ-թուրքական հարաբերությունների բարելավումն է։ Փարձագետի կարծիքով՝ ներկայումս գերտերությունները ճնշում են գործադրում Թուրքիայի վրա, որպեսզի նա վավերացնի հայ-թուրքական արձանագրությունները, և ամեն օր այդ ճնշումը կուժեղանա։

Միաժամանակ Գիրագոսյանը չբացառեց, որ Թուրքիայի մեղքով գործընթացի տապալման դեպքում ԱՄՆ-ն կարող է որպես պատիժ ճանաչել Օսմանյան կայսրությունում Հայոց ցեղասպանությունը։

Փորձագետը հավանություն է տալիս Հայաստանի քաղաքականությանը, մասնավորապես նրան, թե ինչպես է նա արձագանքում թուրք ղեկավարների սադրիչ հայտարարություններին՝ հավելելով, որ Հայաստանի փոխարեն Թուրքիային «կպատժեն» գերտերությունները։

Փորձագետը նշեց նաև, որ Թուրքիան փորձել է ստանալ հայ-թուրքական արձանագրությունների վավերացումից հրաժարվելու՝ գերտերությունների հավանությունը, սակայն դրան, ըստ նրա, չհաջողվեց հասնել Էրդողանի ոչ Վաշինգտոն, ոչ էլ Մոսկվա կատարած այցի ընթացքում։

Նա ավելացրեց, որ ներկայումս Թուրքիան փորձում է որպես արձանագրությունների վավերացումից հրաժարվելու առիթ օգտագործել Հայաստանի Սահմանադրական դատարանի որոշումը, սակայն նրա դիրքորոշումը փոխըմբռնում  չի գտնում միջազգային հանրության կողմից։

Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ --0--

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: