481.93
+0.2
569.16
+0.19
8.37
-0.02
+18
Եղանակը Երևանում
Հայ
Հայ-թուրքական հարաբերությունների բարելավման շարունակման հնարավորությունը չի սպառվել. քաղաքագետ
14:59
01 Փետրվարի 2010

Հայ-թուրքական հարաբերությունների բարելավման լուրջ քաղաքական շարունակման հնարավորությունը հավասար չէ զրոյի, կարծում է Կովկասի Ինստիտուտի տնօրեն, քաղաքագետ Ալեքսանդր Իսկանդարյանը։

Սակայն, նրա խոսքերով, ներկայումս այդ գործընթացն ավելի մեծ ռիսկի ներքո է, քան դեկտեմբերին։  

«Ճգնաժամային որոշակի տարր է առկա այս գործընթացում, բայց միևնույն ժամանակ ես չեմ կարծում, որ գործընթացը դադարել է, և ամեն ինչ ավարտված է։ Դեռևս որոշակի առաջխաղացումների կարելի է սպասել»,- ասաց նա երկուշաբթի «Նովոստի» միջազգային մամուլի կենտրոնում։

Խոսելով հայ-թուրքական արձանագրությունների վավերացման հնարավոր և խելամիտ ժամկետների մասին՝ քաղաքագետն ասաց, որ թուրք ուսումնասիրողները, քաղաքագետները և երբեմն քաղաքական գործիչները որպես Թուրքիայի կողմնորոշման «կարմիր գիծ» նշել են ապրիլի 24-ը։

«Այս տրամաբանությունը հասկանալի է, «կարմիր գիծն» այն է, թե ինչ կլինի Միացյալ Նահանգներում ապրիլի 24-ին, և ինչ կասի կամ չի ասի ԱՄՆ նախագահը։ Բայց ինձ, անկեղծ ասած, երբեք չի թվացել, որ դա իսկական «կարմիր գիծ է», քանի որ ես մեծ ակնկալիքներ չունեմ այն բառերի առումով, որ կասի Օբաման ապրիլի 24-ին»,- ասաց Իսկանդարյանը։

Ամեն տարի հայկական հասարակությունում ակտիվ քննարկվում է այն հարցը, թե արդյո՞ք ԱՄՆ գործող նախագահը «ցեղասպանություն» կկոչի Թուրքիայում 1915 թվականին մեկուկես միլիոն հայերի պարբերական և մտադրված ոչնչացումը։

Ասելով, որ չի կարող կոնկրետ ժամկետ նշել, Իսկանդարյանը նկատեց, որ վավերացման խելամիտ ժամկետները այն է, ինչ չափվում է ամիսներով, «իսկ 10 տարին կամ երկու տարին խելամիտ ժամկետ չէ»։

«Խոսքն այն մասին է, որ դա լուծվի խելամիտ քաղաքական հեռանկարում։ Թե ինչպիսին կլինի ԱՄՆ, Եվրոպայի, Ռուսաստանի քաղաքականությունը, ինչ կլինի այս գործընթացի արտաքին շրջանակներում տասը, հինգ կամ երկու տարի հետո, դժվար է ասել, եթե նույնիսկ անհնար չէ։ Իսկ առայժմ քաղաքական իրավիճակն ու արտաքին ուժերի տեղաբաշխվածությունը շատ թե քիչ պարզ են։ Խելամիտ ժամկետն ամիսների, և ոչ թե տարիների հարց է»,- ասաց քաղաքագետը։

Հայաստանի և Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: