487.3
+1.08
565.32
+1.55
8.22
+0.02
+12
Եղանակը Երևանում
Հայ
Ղարաբաղյան հակամարտության կարգավորման փաստաթղթի նախաբանն արդեն համաձայնեցված է
17:50
25 Հունվարի 2010

Հայաստանն ու Ադրբեջանը պատրաստում են իրենց առաջարկները՝ ղարաբաղյան հակամարտության կարգավորման փաստաթղթի վերաբերյալ, այդ փաստաթղթի նախաբանն արդեն համաձայնեցված է, լրագրողներին է հայտնել ՌԴ ԱԳՆ ղեկավար Սերգեյ Լավրովը Սոչիում կազմակերպված եռակողմ հանդիպումից հետո, հաղորդում է ՌԻԱ Նովոստին:

«Փաստաթղթի նախաբանի շուրջ ընդհանուր ըմբռնում կա»,- ասել է Լավրովը:

«Այսօր գլխավոր արդյունք դարձավ պայմանավորվածությունն այն մասին, որ թեպետ կան փաստաթղթի որոշ հատվածներ, որոնք դեռ կողմերի համաձայնության առարկա չեն հանդիսանում, սակայն այդ հատվածների վերաբերյալ կողմերը կպատրաստեն որոշակի առաջարկներ, սեփական որոշակի ձևակերպումներ, որոնք կընդգրկվեն տեքստում»,-ասել է նախարարը:

Ընդհանուր առմամբ, ըստ նրա, երեք երկրի՝ Ռուսաստանի, Ադրբեջանի և Հայաստանի նախագահների խոսակցությունը «անկեղծ էր ու օգտակար»: «Նախագահները պայմանավորվել են շարունակել այն»,- հայտնեց Լավրովը:

Ըստ նրա, «բոլորն օգտակար են համարել, որ այդ փաստաթուղթը (Լեռնային Ղարաբաղի հակամարտության հիմնական սկզբունքները) կա, քանի որ այն ոչ թե վերացական խոսակցությունը տանելու, այլ դրանք որոշակի ձևակերպումների կապելու հնարավորություն է տալիս»:

Բանակցությունների հետո հանդիպման մասնակիցները մտադիր են զբոսնել, մասնավորապես Դմիտրի Մեդվեդևն ու Իլհամ Ալիևը ծրագրում են լեռնադահուկներով սահել: Այնուհետև երեք նախագահների հանդիպումը կշարունակվի ոչ պաշտոնական ընթրիքի ընթացքում:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:

2009 թ.-ի հուլիսի 10-ին Իտալիայի Աքվիլա քաղաքում կայացած «մեծ ութնյակի» գագաթնաժողովի ժամանակ ընդունվել է ԵԱՀԿ Մինսկի խմբի համանախագահ-երկրների նախագահների համատեղ հայտարարությունը: Նրանց կարծիքով՝ Ադրբեջանի և Հայաստանի ղեկավարությունների միջև համաձայնությունը պետք է ձեռք բերվի 2007 թ.-ի Մադրիդյան համաձայանգրի սկզբունքների հիման վրա:

Զուգահեռաբար հրապարակվեցին ղարաբաղյան խնդրի կարգավորման հիմնական սկզբունքները, որոնց թվում են, մասնավորապես, Լեռնային Ղարաբաղի կարգավիճակի սահմանումը՝ ազատ կամարտահայտության միջոցով, Լեռնային Ղարաբաղի և Հայաստանի միջև ցամաքային կապի ապահովումը, անվտանգության երաշխիքների տրամադրումը, վերահսկվող տարածքներից զորքերի դուրսբերումը:

Անցյալ տարվա դեկտեմբերի 1-ի համատեղ հայտարարության մեջ ՌԴ-ի, Ֆրանսիայի ԱԳ նախարարներն ու ԱՄՆ պետքարտուղարի առաջին տեղակալը և Հայաստանի ու Ադրբեջանի արտգործնախարարները դրական դինամիկա են նկատել Լեռնային Ղարաբաղի կարգավորման բանակցություններում և համաձայնել, որ հակամարտող երկրների նախագահների հաճախացող հանդիպումները «զգալիորեն նպաստել են ավելի ինտենսիվ երկխոսությանը կողմերի միջև ու Ղարաբաղյան հակամարտության խաղաղ կարգավորման՝ Մադրիդում առաջարկված հիմնական սկզբունքների համաձայնեցման ավարտի առաջխաղացմանը»:--0-- 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։