478.3
+0.07
574.1
-0.3
8.31
+0.05
+22
Եղանակը Երևանում
Հայ
Հայաստանում ամանորյա տոներն առանց արտառոց դեպքերի են անցել
14:45
12 Հունվարի 2010

Հայաստանում ամանորյա տոներն անցել են առանց արտառոց դեպքերի: ՀՀ արտակարգ իրավիճակների նախարարության Փրկարար ծառայության տվյալների համաձայն, ընդհանուր առմամբ 2009թ.-ի դեկտեմբերի 31-ից 2010թ.-ի հունվարի 11-ն ընկած ժամանակահատվածում իրավիճակը հանգիստ է եղել: Երկրում արձանագրվել է մի քանի ավտովթար ու հրդեհ:

Ողջ հանրապետությունում գրանցվել է ալկոհոլային թունավորման ընդամենը մեկ դեպք, որի հետևանքով ՀՀ Արագածոտնի մարզում տուժել է 8-ամյա մի աղջնակ: Նա տեղափոխվել է հիվանդանոց հունվարի 3-ին: Ըստ բժիշկների, նրա վիճակը բավարար է:

Ինչ վերաբերում է դեկտեմբերի 31-ին, ապա այդ օրը Շիրակի մարզում գրանցվել է մեկ թունավորում շմոլ գազից, որը բարեբախտաբար տուժածի համար բարեհաջող ավարտ է ունեցել, և նա նույն օրը դուրս է գրվել հիվանդանոցից:

Միակ ողբերգական դեպքը, որը գրանցվել է ամանորյա օրերին, հունվարի 3-ին Ռուսաստանի քաղաքացի 43-ամյա Արթուր Վարդանյանի դիակի հայտնաբերումն էր Սևանա լճի թերակղզու մոտ՝ սերֆինգի դպրոցի մոտակայքում:

Ինչ վերաբերում է հրդեհներին, ապա հաշվետու ժամանակահատվածում մարդկային զոհեր չեն գրանցվել, ընդհանուր առմամբ հանրապետությունում գրանցված հրդեհների հետևանքով այրվել է մասնավոր խորդանոց և չոր խոտի պաշարներ, վագոն-տնակների փայտե կոնստրուկցիաներ, չգործող սրճարան, շինանյութերի պահեստում գտնվող լամինատ, ինչպես նաև բենզալցակայաններից մեկի պահեստում գտնվող վառելիքը:

Փրկարար ծառայության ամփոփագրում ներկայացված հրդեհների դեպքերի թվում կարելի է նշել Վանաձորի տարբեր փողոցներում մարված հրդեհները, որոնք գրանցվել են դեկտեմբերի 31-ին ժամը 19:00-21:00-ն ընկած ժամանակահատվածում: Այս փոքր միջադեպերի հետևանքով քաղաքում այրվել է 62 անվադող:

Հրդեհ է գրանցվել է նաև Հրազդանի ՋԷԿ-ի տարածքում, որտեղ այրվել են տեխնիկական ջրերի սառեցման աշտարակի փայտե կոնստրուկցիաները:

Հայաստանի մի շարք մարզերում մոլեգնած ուժեղ քամիների հետևանքով շենքերից տանիքներ են պոկվել, միաժամանակ ամենաշատը տուժել են Հայաստանի Գեղարքունիքի մարզում գտնվող շենքերը, որտեղ պոկվել են Մարտունու քաղաքապետարանի, մանկապարտեզի, Մշակույթի տան, Կենտրոնական հիվանդանոցի, երեք կազմակերպությունների շենքերի, չորս բնակելի շենքերի, ինչպես նաև 18 մասնավոր տների տանիքները:

Ինչ վերաբերում է ճանապարհային իրավիճակին, ապա ավտովթարների հետևանքով գրանցվել են նաև մահվան դեպքեր: Մասնավորապես, հունվարի 1-ին ՀՀ Արարատի մարզում տեղի ունեցած ՃՏՊ-ի հետևանքով մեկ մարդ զոհվել է, ևս մեկը ստացել է մարմնական ծանր վնասվածքներ: Մահվան դեպք է գրանցվել նաև Գեղարքունիքի մարզում ուղևորատար ավտոմեքենայի և ավտոբուսի բախման հետևանքով, որի հետևանքով զոհվել է 52-ամյա մի կին: Մահվան դեպք է գրանցվել նաև Վայոց Ձորի մարզում, որտեղ ավտովթարի հետևանքով զոհվել է երեքամյա մի աղջնակ:

Բացի այդ Երևանում միմյանց են բախվել երկու տաքսի, տուժել է ոչ միայն վարորդը, այլև ուղևորուհին՝ երկու ամսական երեխայի հետ: Հիվանդանոցում տուժածների վիճակը գնահատել են միջին ծանրության:

Ինչ վերաբերում է բնական աղետների հետ կապված արտակարգ իրավիճակներին, ապա Վայոց Ձորում ձնաբքի հետևանքով Սելիմի լեռնանցքում ձնակույտի մեջ է մնացել ՀՀ պաշտպանության նախարարության անձնակազմին տեղափոխող ավտոմեքենան, ինչպես նաև՝ սեփական մեքենաներ և տաքսի:

Միաժամանակ հատկանշական է, որ ՀՀ Փրկարար ծառայության ամփոփագրի համաձայն, Հայաստանի Արմավիրի և Կոտայքի մարզերում ամանորյա տոների ընթացքում որևէ միջադեպ չի արձանագրվել:-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: