487.29
-0.01
568.08
+2.76
8.23
+0.01
+7
Եղանակը Երևանում
Հայ
Հայաստանը կարող է համարժեք քայլերի գնալ՝ ի պատասխան Թուրքիայի նախապայմանին. ՀՀ փոխարտգործնախարար
17:35
09 Դեկտեմբերի 2009

Հայաստանն էլ կարող է նախապայման առաջ քաշել այն դեպքում, եթե հայ-թուրքական հարաբերությունների համար Թուրքիան  նախապայմաններ առաջադրի, չորեքշաբթի  ԵՊՀ-ում հայտարարեց ՀՀ փոխարտգործնախարար Շավարշ Քոչարյանը՝ մեկնաբանելով Թուրքիայի վարչապետ Ռեջեփ Թայիփ Էրդողանի՝ ԱՄՆ-ում արված հայտարարոթյունը՝ արձանագրությունների վավերացման համար գոյություն ունեցող նախապայմանների մասին:

Հայաստանի և Թուրքիայի միջև հարաբերությունների բարելավումը կախված է ԵԱՀԿ Մինսկի խմբի կողմից ղարաբաղյան հակամարտության կարգավորումից, ասել էր Թուրքիայի վարչապետն իր ամերիկացի գործընկեր Բարաք Օբամայի հետ Վաշինգտոնում ունեցած հանդիպումից հետո:

«Երբ մենք արձանագրություն էինք ստորագրում Հայաստանի հետ, ոչ մի նախապայման այնտեղ չկար: Սակայն մեր խորհրդարանում այդ փաստաթղթի ստորագրումը նախապայման է պահանջում: Որպեսզի լուծվի այդ հարցը, միայն քաղաքական կամքը բավական չէ: Թուրքական խորհրդարանի համար այդ թեման չափազանց զգայուն է»,- ասել է Էրդողանը՝ ավելացնելով, որ այդ իրավիճակից դուրս գալու ելքը ղարաբաղյան հակամարտության կարգավորումն արագացնելն է:

ՀՀ փոխարտգործնախարարը հայտարարեց, որ Թուրքիայի խորհրդարանը պետք է վավերացնի արձանագրությունները առանց նախապայմանների, և ՀՀ նախագահ Սերժ Սարգսյանը, և արտգործնախարարը բազմաթիվ անգամ հայտարարել են, որ հայ-թուրքական հարաբերությունները ղարաբաղյան հակամարտության կարգավորման հետ կապելը կսպառնա այդ գործընթացներին:

«Եթե կողմերից մեկը նախապայման է առաջ քաշում, ապա, բնականաբար, կարող են ի հայտ գալ  մեր արդարացի նախապայմանները՝ հայոց ցեղասպանության ճանաչումն ու սահմանի միակողմանի բացումը: Ամեն դեպքում կյանքը չափազանց հարուստ է, և ապագան ցույց կտա, թե որ ուղղությամբ կընթանա գործընթացը, և հավատարիմ կլինի, արդյոք, Թուրքիան իր ստանձնած պարտավորություններին»,- ասաց նա:

Քոչարյանը նշեց, որ երբ Հայաստանը համաձայնում էր Թուրքիայի հետ առանց նախապայմանների հարաբերություններին, ենթադրում էր, որ գնում է Թուրքիայի հետ հարաբերությունների կարգավորման առանց նախապայմանների ՝ 1915թ. հայոց ցեղասպանության ճանաչման արդարացի պահանջի ու սահմանի անհապաղ բացման:

ՀՀ փոխարտգործնախարարն ավելացրեց նաև, որ նախապայմանների բացակայության տակ Հայաստանը հասկանում է, որ Թուրքիան մերժում է, որ Հայաստանը մասնակցի այնպիսի գործողությունների, որոնք կարող են կասկածի տակ դնել ցեղասպանության փաստը, մերժում է ցեղասպանության միջազգային ճանաչման ջանքերը, ինչպես նաև ղարաբաղյան հակամարտության մեջ միակողմանի զիջումները:

Ընդ որում, Քոչարյանը կոչ արեց սպասել իրադարձությունների հետագա զարգացմանը տեսնելու համար՝ Թուրքիան հետևողական կլինի՞, արդյոք, իր հայտարարություններին:

Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ՝ Թուրքիայի կողմից առաջ քաշված նախապայմանների պատճառով։ Թուրքիան երկկողմ հարաբերությունների հաստատման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Ցեղասպանության ճանաչմանն ուղղված ջանքերից հրաժարվելը, ղարաբաղյան հիմնախնդրի լուծումը` հօգուտ Ադրբեջանի, ինչպես նաև Հայաստանի կողմից Թուրքիայի սահմանների ճանաչումը:

Անկարայի նախաձեռնությամբ, 1993թ.-ից փակ է հայ-թուրքական սահմանը, ինչի հետևանքով Հայաստանի տնտեսությանը տարեկան 500 մլն դոլարի վնաս է հասցվում։--0--

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։