480.39
+0.17
536.6
+0.48
8.07
+0.03
+29
Եղանակը Երևանում
Հայ
ՌԴ և ՀՀ նախագահները կքննարկեն ռազմատեխնիկական համագործակցության հարցերն ու ֆինանսական ճգնաժամի դեմ պայքարը
16:24
18 Հունվարի 2010

Ռուսաստանի նախագահ Դմիտրի Մեդվեդևը երկուշաբթի իր հայ գործընկեր Սերժ Սարգսյանի հետ կքննարկի ֆինանսական ճգնաժամի բացասական հետևանքների հաղթահարման հեռանկարները և ռազմատեխնիկական համագործակցության հարցերը, հայտնել է Կրեմլում գտնվող աղբյուրը, տեղեկացնում է ՌԻԱ Նովոստին։

«Առաջնորդների օրակարգում ռուս-հայկական առևտրատնտեսական, վառելիքաէներգետիկ, մշակութային-մարդասիրական և ռազմատեխնիկական կապերի զարգացման հարցեր կլինեն։ Մեդվեդևն ու Սարգսյանը, որպես 2009 թվականի հոկտեմբերին Մոսկվայում կայացած հանդիպման շարունակություն, կքննարկեն մեր տնտեսությունների համար բացասական ճգնաժամային հետևանքների հաղթահարման, նավթագազային, ատոմային էներգետիկայի ոլորտում համատեղ նախագծերի, ինչպես նաև ենթակառուցվածքային ծրագրերի իրագործման հեռանկարներ»,- ասել է ՌԻԱ Նովոստիի աղբյուրը։

2009 թվականի հունվար-նոյեմբերին Ռուսաստանի և Հայաստանի միջև ապրանքաշրջանառությունը կազմել է 642,71 միլիոն  դոլար՝ 2008 թվականի նույն ժամանակահատվածի համեմատ կրճատվելով 21,5 տոկոսով։

«Մարդասիրական երկխոսության զարգացման գործում նախագահները կկարևորեն 2008 թվականին Հայաստանում անցկացված Ռուսական մշակույթի օրերը և 2009 թվականին Ռուսաստանում հայկական մշակույթի օրերը, ինչպես նաև Երևանում Գիտության և մշակույթի ռուսական կենտրոնի բացումը։ Բացի այդ, Մեդվեդևն ու Սարգսյանը կարծիքներ կփոխանակեն մշակութային-մարդասիրական համագործակցության հետագա հեռանկարների վերաբերյալ՝ ներառյալ նման փոխգործակցության իրավապայմանագրային բազայի ընդլայնման և Հայաստանում ռուսաց լեզվի ուսումնասիրման հարցեր»,- տեղեկացրել է գործակալության զրուցակիցը։

Ըստ նրա, այս բնագավառում քննարկման առանձին կետ «կարող են դառնալ, անշուշտ, ռուսական և հայկական ժողովուրդների հոգևոր հարստացման համար նշանակալի բարեկամական հարաբերությունները և կանոնավոր շփումները Ռուս Ուղղափառ և Հայ Առաքելական Եկեղեցիների միջև»։

Առաջնորդները կանդրադառնան նաև տարածաշրջանային հարցերի։

«Նրանք «կուղղեն» իրենց ժամացույցներն ըստ ԱՊՀ գործունեության արդիական հարցերի՝ Ռուսաստանն այս տարի նախագահում է Համագործակցությունում, Հավաքական անվտանգության պայմանագրի կազմակերպությունում, Եվրասիական տնտեսական համագործակցությունում, որում Հայաստանը մասնակցում է որպես դիտորդ»,- հայտնում է աղբյուրը։

Երկու նախագահների հանդիպումն առաջինն է 2010 թվականին։ Հայաստանի նախագահը կդառնա Ռուսաստանը նոր տարում առաջինն այցելած օտարերկրյա առաջնորդը։

Կրեմլում ուշադրություն են դարձրել նրան, որ ռուս-հայկական երկխոսության առանձնահատկությունը բոլոր մակարդակներում շփումների ակտիվությունն  ու հուսալիությունն է։

«2009 թվականին կայացել է Ռուսաստանի և Հայաստանի նախագահների միայն յոթ երկկողմ հանդիպում (2008 թվականին եղել է վեց հանդիպում), միաժամանակ պետությունների ղեկավարները բազմիցս հանդիպել են բազմակողմ ձևաչափերով։ Այս տարվա առաջին շաբաթներին արդեն շփումներ են անցկացվել պաշտպանության և արտգործնախարարությունների ղեկավարության մասով»,- հիշեցրեց գործակալության զրուցակիցը։

Այսպես, ՌԴ ԱԳՆ ղեկավար Սերգեյ Լավրովը հունվարի 13-14-ին պաշտոնական այցով եղել է Երևանում։ Նա քննարկել է տնտեսական համագործակցության ընդլայնման հեռանկարներ, բարձր մակարդակով ձեռք բերած պայմանավորվածությունների կատարում, Հարավային Կովկասի խնդիրներ, ղարաբաղյան կարգավորման հարցեր, ինչպես նաև Հայաստանի նախագահին է փոխանցել Ռուսաստանի նախագահի ջերմ ողջույնները՝ նշելով, որ ռուսական պետության ղեկավարը հույս ունի, որ երկու երկրի միջև փոխադարձ վստահության վրա հիմնված ինտենսիվ գործընկերային երկխոսությունը կշարունակվի նաև 2010 թվականին։ -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։