485.25
-0.08
569.44
-2.72
8.18
-0.02
+1
Եղանակը Երևանում
Հայ
ՀՀ խորհրդարանի ղեկավարը համագործակցության հարցեր է քննարկել Կորեայի վարչապետի հետ
11:10
03 Դեկտեմբերի 2009

ԵՐԵՎԱՆ, 3 դեկտեմբերի. /Նովոստի-Արմենիա/. ՀՀ ԱԺ նախագահ Հովիկ Աբրահամյանը Կորե կատարած պաշտոնական այցի ընթացքում հանդիպում ունեցավ Կորեայի Հանրապետության վարչապետ Չունգ Ուն Չանի հետ:

Ինչպես «Նովոստի-Արմենիա» գործակալությանը տեղեկացրեցին ՀՀ ԱԺ մամուլի ծառայությունից, ՀՀ ԱԺ ղեկավարը նշեց, որ Հայաստանը կարևորում է ասիական տարածաշրջանի առաջատար երկրների հետ երկկողմ հարաբերությունների զարգացումը` այս համատեքստում անհրաժեշտ համարելով Կորեայի Հանրապետության հետ փոխգործակցության ընդլայնումը:

«ԱԺ նախագահը կարծիք հայտնեց, որ  երկկողմ հարաբերությունների հիմքում ընկած է փոխադարձ համակրանքը, որը պայմանավորված է նաև  երկու ժողովուրդների անցած պատմական դժվար ուղու և ներկա մարտահրավերների նմանությամբ»,- ասված է հաղորդագրության մեջ:

Երկկողմ միջպետական գործակցության հետագա ընդլայնման և խորացման առումով` ԱԺ նախագահը կարևոր համարեց երկու երկրների խորհրդարանների միջև կապերի  ակտիվացումը եւ համոզմունք հայտնեց, որ Հայաստանի և Կորեայի միջև հարաբերությունների հետագա զարգացման և ամրապնդման համար առկա է մեծ ներուժ: Նա ընդգծեց առևտրատնտեսական, գիտակրթական, մշակութային, գյուղատնտեսական և այլ ոլորտներում համագործակցության անհրաժեշտությունը:

Աբրահամյանը գոհունակությամբ փաստեց, որ երկու երկրի միջև առևտրատնտեսական բնագավառում վերջին տարիներին արձանագրվել է որոշակի առաջխաղացում, սակայն Հայաստանի և Կորեայի միջև ապրանքաշրջանառության գերակշռող մասը իրականացվում է երրորդ երկրների միջոցով:  Այս համատեքստում նա կարեւոր համարեց երկու երկրների գործարարների անմիջական շփումները: Երկու ժողովուրդների բարեկամության ամրապնդման առումով ԱԺ նախագահը կարևորեց մշակութային համատեղ ծրագրերի, մշակութային օրերի կազմակերպումը:

Հովիկ Աբրահամյանը նշեց, որ Հայաստանը հետաքրքրված է տեղեկատվական տեխնոլոգիաների զարգացման հարցում և, հաշվի առնելով այս ոլորտում Կորեայի ձեռքբերումները, առաջարկեց  համագործակցություն ծավալել այս ուղղությամբ եւս. մասնավորապես մասնագետների վերապատրաստում, համատեղ ծրագրերի իրականացում: Փոխգործակցության հաջողված օրինակ է Հարավային Կորեայի ամենախոշոր մասնավոր ընկերություններից մեկը հանդիսացող «GS Group» ընկերության հետ  համագործակցությունը:

Կորեայի Հանրապետության վարչապետ Չունգ Ուն Չանը, ողջունելով  հյուրերին, նշեց, որ 1992 թ. ի վեր, երբ Հայաստանի Հանրապետության և Կորեայի Հանրապետության միջև հաստատվել են դիվանագիտական հարաբերություններ, ԱԺ նախագահ Հովիկ Աբրահամյանը առաջին բարձրաստիճան հայ պաշտոնյան է, ով պաշտոնական այցով ժամանել է  Կորեա:  Կարևորելով երկու երկրների միջև փոխգործակցության զարգացումը տարբեր ուղղություններով` ԿՀ վարչապետը առաջնահերթ համարեց զարգացնել համագործակցությունը կրթության, մշակույթի, գիտության ոլորտներում:  «Եվ Հայաստանը, և Կորեան,  չունենալով հարուստ բնական պաշարներ, տնտեսության և այլ ոլորտներում ունեցել են  ձեռքբերումներ շնորհիվ մտավոր մեծ ներուժի»,-նշեց Չունգ Ուն Չանը:

Հանդիպման ընթացքում կողմերը քննարկեցին համաշխարհային ֆինանսատնտեսական ճգնաժամի հաղթահարմանը, համատեղ ծրագրերի իրականացմանը առնչվող և երկկողմ հետաքրքրություն ներկայացնող այլ հարցեր ես:

Նույն օրը ՀՀ ԱԺ նախագահ Հովիկ Աբրահամյանի գլխավորած պատվիրակությունը այցելեց «Samsung Electronics»  ընկերություն, որտեղ  գլխավոր տնօրենը Հայաստանի խորհրդարանական պատվիրակությանը ներկայացրեց  ընկերության  գործունեության ուղղությունները, վերջին ձեռքբերումները:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։