478.83
-0.02
557.93
-0.17
7.98
-0.01
+30
Եղանակը Երևանում
Հայ
ՀՀ ԱԳՆ ղեկավարը դրական դինամիկա է տեսնում ղարաբաղյան հակամարտության կարգավորման հարցում
15:09
14 Հունվարի 2010

Հայաստանի արտաքին գործերի նախարար Էդվարդ Նալբանդյանը դրական դինամիկա է նկատում Լեռնային Ղարաբաղի հակամարտության կարգավորման գործընթացում։

«Չեմ կարծում, թե կարգավորման գործընթացում որևէ լճացում է նկատվում, հակառակը, այն դրական դինամիկա ունի։ Ակտիվ հանդիպումներ են անցկացվում երկու նախագահների մակարդակով։ Նախորդ տարի ինը հանդիպում է անցկացվել պետությունների ղեկավարների մակարդակով՝ վեց երկկողմ և երեք եռակողմ՝ կազմակերպված ՌԴ նախագահ Դմիտրի Մեդվեդևի առաջակով»,- հինգշաբթի ասաց Նալբանդյանը ՌԴ ԱԳՆ ղեկավար Սերգեյ Լավրովի հետ համատեղ մամուլի ասուլիսի ընթացքում։

Նալբանդյանի կարծիքով, հանդիպումների այս առատությունն արդեն խոսում է ղարաբաղյան հակամարտության կարգավորման գործընթացի դրական դինամիկայի մասին։ Հայաստանի ԱԳՆ ղեկավարը հիշեցրեց, որ 2009 թվականին ԵԱՀԿ Մինսկի խմբի երկրները և ԵԱՀԿ արտգործնախարարների խորհուրդը հայտարարություններ ընդունեցին հակամարտությունը խաղաղ ճանապարհով լուծելու վերաբերյալ՝ ոչ թե ուժով, այլ բացառապես բանակցությունների միջոցով։

«Այս սկզբունքը կարգավորման գործընթացի գլխավոր սկզբունքներից է ազգի ինքնորոշման և տարածքային ամբողջականության սկզբունքներին զուգընթաց։ Այդ հայտարարության տակ դրված է եթե ոչ Ադրբեջանի ստորագրությունը, ապա այդ պետության անվանումը»,- հիշեցրեց նա։  

Հայաստանի ԱԳՆ ղեկավարը հիշեցրեց, որ Հայաստանը միշտ կողմ է հանդես  եկել ղարաբաղյան հակամարտության խաղաղ կարգավորմանը, ինչի մասին միշտ հայտարարել է և շարունակում է հայտարարել։ Նալբանդյանը նշեց, որ Հայաստանը երբեք հանդես չի եկել ուժի կիրառման հայտարարություններով կամ սպառնալիքներով։

«Հակամարտության խաղաղ կարգավորումն այլընտրանք չունի»,- նշեց նախարարը։

Ըստ նրա, բանակցությունների ընդմիջումն ամանորյա և սուրբծննդյան տոների ընթացքում բավական բնական է, քանի որ տոնական արձակուրդների ժամանակ ինտենսիվ շփումներ տեղի չեն ունենում։ Միաժամանակ նա հավաստիացրեց, որ առաջիկայում ղարաբաղյան կարգավորման վերաբերյալ հանդիպումները կշարունակվեն։

«Եթե մենք կարողանանք պահպանել 2009 թվականի դրական դինամիկան, ապա դա դրական գործոն կդառնա և կօգնի ավելի մոտենալ ղարաբաղյան կարգավորմանը»,- նշեց Նալբանդյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: