478.73
-0.03
561.07
+4.18
8.06
+0.07
+25
Եղանակը Երևանում
Հայ
ԵԽԽՎ համազեկուցողները պնդում են Հայաստանում բարեփոխումների անհապաղ իրագործումը
14:08
03 Փետրվարի 2010

ԵՐԵՎԱՆ, 3 փետրվարի. /Նովոստի-Արմենիա/. Հայաստանի հարցով Եվրոպայի Խորհրդի Խորհրդարանական Վեհաժողովի (ԵԽԽՎ) համազեկուցողներ Ջոն Պրեսկոտը (John Prescott) և Ժորժ Կոլոմբյեն (Georges Colombier) նշում են Հայաստանում բարեփոխումների իրականացման անհրաժեշտությունը, ասվում է Երևանում ԵԽ լրատվական գրասենյակի տեղեկատվության մեջ:

«Հայաստանի իշխանությունները պետք է առանց հետագա ուշացման իրականացնեն 2008թ. մարտի 1-ի և 2-ի վերաբերյալ Հայաստանի Ազգային ժողովի ժամանակավոր հանձնաժողովի առաջարկած բարեփոխումները», -  ասվում է տեղեկատվության մեջ՝ հղում անելով ԵԽԽՎ համազեկուցողների հայտարարությանը, որն արվել է անցյալ շաբաթ ԵԽԽՎ Մոնիտորինգի հանձնաժողովում կայացած կարծիքների փոխանակման ընթացքում:

«Ժամանակավոր հանձնաժողովի առաջարկած բարեփոխումները ԵԽԽՎ  համապատասխան բանաձևերի հետ համատեղ բարեխղճորեն իրականացվելու դեպքում կարող են համապարփակ լուծումներ տալ այն հանգամանքներին, որոնք հանգեցրին 2008թ. մարտի 1-2-ի դեպքերին», - հայտարարել են համազեկուցողները:

Նրանք ընդգծել են, որ այս հանձնարարականները պետք է իրականացվեն առանց հետագա հապաղման, հատկապես այն առաջարկությունները, որոնք վերաբերում են ոստիկանության բարեփոխմանը՝ ներառյալ անկախ վերահսկող և բողոքներ ուսումնասիրող մարմնի ստեղծումը և վաղուց հասունացած ընտրական համակարգի բարեփոխումը:

Համազեկուցողները հայտարարել են, որ նամակով կդիմեն Հայաստանի խորհրդարանին` խնդրելով Մոնիտորինգի հանձնաժողովին մինչև 2010թ. մարտի 17-ին Փարիզում կայանալիք հանդիպումը տրամադրել այս բարեփոխումների հստակ ժամանակացույց:

«Մոնիտորինգի հանձնաժողովի քննարկումների հիման վրա մենք այնուհետև այս գարնանը կայցելենք Երևան բարոփոխումների իրականացման հստակ ճանապարհային քարտեզի ստեղծումը քննարկելու նպատակով», - ասվում է փաստաթղթում:

Ի լրումն ճանապարհային քարտեզի ստեղծման խնդրի՝ համազեկուցողները մտադիր են բարձրացնել Նիկոլ Փաշինյանի դատապարտման հարցը, ինչպես նաև անդրադառնալ այլ դեպքերի, որոնց առնչությամբ նրանք ձգտում են ստանալ իշխանությունների պարզաբանումները:

Կենտրոն և Նորք-Մարաշ համայնքների առաջին ատյանի դատարանը հունվարի 19-ին «Հայկական ժամանակ» թերթի խմբագիր Նիկոլ Փաշինյանին մեղավոր ճանաչեց  225-րդ հոդվածի առաջին մասով (զանգվածային անկարգություններ) և դատապարտեց նրան 7 տարի ազատազրկման՝ Հայաստանի արդարադատության նախարարության համապատասխան քրեակատարողական հիմնարկում պատիժ կրելով։ 

«Մարտի 1-ի և 2-ի դեպքերին հաջորդած մի շարք խնդիրներ դեռևս պետք է պարզաբանվեն և լուծում ստանան», - կարծում են համազեկուցողները՝ ընդգծելով Վեհաժողովի և Եվրոպայի խորհրդի այլ համապատասխան մարմինների կողմից քաղաքական զարգացումների մոնիտորինգի շարունակական կարևորությունն ու անհրաժեշտությունը: -0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։