484.75
-0.5
571.76
+2.32
8.19
+0.01
-2
Եղանակը Երևանում
Հայ
Հայաստանը և Թուրքիան ուղիղ տեղեկատվական կապեր հաստատելու կարիք ունեն. թուրքագետ
16:22
21 Դեկտեմբերի 2009

ԵՐԵՎԱՆ, 21  դեկտեմբերի. /Նովոստի-Արմենիա/. Հայաստանի և Թուրքիայի տեղեկատվական բևեռների միջև ուղիղ և անմիջական կապեր հաստատելու կարիք կա, ասաց թուրքագետ Արտակ Շաքարյանը:

«2009թ.-ի ապրիլից հոկտեմբեր ընկած ժամանակահատվածում Հայաստանում և Թուրքիայում անցկացվել է երկու երկրի՝ միմյանց հանդեպ բացասական ուղղվածության աստիճանի մասին զուգահեռ հետազոտություն, և այդ հետազոտության հիմնական եզրակացությունը տարվում է դեպի այն, որ և թուրք, և հայ լրագրողները հիմնականում Հայաստանի մասին տեղեկատվություն են ստացել Ադրբեջանի ռուսալեզու կայքերից»,- երկուշաբթի «Նովոստի» միջազգային մամուլի կենտրոնում ասաց նա:

Շաքարյանը պարզաբանեց, որ այդ նպատակների լուծմանը, ինչպես նաև հայ և թուրք ԶԼՄ-ների ներկայացուցիչների անաչառությանն է ուղղված է հատուկ նախագիծը, որն իրականացվում է «Եվրասիա-համագործակցություն» հիմնադրամի, Նորվեգիայի կառավարության և USAID ֆինանսական աջակցությամբ:

«Այս նախագծի շրջանակներում առաջին հանդիպումը կայացել է հոկտեմբերի 13-14-ին թուրքական Բուրսա քաղաքում, որին մասնակցել են հայ և թուրք առաջատար ԶԼՄ-ների 15 ղեկավարներ ու խմբագիրներ, և այդ հանդիպման ընթացքում քննարկվել են ստեղծված իրավիճակից դուրս գալու ուղիները»,- պարզաբանեց նա:

Ընդ որում, փորձագետը հավելեց, որ հետազոտության արդյունքում պարզվել է նաև, որ գոյություն ունի փոխադարձ հարցազրույցների լուրջ պակաս. թուրքական մամուլում կա հայկական կարծիքի դրսևորման պակաս, և ընդհակառակը, այդ իսկ պատճառով Բուրսայում որոշում է ընդունվել հնարավոր ամեն բան անել այդ բացը լրացնելու համար: 

Այս առնչությամբ Շաքարյանը նշեց, որ ընթացիկ տարվա դեկտեմբերի 17-20-ը Հայաստանում է գտնվել թուրք լրագրողների մի խումբ, որոնց համար ոչ միայն կազմակերպվել են սեմինար-քննարկումներ հայ-թուրքական հարաբերությունների կամ Ղարաբաղյան հիմնահարցի ու Թուրքիայում հայ միգրանտների վիճակի մասին, այլև հատուկ հարցազրույցներ ու հանդիպումներ Հայաստանի քաղաքական վերնախավի ներկայացուցիչների հետ, որոնց հետ թուրք լրագրողները անմիջական հարցազրույցներ անցկացնելու հնարավորություն են ստացել:

«Բացի այդ, թուրք լրագրողները հնարավորություն են ունեցել հայ-թուրքական հարաբերությունների մասին իրենց կարծիքն արտահայտելու այստեղ՝ Հայաստանում»,- պարզաբանեց նա՝ հավելելով, որ որոշ հեռուստաընկերությունների ուղիղ եթերում հարցազրույցներ են կազմակերպվել:

Որպես թուրք լրագրողների Հայաստան կատարած պատասխան այցի արդյունք՝ Շաքարյանն անվանեց այն, որ այսօրվա դրությամբ թուրքական մամուլում արդեն տպվել է շուրջ 30 հոդված, վերլուծական նյութ և Հայաստան կատարած այցից ստացած տպավորություն, և ավելացրեց, որ նման հրապարակումներ սպասվում են նաև ապագայում:  

«Հիմնականում նրանց հոդվածները լրատվական նյութեր են եղել՝ Հայաստանում ունեցած հանդիպումների մասին, և դրականն այն է, որ դրանցում չեն խեղաթյուրվել հայ պաշտոնատար անձանց խոսքերը: Այլ կերպ ասած, նրանք իսկապես անկեղծորեն փորձել են ներկայացնել հայ հասարակության կարծիքը հայ-թուրքական հարաբերությունների վերաբերյալ»,- ընդգծեց նա:

Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ հայոց ցեղասպանության միջազգային ճանաչման գործընթացին:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։