487.29
-0.01
568.08
+2.76
8.23
+0.01
+13
Եղանակը Երևանում
Հայ
ՀՀ նախագահը ցավակցական ուղերձ է հղել ակադեմիկոս Ֆադեյ Սարգսյանի մահվան կապակցությամբ
10:42
12 Հունվարի 2010

Նախագահ Սերժ Սարգսյանը ցավակցական ուղերձ է հղել հայ գիտնական, Հայաստանի գիտությունների ազգային ակադեմիայի նախկին նախագահ, Հայկական ԽՍՀ Նախարարների խորհրդի նախկին նախագահ, ակադեմիկոս Ֆադեյ Սարգսյանի մահվան կապակցությամբ։

«Խոր ցավով տեղեկացա ականավոր պետական և հասարակական գործիչ, ակադեմիկոս Ֆադեյ Սարգսյանի մահվան մասին»,- ասվում է նախագահի՝ «Նովոստի-Արմենիա» գործակալությանը տրամադրած հաղորդագրության մեջ։  

«Ֆադեյ Սարգսյանն արժանիորեն վայելում էր պետականության բարձր գիտակցությամբ օժտված, բանիմաց ու հեռատես գործչի համբավ, ում ողջ կենսագրությունը երկրին ու ժողովրդին անմնացորդ նվիրվելու վառ օրինակ է»,- ընդգծել է նախագահը։

Ըստ նրա, տարիներ շարունակ զբաղեցնելով ամենաբարձր պետական պաշտոններ` մինչև կյանքի վերջին օրը նա հավատարիմ մնաց մարդկային իր հատկանիշներին` ընդգծված համեստությանը, բարությանն ու ներողամտությանը:

«Ժամանակակիցները նրան միշտ կհիշեն իր բարի ժպիտով, որը միաժամանակ և քաջալերում, և պարտավորեցնում էր»,- ասել է երկրի ղեկավարը։ Նրա խոսքերով, ցանկացած աշխատանք կամ ոլորտ, որ ղեկավարվել է Ֆադեյ Սարգսյանի կողմից, հուսալիության ամուր պաշար և հաջողության լուրջ հավակնություններ է պարունակել:

«Մեծ է նրա` որպես կառավարության ղեկավարի ավանդը Հայաստանի զարգացման գործում։ Հմուտ ղեկավարի նրա կարողությունները լավագույնս դրսևորվել են նաև հանրապետության գիտական կյանքի կազմակերպման գործում` Երևանի մաթեմատիկական մեքենաների գիտահետազոտական ինստիտուտը և Հայաստանի գիտությունների ազգային ակադեմիան ղեկավարելու տարիներին։

Կորստի այս ծանր պահին իմ ցավակցությունն եմ հայտնում հայրենիքի առաջ ծանրակշիռ ծառայություններ ունեցող մարդու ընտանիքին, հարազատներին ու գործընկերներին»,- ասվում է երկրի ղեկավարի ուղերձում։

Ֆադեյ Տաճատի Սարգսյանը ծնվել է 1923թ.-ի սեպտեմբերի 18-ն, Երևանում: Սովորել է Երևանի ճարտարագիտական համալսարանում (1940-1942թթ.), ավարտել է Ս.Մ. Բուդոննու անվան ռազմական էլեկտրատեխնիկական ակադեմիան (1942-1946թթ): 1977թ.-ն նշանակվել էր Հայաստանի ԽՍՀ Նախարարների խորհրդի նախագահ:

Ֆադեյ Սարգսյանը Հայաստանի գիտությունների ակադեմիայի տեխնիկական գիտությունների դոկտոր էր (1971), Ինֆորմատիկայի միջազգային ակադեմիայի անդամ (1995), Պորտուգալիայի պատմության ակադեմիայի անդամ (1995), Ճարտարագիտական միջազգային ակադեմիայի պատվավոր անդամ (1994), Փարիզի «Արարատ» Միջազգային ակադեմիայի պատվավոր անդամ (1994), Հայաստանի փիլիսոփայության ակադեմիայի անդամ (1991), Տեղեկատվության մշակման միջազգային դաշնության գլխավոր վեհաժողովի անդամ (1995), Գիտությունների միությունների միջազգային ասոցիացիայի գլխավոր վեհաժողովի անդամ (1993): Սարգսյանը զբաղեցնում էր ՀՀ վարչապետի խորհրդատուի պաշտոնը:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։