477.88
-0.42
573.6
-0.5
8.31
+0.05
+24
Եղանակը Երևանում
Հայ
Ադրբեջանը պատրաստ չէ փոխզիջումների ղարաբաղյան կարգավորման հարցում. ԱԳՆ
14:29
18 Հունվարի 2010

Ամանորի նախաշեմին Ադրբեջանի նախագահ Իլհամ Ալիևի արած հայտարարությունը հաստատում է Ադրբեջանի՝ փոխզիջումների պատրաստ չլինելը ղարաբաղյան կարգավորման հարցում 2010 թվականին և այն, որ Ադրբեջանը շարունակում է վտանգ ներկայացնել Լեռնային Ղարաբաղի ժողովրդի անվտանգության համար, ասաց Հայաստանի արտաքին գործերի նախարար Էդվարդ Նալբանդյանը կիրակի «Ազատություն» ռադիոկայանին տված հարցազրույցում։

Իր նախատոնական ուղերձում Ադրբեջանի նախագահ Ալհամ Ալիևը հայտարարեց ադրբեջանական բանակի՝ «իր առջև կանգնած բոլոր խնդիրները լուծելու և բռնազավթված տարածքներն ազատագրելու» պատրաստակամության մասին, ինչպես նաև այն մասին, որ «2010 թվականին այդ նպատակների իրագործման համար նախատեսվում են լրացուցիչ մեծ միջոցներ»։

«Չեմ կարծում, որ որևէ մեկին հաճելի է, երբ իր երկիրն անվանում են սպառնալիքների չեմպիոն, ինչպես դա արեց վերջերս ԼՂ հիմնահարցի հեղինակավոր փորձագետներից մեկը, որը հենց այդպես էլ անվանեց Ադրբեջանը: Կարծեմ, որ Հեյդար Ալիևն էլ և Էլչիբեյն էլ այն կարծիքը ունեին, երբ սկսում էին ագրեսիան Ղարաբաղի դեմ և կարծում էին, որ Ադրբեջանական բանակն այնքան հզոր է, որ կիրականացնի այն բոլոր խնդիրները, որ իրենք դրել էին բանակի առջև: Հետևանքները հայտնի են»,- հայտարարեց Նալբանդյանը։   

Նա նշեց, որ բոլոր դեպքերում այդպիսի հայտարարությունները, սպառնալիքները չեն  կարող տպավորել կամ վախեցնել Հայաստանին կամ էլ Արցախին:   

 

«Իսկ թե որևէ երկրի նախագահ ինչ է ասում Ամանորյա ուղերձում՝ իր ժողովրդին ոգևորելու կամ տրամադրությունը բարձրացնելու կամ տպավորելու համար, դա արդեն ուրիշ ոլորտից է, որին ես չէի ցանկանա մեկնաբանություն տալ»,- ասաց նախարարը։

Լեռնային Ղարաբաղի կարգավորման հարցում Նալբանդյանը կոչ արեց  ԵԱՀԿ Մինսկի խմբի մոտեցումների մասին ադրբեջանական երևակայությունները լսելու փոխարեն հետևել, թե ինչ են հայտարարում հենց իրենք՝ միջնորդ երկրները:

«Այսինքն՝ Ղարաբաղի հիմնախնդիրը պետք է լուծվի միջազգային իրավունքի սկզբունքների և նորմերի հիման վրա, հատկապես, ուժի և ուժի սպառնալիքի չկիրառման, ինքնորոշման և տարածքային ամբողջականության սկզբունքների հիման վրա»,- հայտարարեց Նալբանդյանն՝ ընդգծելով, որ այդ սկզբունքներն ամրագրվել են  2009 թվականին Աթենքում ԵԱՀԿ 56 անդամ երկրների կողմից արված հայտարարությունում։

Ռուսաստանի և Ֆրանսիայի ԱԳ նախարարներ Սերգեյ Լավրովն ու Բեռնար Կուշները, ինչպես նաև ԱՄՆ պետքարտուղարի տեղակալ Ջեյմս Սթայնբերգը 2009 թվականի դեկտեմբերի մեկին Աթենքում Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հետ հանդես են եկել համատեղ հայտարարությամբ, որում հաստատել են չլուծված հարցերի կարգավորման ուղղությամբ, մասնավորապես, Հելսինկյան վերջնական ակտում ամրագրված ուժի չկիրառման կամ ուժի սպառնալիքի, տարածքային ամբողջականության, ժողովուրդների հավասարության և ազգերի ինքնորոշման սկզբունքների հիման վրա համաձայնության հասնելու համար բոլոր ջանքերը գործադրելու իրենց պատրաստակամությունը։ -0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: