+21
Եղանակը Երևանում
Հայ
Նախապայմանների առաջադրումը հայ-թուրքական հարաբերությունների կարգավորման գործընթացում կողմերին «փակ շրջան» կվերադարձնի. Նալբանդյան
20:04
09 Դեկտեմբերի 2009

Նախապայմանների առաջադրումը հայ-թուրքական հարաբերությունների կարգավորման գործընթացում կողմերին կվերադարձնի «փակ շրջան», չորեքշաբթի խորհրդարանում ասաց Հայաստանի արտաքին գործերի նախարար Էդվարդ Նալբանդյանը՝ պատասխանելով հայ-թուրքական արձանագրությունների ստորագրման և բանակցությունների մանրամասների մասին «Դաշնակցություն» խմբակցության հարցին։

Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Նախարարը նշեց, որ Հայաստանի նախագահ Սերժ Սարգսյանը բազմիցս հայտարարել է, որ արձանագրությունները պետք է ստորագրվեն և վավերացվեն Թուրքիայի կողմից առանց նախապայմանների։

Նրա խոսքերով, թեև հնչել են հայտարարություններ այն մասին, որ նախապայմաններ կան, այդ թվում՝ արձանագրություններում, սակայն Թուրքիայի վարչապետ Ռեջեփ Թայիփ Էրդողանը հայտարարեց, որ նախապայմաններ չեն եղել նույնիսկ ստորագրման ընթացքում, թեև թուրքական խորհրդարանը կարող է նախապայմաններ առաջ քաշել վավերացման համար։

«Եթե մենք վերադառնանք նախապայմանների առկայությամբ երկխոսությանը, ապա կվերադառնանք «փակ շրջան», որտեղ մենք եղել ենք մինչև այս գործընթացի սկիզբը։ Այն կողմը, որը կգնա նման փորձերի, իր վրա կվերցնի ողջ պատասխանատվությունը համապատասխան հետևանքներով, ինչը հասկանում են Թուրքիայում։ Այսպիսին է ոչ միայն Հայաստանի, այլ նաև ողջ միջազգային հանրության դիրքորոշումը»,- ասաց Նալբանդյանը։

Միաժամանակ նախարարը որոշ առաջխաղացում նշեց Էրդողանի՝ Վաշինգտոն կատարած այցից հետո, որի ընթացքում ԱՄՆ նախագահ Բարաք Օբաման հայտարարել է, որ ԱՄՆ-ում ակնկալում են արձանագրությունների վավերացումն առանց նախապայմանների և խելամիտ ժամկետներում։

Նալբանդյանի խոսքերով, Հայաստանի կառավարության քայլերն ուղղված են երկրի Սահմանադրությանը համապատասխան Հայաստանի և Թուրքիայի միջև նորմալ հարաբերությունների ստեղծմանը, ինչը, սակայն, չի նշանակում  հրաժարվել Հայոց ցեղասպանության ճանաչումից։

«Հայաստանը հետևողական է եղել Հայոց ցեղասպանության ճանաչման և դատապարտման հարցում՝ համոզված լինելով, որ Թուրքիայի կողմից Ցեղասպանության ճանաչումը կնպաստի ժողովուրդների միջև վստահության մթնոլորտի ձևավորմանը»,- ասաց Նալբանդյանը։

Հայաստանի և Թուրքիայի միջև չկան դիվանագիտական հարաբերություններ՝ Թուրքիայի կողմից առաջ քաշված նախապայմանների պատճառով։ Թուրքիան երկկողմ հարաբերությունների հաստատման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Ցեղասպանության ճանաչմանն ուղղված ջանքերից հրաժարվելը, ղարաբաղյան հիմնախնդրի լուծումը` հօգուտ Ադրբեջանի, ինչպես նաև Հայաստանի կողմից Թուրքիայի սահմանների ճանաչումը:

Անկարայի նախաձեռնությամբ, 1993թ.-ից փակ է հայ-թուրքական սահմանը, ինչի հետևանքով Հայաստանի տնտեսությանը տարեկան 500 մլն դոլարի վնաս է հասցվում։--0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: