482.26
+0.64
516.89
-1.62
7.57
+0.02
-1
Եղանակը Երևանում
Հայ
«Խոզային» մեծ խուճապ. համավարա՞կ, թե՞ բլեֆ
14:29
16 Դեկտեմբերի 2009

Հայաստանում արդեն արձանագրվում են «խոզագրիպից» մահացության առաջին դեպքերը, իսկ հիվանդների թիվը ներկայումս կազմել է 80 մարդ։

ՀՀ առողջապահության նախարարության տվյալներով՝ առայսօր արձանագրվել է A/H1 N1 գրիպից մահացության երկու դեպք, որից մեկը 16-շաբաթական հղիություն ունեցող մի կին է, երկրորդը՝ 28-ամյա երիտասարդ։

Երկրի բնակչությունը, որը սովոր է բժշկի դիմել միայն ծայրահեղ դեպքում և գրեթե երբեք՝ սովորական սեզոնային գրիպի դեպքում, անհանգստացել է, փոքր-ինչ  նույնիսկ խուճապի է մատնվել։

Որևէ վիրուս վերջին տարիներին նման աղմուկ չի բարձրացրել։ Անշուշտ, համաճարակի նկատմամբ վերաբերմունքը միանշանակ չէ ինչպես ողջ աշխարհում, այնպես էլ Հայաստանում։ Ոմանք կարծում են, որ անհրաժեշտ է պատվաստումներ կատարել, ոմանք էլ՝ որ գրիպին մեծ ուշադրություն պետք չէ դարձնել՝ պատճառաբանելով, որ, վերջիվերջո, սեզոնային գրիպից մի քանի անգամ ավելի շատ մարդ է մահանում, քան «խոզագրիպից»։ Կարծիք կա նաև, որ A/H1N1 գրիպը մի մեծ բլեֆ է, որի նպատակն է խթանել Տամիֆլյու դեղամիջոցի իրացումը։

Հայաստանում, առաջնորդվելով ժողովրդական «շառից հեռու»-ով, կարանտին հայտարարեցին՝ փակելով դպրոցներն ու մանկապարտեզները, թեև շնչառական սուր ինֆեկցիոն վիրուսով հիվանդացության մակարդակը զգալիորեն աճել է։ Հայաստանի առողջապահության նախարարության տվյալներով՝ վերջին ամսվա ընթացքում երկրում արձանագրվել է սեզոնային գրիպի և շնչառական սուր ինֆեկցիոն  հիվանդացության ավելի քան 31 հազար դեպք։

Գրիպի նոր տեսակի նկատմամբ համընդհանուր անհանգստության լույսի ներքո բարձրացել է հետաքրքրությունը սովորական սեզոնային գրիպի նկատմամբ, քանի որ A/H1N1 վիրուսի ախտանիշները սկզբնական փուլում գրեթե չեն տարբերվում սովորական մրսածության ախտանիշներից։ Երևանի փողոցներում կարելի է հանդիպել բժշկական դիմակներով մարդկանց՝ մեր հասարակության համար զգուշության չտեսնված միջոց։

Մինչդեռ առողջապահության նախարարությունը պնդում է, որ հանրապետությունն ապահովված է Տամիֆլյու դեղամիջոցի անհրաժշտ քանակությամբ և կոչ է անում խուճապի չմատնվել։ 

«Ներկայումս խուճապի կամ մտահոգության կարիք չկա, քանի որ ձեռնարկվում են անհրաժեշտ բոլոր քայլերը։ Այդ վիրուսը տարածված է ամբողջ աշխարհով, և ժամանակ է անհրաժեշտ՝ մեկ-երկու ամիս, որպեսզի վարակը նահանջի»,- հայտարարել է Հայաստանի առողջապահության նախարար Հարություն Քուշկյանը։

Պաշտոնական վիճակագրության համաձայն՝ Հայաստանում արձանագրվել է «խազոգրիպից» մահացության միայն երկու դեպք։ Սակայն ոչ պաշտոնական աղբյուրների տվյալները վկայում են այն մասին, որ իրավիճակն ավելի լուրջ է։ Եվ որքան էլ առողջապահության նախարարությունը բացատրի, որ հանրապետությունում մահվան ելքով հիվանդացության արձանագրված դեպքերը որևէ կապ չունեն A/H1N1 վիրուսի հետ, դրան հավատալը դժվար է։ Հայաստանը փոքր երկիր է, ընկերների, հիվանդների հարազատների, ծանոթ բուժաշխատողների հետ խոսակցություններից պարզ է դառնում, որ հանրապետության համակաճարակաբանական իրավիճակն ամենևին անամպ չէ։

Քաղաքացիների վկայությամբ՝ Երևանի բոլոր հիվանդանոցները լիքն են հիվանդներով, հիմնականում՝ թոքաբորբ ախտորոշմամբ։ Ընդ որում թե հիվանդների հարազատները, թե բժիշկները պնդում են, որ հիվանդությունը զարգանում է գրեթե կայծակնային արագությամբ։ Որոշ դեպքերում գրիպը մի քանի օրվա ընթացքում վերածվում է մենինգիտի։ Միաժամանակ առողջապահության նախարարությունը պնդում է, որ դա «խազոգրիպ» չէ, այլ սովորական սեզոնային գրիպ, և մահացությունը գրիպից և թոքաբորբից նույն մակարդակի վրա է, ինչպես նախորդ տարիներին։

Սակայն եթե անկեղծ լինենք, դժվար է հավատալ, որ երիտասարդ և առողջ մարդիկ կարող են այդքան ուժեղ մրսել և մահանալ մեկ շաբաթվա ընթացքում, առավել ևս, որ այս տարի ոչ աշունը, ոչ ձմեռը չեն առանձնանում օդի աննախադեպ ցածր ջորմաստիճանով։

Մնում է միայն սպասել և հուսալ, որ առաջին ձյունը և սառնամանիքները կմաքրեն օդը «խոզի» և այլ վիրուսներից, և ոչ ոք ստիպված չի լինի Ամանորը դիմավորել հիվանդանոցում։ -0-

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: