483.58
+0.74
513.85
-7.76
7.67
+0.05
+3
Եղանակը Երևանում
Հայ
Հայկական սփյուռքը դեմ չէ հայ-թուրքական սահմանի բացմանը. սփյուռքի նախարար
11:01
18 Հունվարի 2010

Հայկական սփյուռքը դեմ չէ հայ-թուրքական սահմանի բացմանն ու Թուրքիայի հետ դիվանագիտական հարաբերությունների հաստատմանը՝ չնայած հայ-թուրքական հարաբերությունների կարգավորման գործընթացի կապակցությամբ ունեցած որոշ մտավախություններին, շաբաթ օրը մամուլի ասուլիսի ժամանակ հայտարարել է ՀՀ սփյուռքի նախարար Հրանուշ Հակոբյանը:

«Սփյուռքը ստեղծվել է Ցեղասպանության հետևանքով, և սփյուռքահայերի շրջանում Ցեղասպանության հետ կապված հարցը շատ ցավոտ է: Այդ պատճառով զարմանալի չէ, որ հարաբերությունների կարգավորման գործընթացի սկզբնական փուլում սփյուռքի արձագանքը սուր էր», - ասել է նախարարը:

Նրա խոսքերով՝ սփյուռքահայերը նաև գիտակցում են, որ երկու ժողովուրդների միջև գոյություն ունեցող խնդիրներն անհրաժեշտ է լուծել երկխոսության միջոցով, իսկ երկխոսությունն ավելի հեշտ է  հաստատել դիվանագիտական հարաբերությունների հաստատումից հետո:

Հակոբյանը նաև նշել է, որ 2009 թ.-ի համահայկական շրջայցի ընթացքում ՀՀ նախագահ Սերժ Սարգսյանը պատասխանել է Ցեղասպանությանն ու ղարաբաղյան խնդրին վերաբերող սփյուռքի բոլոր հարցերին՝ հավաստիացնելով, որ Հայաստանը հետագայում ևս պայքարելու է Ցեղասպանության միջազգային ճանաչման համար, իսկ ղարաբաղյան խնդիրը չի շաղկապվի հայ-թուրքական հարաբերությունների կարգավորման հետ:

Նա ավելացրել է, որ Ղարաբաղի և Ցեղասպանության վերաբերյալ Հայաստանի դիրքորոշումն ամրագրվել է նաև ՀՀ նախագահի՝ ժողովրդին ուղղված ուղերձում, որը նախորդել է հայ-թուրքական արձանագրությունների ստորագրմանը:

Հակոբյանի խոսքերով՝ հարաբերությունների կարգավորումը ենթադրում է, առաջին հերթին, դիվանագիտական հարաբերությունների հաստատում և սահմանի բացում, մնացած բոլոր խնդիրները պետք է լինեն երկարատև բանակցությունների առարկա, և դրանց վերաբերյալ պետք է առանձին փաստաթղթեր ստորագրվեն:

«Բանավոր հայտարարությունները չունեն իրավաբանական ուժ», - նշել է նա:

Ինչ վերաբերվում է Սահմանադրական դատարանի որոշման նկատմամբ սփյուռքի վերաբերմունքին, որը հայ-թուրքական արձանագրությունները Սահմանադրությանը համապատասխան է ճանաչել, Հակոբյանը նշել է, որ դեռևս վաղ է այդ մասին խոսել, քանի որ որոշում ընդունելուց հետո շատ քիչ ժամանակ է անցել:

«ՀՀ նախագահը պատշաճ կերպով տեղեկացված է սփյուռքում տիրող տրամադրությունների մասին, և սփյուռքի հայերի կարծիքն անպայման հաշվի է առնվում քաղաքական որոշումներ ընդունելիս», - ընդգծել է Հակոբյանը:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից”

ՀՀ Սահմանադրական դատարանը հունվարի 12-ին հայ-թուրքական արձանագրություններում ամրագրված պարտավորությունները երկրի Մայր օրենքին համապատասխանող է ճանաչել, ինչից հետո փաստաթուղթը կներկայացվի խորհրդարանին:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու եկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: